2. Dutiyanibbānapaṭisaṃyuttasuttaṃ
72. Evaṃ me sutaṃ – ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme .
Tena kho pana samayena bhagavā bhikkhū nibbānapaṭisaṃyuttāya
M0.178 dhammiyā kathāya sandasseti samādapeti samuttejeti sampahaṃseti .Tedha bhikkhū aṭṭhiṃ katvā manasi katvā sabbaṃ cetaso samannāharitvā ohitasotā dhammaṃ suṇanti .
Atha kho bhagavā etamatthaṃ viditvā tāyaṃ velāyaṃ imaṃ udānaṃ udānesi –
‘‘ Duddasaṃ anataṃ nāma , na hi saccaṃ sudassanaṃ ;
Paṭividdhā taṇhā jānato , passato natthi kiñcanan ’’ ti .
dutiyaṃ ;