Issues
Select Version
Kathāvatthupāḷi
Kathāvatthupāḷi

(22)2. Ariyantikathā

Author: _System_Pali_VRI_ @ Administrator

(22)2. Ariyantikathā

357. Ṭhānāṭhāne yathābhūtaṃ ñāṇaṃ tathāgatabalaṃ ariyanti ?
Āmantā .
Maggo phalaṃ nibbānaṃ , sotāpattimaggo sotāpattiphalaṃ , sakadāgāmimaggo sakadāgāmiphalaṃ , anāgāmimaggo anāgāmiphalaṃ , arahattamaggo arahattaphalaṃ , satipaṭṭhānaṃ sammappadhānaṃ iddhipādo indriyaṃ balaṃ bojjhaṅgoti ?
Na hevaṃ vattabbe … pe ….
Ṭhānāṭhāne yathābhūtaṃ ñāṇaṃ tathāgatabalaṃ ariyanti ?
ĀmantāT0.256 .
Suññatārammaṇanti ?
Na hevaṃ vattabbe … pe ….
Suññatārammaṇanti ?
Āmantā .
ṬhānāṭhānañcaM0.178 manasi karoti , suññatañca manasi karotīti ?
Na hevaṃ vattabbe … pe ….
ṬhānāṭhānañcaV0.196 manasi karoti , suññatañca manasi karotīti ?
Āmantā .
Dvinnaṃ phassānaṃ dvinnaṃ cittānaṃ samodhānaṃ hotīti ?
NaP0.233 hevaṃ vattabbe … pe … ṭhānāṭhāne yathābhūtaṃ ñāṇaṃ tathāgatabalaṃ ariyanti ?
Āmantā .
Animittārammaṇaṃ … pe … appaṇihitārammaṇanti ?
Na hevaṃ vattabbe … pe … appaṇihitārammaṇanti ?
Āmantā .
Ṭhānāṭhānañca manasi karoti , appaṇihitañca manasi karotīti ?
Na hevaṃ vattabbe … pe ….
Ṭhānāṭhānañca manasi karoti , appaṇihitañca manasi karotīti ?
Āmantā .
Dvinnaṃ phassānaṃ dvinnaṃ cittānaṃ samodhānaṃ hotīti ?
Na hevaṃ vattabbe … pe ….
358. Satipaṭṭhānā ariyā suññatārammaṇāti ?
Āmantā .
Ṭhānāṭhāne yathābhūtaṃ ñāṇaṃ tathāgatabalaṃ ariyaṃ suññatārammaṇanti ?
Na hevaṃ vattabbe … pe ….
Satipaṭṭhānā ariyā animittārammaṇā … pe … appaṇihitārammaṇāti ?
Āmantā .
Ṭhānāṭhāne yathābhūtaṃ ñāṇaṃ tathāgatabalaṃ ariyaṃ appaṇihitārammaṇanti ?
Na hevaṃ vattabbe … pe ….
Sammappadhānā , iddhipādā , indriyā , balā , bojjhaṅgā ariyā suññatārammaṇāti ?
Āmantā .
Ṭhānāṭhāne yathābhūtaṃ ñāṇaṃT0.257 tathāgatabalaṃ ariyaṃ suññatārammaṇanti ?
Na hevaṃ vattabbe … pe ….
Bojjhaṅgā ariyā animittārammaṇā … appaṇihitārammaṇāti ?
ĀmantāP0.234 .
Ṭhānāṭhāne yathābhūtaṃ ñāṇaṃ tathāgatabalaṃ ariyaṃ appaṇihitārammaṇanti ?
Na hevaṃ vattabbe … pe ….
359. Ṭhānāṭhāne yathābhūtaṃ ñāṇaṃ tathāgatabalaṃ ariyaṃ na vattabbaṃ –
‘‘ suññatārammaṇan ’’ ti ?
Āmantā .
Satipaṭṭhānā ariyā na vattabbā –
‘‘ suññatārammaṇā ’’ ti ?
Na hevaṃ vattabbe … pe ….
Ṭhānāṭhāne yathābhūtaṃ ñāṇaṃ tathāgatabalaṃ ariyaṃ na vattabbaṃ – animittārammaṇaṃ … pe … appaṇihitārammaṇantiV0.197 ?
Āmantā .
Satipaṭṭhānā ariyā na vattabbā –
‘‘ appaṇihitārammaṇā ’’ ti ?
Na hevaṃ vattabbe … pe ….
ṬhānāṭhāneM0.179 yathābhūtaṃ ñāṇaṃ tathāgatabalaṃ ariyaṃ na vattabbaṃ – suññatārammaṇaṃ … pe … animittārammaṇaṃ … pe … appaṇihitārammaṇanti ?
Āmantā .
Sammappadhānaṃ … pe … bojjhaṅgā ariyā na vattabbā –
‘‘ appaṇihitārammaṇā ’’ ti ?
Na hevaṃ vattabbe … pe ….
360. Sattānaṃ cutūpapāte yathābhūtaṃ ñāṇaṃ tathāgatabalaṃ ariyanti ?
Āmantā .
Maggo phalaṃ nibbānaṃ , sotāpattimaggo sotāpattiphalaṃ … pe … bojjhaṅgoti ?
Na hevaṃ vattabbe … pe ….
Sattānaṃ cutūpapāte yathābhūtaṃ ñāṇaṃ tathāgatabalaṃ ariyanti ?
Āmantā .
Suññatārammaṇanti ?
Na hevaṃ vattabbe … pe … suññātārammaṇantiP0.235 ?
Āmantā .
Sattānaṃ cutūpapātañca manasi karotiT0.258 , suññatañca manasi karotīti ?
Na hevaṃ vattabbe … pe ….
Sattānaṃ cutūpapātañca manasi karoti , suññatañca manasi karotīti ?
Āmantā .
Dvinnaṃ phassānaṃ dvinnaṃ cittānaṃ samodhānaṃ hotīti ?
Na hevaṃ vattabbe … pe ….
Sattānaṃ cutūpapāte yathābhūtaṃ ñāṇaṃ tathāgatabalaṃ ariyanti ?
Āmantā .
Animittārammaṇaṃ appaṇihitārammaṇanti ?
Na hevaṃ vattabbe … pe … appaṇihitārammaṇanti ?
Āmantā .
Sattānaṃ cutūpapātañca manasi karoti , appaṇihitañca manasi karotīti ?
Na hevaṃ vattabbe … pe ….
Sattānaṃ cutūpapātañca manasi karoti , appaṇihitañca manasi karotīti ?
Āmantā .
Dvinnaṃ phassānaṃ dvinnaṃ cittānaṃ samodhānaṃ hotīti ?
Na hevaṃ vattabbe … pe ….
361. Satipaṭṭhānā ariyā suññatārammaṇā … pe … animittārammaṇā … pe … appaṇihitārammaṇāti ?
Āmantā .
Sattānaṃ cutūpapāte yathābhūtaṃ ñāṇaṃ tathāgatabalaṃ ariyaṃ appaṇihitārammaṇanti ?
Na hevaṃ vattabbe … pe ….
SammappadhānaṃP0.236V0.198 … pe … bojjhaṅgā ariyā suññatārammaṇā … pe … animittārammaṇā … pe … appaṇihitārammaṇāti ?
Āmantā .
Sattānaṃ cutūpapāte yathābhūtaṃ ñāṇaṃ tathāgatabalaṃ ariyaṃ appaṇihitārammaṇanti ?
Na hevaṃ vattabbe … pe ….
SattānaṃM0.180 cutūpapāte yathābhūtaṃ ñāṇaṃ tathāgatabalaṃ ariyaṃ na vattabbaṃ – suññatārammaṇaṃ … pe … animittārammaṇaṃ … pe … appaṇihitārammaṇanti ?
Āmantā .
Satipaṭṭhānā ariyā na vattabbā –
‘‘ appapaṇihitārammaṇā ’’ tiT0.259 ?
Na hevaṃ vattabbe … pe ….
362. Sattānaṃ cutūpapāte yathābhūtaṃ ñāṇaṃ tathāgatabalaṃ ariyaṃ na vattabbaṃ – suññatārammaṇaṃ … pe … animittārammaṇaṃ … pe … appaṇihitārammaṇanti ?
Āmantā .
Sammappadhānā … pe … bojjhaṅgā ariyā na vattabbā –
‘‘ appaṇihitārammaṇā ’’ ti ?
Na hevaṃ vattabbe … pe ….
Āsavānaṃ khaye yathābhūtaṃ ñāṇaṃ tathāgatabalaṃ ariyanti ?
Āmantā .
Ṭhānāṭhāne yathābhūtaṃ ñāṇaṃ tathāgatabalaṃ ariyanti ?
Na hevaṃ vattabbe … pe ….
ĀsavānaṃP0.237 khaye yathābhūtaṃ ñāṇaṃ tathāgatabalaṃ ariyanti ?
Āmantā .
Sattānaṃ cutūpapāte yathābhūtaṃ ñāṇaṃ tathāgatabalaṃ ariyanti ?
Na hevaṃ vattabbe … pe ….
Ṭhānāṭhāne yathābhūtaṃ ñāṇaṃ tathāgatabalaṃ na vattabbaṃ –
‘‘ ariyan ’’ ti ?
Āmantā .
Āsavānaṃ khaye yathābhūtaṃ ñāṇaṃ tathāgatabalaṃ na vattabbaṃ –
‘‘ ariyan ’’ ti ?
Na hevaṃ vattabbe … pe ….
Sattānaṃ cutūpapāte yathābhūtaṃ ñāṇaṃ tathāgatabalaṃ na vattabbaṃ –
‘‘ ariyan ’’ ti ?
Āmantā .
Āsavānaṃ khaye yathābhūtaṃ ñāṇaṃ tathāgatabalaṃ na vattabbaṃ –
‘‘ ariyan ’’ ti ?
Na hevaṃ vattabbe … pe ….
ĀsavānaṃV0.199 khaye yathābhūtaṃ ñāṇaṃ tathāgatabalaṃ ariyaṃ suññatārammaṇanti ?
Āmantā .
Ṭhānāṭhāne yathābhūtaṃ ñāṇaṃ tathāgatabalaṃ ariyaṃ suññatārammaṇanti ?
Na hevaṃ vattabbe … pe ….
Āsavānaṃ khayeT0.260 yathābhūtaṃ ñāṇaṃ tathāgatabalaṃ ariyaṃ animittārammaṇaṃ … appaṇihitārammaṇanti ?
Āmantā .
Ṭhānāṭhāne yathābhūtaṃ ñāṇaṃ tathāgatabalaṃ ariyaṃ appaṇihitārammaṇanti ?
Na hevaṃ vattabbe … pe ….
Āsavānaṃ khaye yathābhūtaṃ ñāṇaṃ tathāgatabalaṃ ariyaṃ suññatārammaṇaṃ … pe … animittārammaṇaṃ … pe … appaṇihitārammaṇanti ?
Āmantā … pe ….
Sattānaṃ cutūpapāteM0.181 yathābhūtaṃ ñāṇaṃ tathāgatabalaṃ ariyaṃ appaṇihitārammaṇanti ?
Na hevaṃ vattabbe … pe ….
ṬhānāṭhāneP0.238 yathābhūtaṃ ñāṇaṃ tathāgatabalaṃ ariyaṃ na vattabbaṃ –
‘‘ suññatārammaṇan ’’ ti ?
Āmantā .
Āsavānaṃ khaye yathābhūtaṃ ñāṇaṃ tathāgatabalaṃ ariyaṃ na vattabbaṃ –
‘‘ suññatārammaṇan ’’ ti ?
Na hevaṃ vattabbe … pe ….
Ṭhānāṭhāne yathābhūtaṃ ñāṇaṃ tathāgatabalaṃ ariyaṃ na vattabbaṃ – animittārammaṇaṃ … appaṇihitārammaṇanti ?
Āmantā .
Āsavānaṃ khaye yathābhūtaṃ ñāṇaṃ tathāgatabalaṃ ariyaṃ na vattabbaṃ –
‘‘ appaṇihitārammaṇan ’’ ti ?
Na hevaṃ vattabbe … pe ….
Sattānaṃ cutūpapāte yathābhūtaṃ ñāṇaṃ tathāgatabalaṃ ariyaṃ na vattabbaṃ – suññatārammaṇaṃ … pe … animittārammaṇaṃ … pe … appaṇihitārammaṇanti ?
Āmantā .
Āsavānaṃ khaye yathābhūtaṃ ñāṇaṃ tathāgatabalaṃ ariyaṃ na vattabbaṃ –
‘‘ appaṇihitārammaṇan ’’ ti ?
Na hevaṃ vattabbe … pe ….
Ariyantikathā niṭṭhitā .
3. Tatiyavaggo