Issues
Select Version
Kathāvatthupāḷi
Kathāvatthupāḷi

(38)6. Bodhiyā buddhotikathā

Author: _System_Pali_VRI_ @ Administrator

(38)6. Bodhiyā buddhotikathā

398. BodhiyāM0.212P0.281 buddhoti ?
Āmantā .
Bodhiyā niruddhāya vigatāya paṭipassaddhāya abuddho hotīti ?
Na hevaṃ vattabbe … pe ….
BodhiyāV0.236 buddhoti ?
Āmantā .
Atītāya bodhiyā buddhoti ?
Na hevaṃ vattabbe … pe … atītāya bodhiyā buddhoti ?
Āmantā .
Tāya bodhiyā bodhikaraṇīyaṃ karotīti ?
Na hevaṃ vattabbe … pe ….
Tāya bodhiyā bodhikaraṇīyaṃ karotīti ?
Āmantā .
Tāya bodhiyā dukkhaṃ parijānāti , samudayaṃ pajahati , nirodhaṃ sacchikaroti , maggaṃ bhāvetīti ?
Na hevaṃ vattabbe … pe ….
Bodhiyā buddhoti ?
Āmantā .
Anāgatāya bodhiyā buddhotiT0.307 ?
Na hevaṃ vattabbe … pe ….
Anāgatāya bodhiyā buddhoti ?
Āmantā .
Tāya bodhiyā bodhikaraṇīyaṃ karotīti ?
Na hevaṃ vattabbe … pe ….
Tāya bodhiyā bodhikaraṇīyaṃ karotīti ?
Āmantā .
Tāya bodhiyā dukkhaṃ parijānāti … pe … maggaṃ bhāvetīti ?
Na hevaṃ vattabbe … pe ….
Paccuppannāya bodhiyā buddho , tāya bodhiyā bodhikaraṇīyaṃ karotīti ?
Āmantā .
Atītāya bodhiyā buddho , tāya bodhiyā bodhikaraṇīyaṃ karotīti ?
NaP0.282 hevaṃ vattabbe … pe ….
Paccuppannāya bodhiyā buddho , tāya bodhiyā dukkhaṃ parijānāti , samudayaṃ pajahati , nirodhaṃ sacchikaroti , maggaṃ bhāvetīti ?
Āmantā .
Atītāya bodhiyā buddho , tāya bodhiyā dukkhaṃ parijānāti … pe … maggaṃ bhāvetīti ?
Na hevaṃ vattabbe … pe ….
Paccuppannāya bodhiyā buddho , tāya bodhiyā bodhikaraṇīyaṃ karotīti ?
Āmantā .
Anāgatāya bodhiyā buddho , tāya bodhiyā bodhikaraṇīyaṃ karotīti ?
Na hevaṃ vattabbe … pe ….
PaccuppannāyaM0.213 bodhiyā buddho , tāya bodhiyā dukkhaṃ parijānāti … pe … maggaṃ bhāvetītiV0.237 ?
Āmantā .
Anāgatāya bodhiyā buddho , tāya bodhiyā dukkhaṃ parijānāti … pe … maggaṃ bhāvetīti ?
Na hevaṃ vattabbe … pe ….
AtītāyaT0.308 bodhiyā buddho , na ca tāya bodhiyā bodhikaraṇīyaṃ karotīti ?
Āmantā .
Paccuppannāya bodhiyā buddho , na ca tāya bodhiyā bodhikaraṇīyaṃ karotīti ?
Na hevaṃ vattabbe … pe ….
Atītāya bodhiyā buddho , na ca tāya bodhiyā dukkhaṃ parijānāti … pe … maggaṃ bhāvetīti ?
Āmantā .
Paccuppannāya bodhiyā buddho , na ca tāya bodhiyā dukkhaṃ parijānāti … pe … maggaṃ bhāvetīti ?
Na hevaṃ vattabbe … pe ….
Anāgatāya bodhiyā buddho , na ca tāya bodhiyā bodhikaraṇīyaṃ karotīti ?
Āmantā .
Paccuppannāya bodhiyā buddho , na ca tāya bodhiyā bodhikaraṇīyaṃ karotīti ?
NaP0.283 hevaṃ vattabbe … pe ….
Anāgatāya bodhiyā buddho , na ca tāya bodhiyā dukkhaṃ parijānāti … pe … maggaṃ bhāvetīti ?
Āmantā .
Paccuppannāya bodhiyā buddho , na ca tāya bodhiyā dukkhaṃ parijānāti … pe … maggaṃ bhāvetīti ?
Na hevaṃ vattabbe … pe ….
399. Atītāya bodhiyā buddho , anāgatāya bodhiyā buddho , paccuppannāya bodhiyā buddhoti ?
Āmantā .
Tīhi bodhīhi buddhoti ?
Na hevaṃ vattabbe … pe ….
Tīhi bodhīhi buddhoti ?
Āmantā .
Satataṃ samitaṃ abbokiṇṇaṃ tīhi bodhīhi samannāgato samohito , tisso bodhiyo paccupaṭṭhitāti ?
Na hevaṃ vattabbe … pe ….
NaT0.309 vattabbaṃ –
‘‘ bodhiyā buddho ’’ ti ?
Āmantā .
Nanu bodhipaṭilābhā buddhoti ?
Āmantā .
Hañci bodhipaṭilābhā buddho , tena vata re vattabbe –
‘‘ bodhiyā buddho ’’ ti .
BodhipaṭilābhāV0.238 buddhoti , bodhiyā buddhoti ?
Āmantā .
Bodhipaṭilābhā bodhīti ?
Na hevaṃ vattabbe … pe ….
Bodhiyā buddhotikathā niṭṭhitā .
4. Catutthavaggo