Issues
Select Version
Kathāvatthupāḷi
Kathāvatthupāḷi

(44)2. Asekhañāṇakathā

Author: _System_Pali_VRI_ @ Administrator

(44)2. Asekhañāṇakathā

421. SekhassaV0.254 asekhaṃ ñāṇaṃ atthīti ?
Āmantā .
Sekho asekhaṃ dhammaṃ jānāti passati , diṭṭhaṃ viditaṃ sacchikataṃ upasampajja viharati , kāyena phusitvā viharatīti ?
Na hevaṃ vattabbe … pe … nanu sekho asekhaṃ dhammaṃ na jānāti na passati , adiṭṭhaṃ aviditaṃ asacchikataṃ na upasampajja viharati , na kāyena phusitvā viharatīti ?
Āmantā .
Hañci sekho asekhaṃ dhammaṃ na jānāti na passati , adiṭṭhaṃ aviditaṃ asacchikataṃ na upasampajja viharati , na kāyena phusitvā viharati , no ca vata re vattabbe –
‘‘ sekhassa asekhaṃ ñāṇaṃ atthī ’’ ti .
AsekhassaP0.304 asekhaṃ ñāṇaṃ atthi , asekho asekhaṃ dhammaṃ jānāti passati , diṭṭhaṃ viditaṃ sacchikataṃ upasampajja viharati , kāyena phusitvā viharatīti ?
Āmantā .
Sekhassa asekhaṃ ñāṇaṃ atthiT0.331 , sekho asekhaṃ dhammaṃ jānāti passati , diṭṭhaṃ viditaṃ sacchikataṃ upasampajja viharati , kāyena phusitvā viharatīti ?
Na hevaṃ vattabbe … pe ….
422. SekhassaM0.229 asekhaṃ ñāṇaṃ atthi , sekho asekhaṃ dhammaṃ na jānāti na passati , adiṭṭhaṃ aviditaṃ asacchikataṃ na upasampajja viharati , na kāyena phusitvā viharatīti ?
Āmantā .
Asekhassa asekhaṃ ñāṇaṃ atthi , asekho asekhaṃ dhammaṃ na jānāti na passati , adiṭṭhaṃ aviditaṃ asacchikataṃ na upasampajja viharati , na kāyena phusitvā viharatīti ?
Na hevaṃ vattabbe … pe ….
Sekhassa asekhaṃ ñāṇaṃ atthīti ?
Āmantā .
Gotrabhuno puggalassa sotāpattimagge ñāṇaṃ atthīti ?
Na hevaṃ vattabbe … pe … sotāpattiphalasacchikiriyāya paṭipannassa puggalassa sotāpattiphale ñāṇaṃ atthīti ?
Na hevaṃ vattabbe … pe … sakadāgāmiphala … anāgāmiphala … arahattasacchikiriyāya paṭipannassa puggalassa arahatte ñāṇaṃ atthīti ?
Na hevaṃ vattabbe … pe ….
423. NaV0.255 vattabbaṃ –
‘‘ sekhassa asekhaṃ ñāṇaṃ atthī ’’ ti ?
Āmantā .
Nanu āyasmā ānando sekho –
‘‘ bhagavā uḷāro ’’ ti jānāti ,‘‘ sāriputto thero , mahāmoggallāno thero uḷāro ’’ ti jānātīti ?
Āmantā .
Hañci āyasmā ānando sekho –
‘‘ bhagavā uḷāro ’’ tiT0.332 jānāti ,‘‘ sāriputtoP0.305 thero , mahāmoggallāno thero uḷāro ’’ ti jānāti , tena vata re vattabbe –
‘‘ sekhassa asekhaṃ ñāṇaṃ atthī ’’ ti .
Asekhañāṇakathā niṭṭhitā .
5. Pañcamavaggo