(66)4. Dānakathā
478. Cetasiko
V0.284 dhammo dānanti ?Āmantā .
Labbhā
P0.340 cetasiko dhammo paresaṃ dātunti ?Na hevaṃ vattabbe … pe … labbhā cetasiko dhammo paresaṃ dātunti ?
Āmantā .
Labbhā phasso paresaṃ dātunti ?
Na hevaṃ vattabbe … pe … labbhā vedanā … pe … saññā … cetanā … saddhā … vīriyaṃ … sati … samādhi … paññā paresaṃ dātunti ?
Na hevaṃ vattabbe … pe ….
479. Na
M0.255 vattabbaṃ – cetasiko dhammo dānanti ?Āmantā .
Dānaṃ aniṭṭhaphalaṃ akantaphalaṃ amanuññaphalaṃ secanakaphalaṃ dukkhudrayaṃ dukkhavipākanti ?
Na hevaṃ vattabbe … pe … nanu dānaṃ iṭṭhaphalaṃ kantaphalaṃ manuññaphalaṃ asecanakaphalaṃ sukhudrayaṃ sukhavipākanti ?
Āmantā .
Hañci dānaṃ iṭṭhaphalaṃ kantaphalaṃ manuññaphalaṃ asecanakaphalaṃ sukhudrayaṃ sukhavipākaṃ
T0.369 , tena vata re vattabbe –‘‘ cetasiko dhammo dānan ’’ ti .
Dānaṃ iṭṭhaphalaṃ vuttaṃ bhagavatā , cīvaraṃ dānanti [ upari vuccamānāya paravādīpucchāya sadisā , aṭṭhakathā oloketabbā ]?
Āmantā .
Cīvaraṃ iṭṭhaphalaṃ kantaphalaṃ manuññaphalaṃ asecanakaphalaṃ sukhudrayaṃ sukhavipākanti ?
Na hevaṃ vattabbe … pe … dānaṃ iṭṭhaphalaṃ vuttaṃ bhagavatā , piṇḍapāto senāsanaṃ gilānapaccayabhesajjaparikkhāro dānanti ?
Āmantā .
Gilānapaccayabhesajjaparikkhāro iṭṭhaphalo kantaphalo manuññaphalo asecanakaphalo sukhudrayo sukhavipākoti ?
Na hevaṃ vattabbe … pe ….
480. Na vattabbaṃ –
‘‘ cetasiko dhammo dānan ’’ ti ?
Āmantā .
Nanu vuttaṃ bhagavatā –
‘‘ Saddhā
P0.341 hiriyaṃ kusalañca dānaṃ ,Dhammā ete sappurisānuyātā ;
Etañhi maggaṃ diviyaṃ vadanti ,
Etena hi gacchati devalokan ’’ ti [ a . ni .8.32].
Attheva
V0.285 suttantoti ?Āmantā .
Tena hi cetasiko dhammo dānanti .
Na vattabbaṃ –
‘‘ cetasiko dhammo dānan ’’ ti ?
Āmantā .
Nanu vuttaṃ bhagavatā –
‘‘ pañcimāni , bhikkhave , dānāni mahādānāni aggaññāni rattaññāni vaṃsaññāni porāṇāni asaṅkiṇṇāni asaṅkiṇṇapubbāni , na saṅkiyanti na saṅkiyissanti , appaṭikuṭṭhāni samaṇehi
T0.370 brāhmaṇehi viññūhi !Katamāni pañca ?
Idha , bhikkhave , ariyasāvako pāṇātipātaṃ pahāya pāṇātipātā paṭivirato hoti .
Pāṇātipātā paṭivirato , bhikkhave , ariyasāvako aparimāṇānaṃ sattānaṃ abhayaṃ deti averaṃ deti abyābajjhaṃ [ abyāpajjhaṃ ( syā . ka .)] deti .
Aparimāṇānaṃ sattānaṃ abhayaṃ datvā averaṃ datvā abyābajjhaṃ datvā aparimāṇassa abhayassa averassa abyābajjhassa bhāgī hoti .
Idaṃ , bhikkhave
M0.256 , paṭhamaṃ dānaṃ mahādānaṃ aggaññaṃ rattaññaṃ vaṃsaññaṃ porāṇaṃ asaṅkiṇṇaṃ asaṅkiṇṇapubbaṃ , na saṅkiyati na saṅkiyissati , appaṭikuṭṭhaṃ samaṇehi brāhmaṇehi viññūhi .Puna caparaṃ , bhikkhave , ariyasāvako adinnādānaṃ pahāya … pe … kāmesumicchācāraṃ pahāya … pe … musāvādaṃ pahāya … pe … surāmerayamajjapamādaṭṭhānaṃ pahāya surāmerayamajjapamādaṭṭhānā paṭivirato hoti .
Surāmerayamajjapamādaṭṭhānā paṭivirato , bhikkhave , ariyasāvako aparimāṇānaṃ sattānaṃ abhayaṃ deti averaṃ deti abyābajjhaṃ deti .
Aparimāṇānaṃ sattānaṃ abhayaṃ datvā averaṃ datvā abyābajjhaṃ datvā aparimāṇassa abhayassa averassa abyābajjhassa bhāgī hoti .
Idaṃ , bhikkhave
P0.342 , pañcamaṃ dānaṃ mahādānaṃ aggaññaṃ rattaññaṃ vaṃsaññaṃ porāṇaṃ asaṅkiṇṇaṃ asaṅkiṇṇapubbaṃ , na saṅkiyati na saṅkiyissati , appaṭikuṭṭhaṃ samaṇehi brāhmaṇehi viññūhi .Imāni kho , bhikkhave , pañca dānāni mahādānāni aggaññāni rattaññāni vaṃsaññāni porāṇāni asaṅkiṇṇāni asaṅkiṇṇapubbāni , na
T0.371 saṅkiyanti na saṅkiyissanti , appaṭikuṭṭhāni samaṇehi brāhmaṇehi viññūhī ’’ ti [ a . ni .8.39].Attheva suttantoti ?
Āmantā .
Tena hi cetasiko dhammo dānanti .
481. Na vattabbaṃ –
‘‘ deyyadhammo dānan ’’ ti ?
Āmantā .
Nanu vuttaṃ bhagavatā –
‘‘ idhekacco annaṃ deti , pānaṃ deti , vatthaṃ deti , yānaṃ deti , mālaṃ deti , gandhaṃ deti , vilepanaṃ deti , seyyaṃ deti , āvasathaṃ deti , padīpeyyaṃ detī ’’ ti [ saṃ . ni .3.362-391 thokaṃ visadisaṃ ]!
Attheva suttantoti ?
Āmantā .
Tena hi deyyadhammo dānanti .
482. Deyyadhammo
V0.286 dānanti ?Āmantā .
Deyyadhammo iṭṭhaphalo kantaphalo manuññaphalo asecanakaphalo sukhudrayo sukhavipākoti ?
Na hevaṃ vattabbe … pe … dānaṃ iṭṭhaphalaṃ vuttaṃ bhagavatā , cīvaraṃ dānanti ?
Āmantā .
Cīvaraṃ iṭṭhaphalaṃ kantaphalaṃ manuññaphalaṃ asecanakaphalaṃ sukhudrayaṃ sukhavipākanti ?
Na hevaṃ vattabbe … pe … dānaṃ iṭṭhaphalaṃ vuttaṃ bhagavatā , piṇḍapāto dānaṃ … senāsanaṃ dānaṃ … gilānapaccayabhesajjaparikkhāro dānanti ?
Āmantā .
Gilānapaccayabhesajjaparikkhāro iṭṭhaphalo kantaphalo manuññaphalo asecanakaphalo
M0.257 sukhudrayo sukhavipākoti ?Na
P0.343 hevaṃ vattabbe … pe … tena hi na vattabbaṃ –‘‘ deyyadhammo dānan ’’ ti .
Dānakathā niṭṭhitā .
7. Sattamavaggo