Issues
Select Version
Kathāvatthupāḷi
Kathāvatthupāḷi

(39)7. Lakkhaṇakathā

Author: _System_Pali_VRI_ @ Administrator

(39)7. Lakkhaṇakathā

400. LakkhaṇasamannāgatoM0.214 bodhisattoti ?
Āmantā .
Padesalakkhaṇehi samannāgato padesabodhisattoti ?
Na hevaṃ vattabbe … pe ….
Lakkhaṇasamannāgato bodhisattoti ?
ĀmantāP0.284 .
Tibhāgalakkhaṇehi samannāgato tibhāgabodhisattoti ?
Na hevaṃ vattabbe … pe ….
Lakkhaṇasamannāgato bodhisattoti ?
Āmantā .
Upaḍḍhalakkhaṇehi samannāgato upaḍḍhabodhisattoti ?
Na hevaṃ vattabbe … pe ….
Lakkhaṇasamannāgato bodhisattoti ?
Āmantā .
Cakkavattisatto lakkhaṇasamannāgato , cakkavattisatto bodhisattoti ?
Na hevaṃ vattabbe … pe ….
Cakkavattisatto lakkhaṇasamannāgato , cakkavattisatto bodhisattoti ?
Āmantā .
Yādiso bodhisattassa pubbayogo pubbacariyā dhammakkhānaṃT0.310 dhammadesanā , tādiso cakkavattisattassa pubbayogo pubbacariyā dhammakkhānaṃ dhammadesanāti ?
Na hevaṃ vattabbe … pe ….
401. Yathā bodhisattassa jāyamānassa devā paṭhamaṃ paṭiggaṇhanti pacchā manussā [ dī . ni .2.27; ma . ni .3.205 vuttaṃ dissāya pucchati ], evamevaṃV0.239 cakkavattisattassa jāyamānassa devā paṭhamaṃ paṭiggaṇhanti pacchā manussāti ?
Na hevaṃ vattabbe … pe ….
Yathā bodhisattassa jāyamānassa cattāro naṃ devaputtā paṭiggahetvā mātu purato ṭhapenti –
‘‘ attamanā , devi , hohi !
Mahesakkho te putto uppanno ’’ ti , evamevaṃ cakkavattisattassa jāyamānassa cattāro naṃ devaputtā paṭiggahetvā mātu purato ṭhapenti –
‘‘ attamanā , devi , hohi !
Mahesakkho te putto uppanno ’’ ti ?
Na hevaṃ vattabbe … pe ….
Yathā bodhisattassa jāyamānassa dve udakassa dhārā antalikkhā pātubhavanti – ekā sītassa , ekā uṇhassa – yena bodhisattassa udakakiccaṃ karonti mātu ca , evamevaṃ cakkavattisattassaP0.285 jāyamānassa dve udakassa dhārā antalikkhā pātubhavanti – ekā sītassa , ekā uṇhassa – yenaM0.215 cakkavattisattassa udakakiccaṃ karonti mātu cāti ?
Na hevaṃ vattabbe … pe ….
Yathā sampatijāto bodhisatto samehi pādehi patiṭṭhahitvā uttarena abhimukho sattapadavītihārena gacchati setamhi chatte anudhāriyamāne , sabbā ca disā viloketi , āsabhiñca vācaṃ bhāsati –
‘‘ aggohamasmiT0.311 lokassa , jeṭṭhohamasmi lokassa , seṭṭhohamasmi lokassa , ayamantimā jāti , natthi dāni punabbhavo ’’ ti , evamevaṃ sampatijāto cakkavattisatto samehi pādehi patiṭṭhahitvā uttarena abhimukho sattapadavītihārena gacchati setamhi chatte anudhāriyamāne , sabbā ca disā viloketi , āsabhiñca vācaṃ bhāsati –
‘‘ aggohamasmi lokassa , jeṭṭhohamasmi lokassa , seṭṭhohamasmi lokassa , ayamantimā jāti , natthi dāni punabbhavo ’’ ti ?
Na hevaṃ vattabbe … pe ….
Yathā bodhisattassa jāyamānassa mahato ālokassa mahato obhāsassa mahato bhūmicālassa pātubhāvo hoti , evamevaṃ cakkavattisattassa jāyamānassa mahato ālokassa mahato obhāsassa mahato bhūmicālassa pātubhāvo hotīti ?
Na hevaṃ vattabbe … pe ….
YathāV0.240 bodhisattassa pakatikāyo samantā byāmaṃ obhāsati , evamevaṃ cakkavattisattassa pakatikāyo samantā byāmaṃ obhāsatīti ?
Na hevaṃ vattabbe … pe ….
Yathā bodhisatto mahāsupinaṃ passati , evamevaṃ cakkavattisatto mahāsupinaṃ passatīti ?
Na hevaṃ vattabbe … pe ….
402. Na vattabbaṃ –
‘‘ lakkhaṇasamannāgato bodhisatto ’’ ti ?
Āmantā .
Nanu vuttaṃ bhagavatā –
‘‘ dvattiṃsimāni , bhikkhave , mahāpurisassa mahāpurisalakkhaṇāni , yehi samannāgatassaP0.286 mahāpurisassa dveva gatiyo bhavanti anaññā [ na aññā ( ka .)]!
Sace agāraṃ ajjhāvasati , rājā hoti cakkavattī dhammiko dhammarājāT0.312 cāturanto vijitāvī janapadatthāvariyappatto sattaratanasamannāgato .
Tassimāni satta ratanāni bhavanti , seyyathidaṃ – cakkaratanaṃ , hatthiratanaṃ , assaratanaṃM0.216 , maṇiratanaṃ , itthiratanaṃ , gahapatiratanaṃ , pariṇāyakaratanameva sattamaṃ .
Parosahassaṃ kho panassa puttā bhavanti sūrā vīraṅgarūpā parasenappamaddanā .
So imaṃ pathaviṃ sāgarapariyantaṃ adaṇḍena asatthena dhammena abhivijiya ajjhāvasati .
Sace kho pana agārasmā anagāriyaṃ pabbajati , arahaṃ hoti sammāsambuddho loke vivaṭṭacchado ’’ ti [ dī . ni .3.200].
Attheva suttantoti ?
Āmantā .
Tena hi lakkhaṇasamannāgato bodhisattoti .
Lakkhaṇakathā niṭṭhitā .
4. Catutthavaggo