Issues
Select Version
Kathāvatthupāḷi
Kathāvatthupāḷi

(79)7. Rūpadhātuyāāyatanakathā

Author: _System_Pali_VRI_ @ Administrator

(79)7. Rūpadhātuyāāyatanakathā

519. AtthiM0.278 saḷāyataniko attabhāvo rūpadhātuyāti ?
Āmantā .
Atthi tattha ghānāyatananti ?
Āmantā .
Atthi tattha gandhāyatananti ?
Na hevaṃ vattabbe … pe … atthi tattha jivhāyatananti ?
ĀmantāT0.403 .
Atthi tattha rasāyatananti ?
Na hevaṃ vattabbe … pe … atthi tattha kāyāyatananti ?
Āmantā .
Atthi tattha phoṭṭhabbāyatananti ?
Na hevaṃ vattabbe … pe ….
Natthi tattha gandhāyatananti ?
Āmantā .
Natthi tattha ghānāyatananti ?
Na hevaṃ vattabbe … pe … natthi tattha rasāyatananti ?
Āmantā .
Natthi tattha jivhāyatananti ?
Na hevaṃ vattabbe … pe … natthi tattha phoṭṭhabbāyatananti ?
ĀmantāP0.375 .
Natthi tattha kāyāyatananti ?
Na hevaṃ vattabbe … pe ….
520. Atthi tattha cakkhāyatanaṃ , atthi rūpāyatananti ?
Āmantā .
Atthi tattha ghānāyatanaṃ , atthi gandhāyatananti ?
Na hevaṃ vattabbe … pe … atthi tattha cakkhāyatanaṃ , atthi rūpāyatananti ?
Āmantā .
Atthi tattha jivhāyatanaṃ , atthi rasāyatanaṃ … pe … atthi tattha kāyāyatanaṃ , atthi phoṭṭhabbāyatananti ?
Na hevaṃ vattabbe … pe … atthi tattha sotāyatanaṃ , atthi saddāyatanaṃ … pe … atthi tattha manāyatanaṃ , atthi dhammāyatananti ?
Āmantā .
Atthi tattha ghānāyatanaṃ , atthi gandhāyatananti ?
Na hevaṃ vattabbe … pe … atthi tattha manāyatanaṃ , atthi dhammāyatananti ?
Āmantā .
Atthi tattha jivhāyatanaṃ , atthi rasāyatananti … pe … atthi tattha kāyāyatanaṃ , atthi phoṭṭhabbāyatananti ?
Na hevaṃ vattabbe … pe ….
Atthi tattha ghānāyatanaṃ , natthi gandhāyatananti ?
ĀmantāT0.404 .
Atthi tattha cakkhāyatanaṃ , natthi rūpāyatananti ?
Na hevaṃ vattabbe … pe … atthi tattha ghānāyatanaṃ , natthi gandhāyatananti ?
Āmantā .
Atthi tattha sotāyatanaṃ , natthi saddāyatanaṃ … pe … atthi tattha manāyatanaṃ , natthi dhammāyatananti ?
Na hevaṃ vattabbe … pe … atthi tattha jivhāyatanaṃ , natthi rasāyatanaṃ … pe … atthi tattha kāyāyatanaṃ , natthi phoṭṭhabbāyatananti ?
Āmantā .
Atthi tattha cakkhāyatanaṃ , natthi rūpāyatananti ?
Na hevaṃ vattabbe … pe … atthiP0.376 tattha kāyāyatanaṃ , natthi phoṭṭhabbāyatananti ?
Āmantā .
Atthi tattha sotāyatanaṃ , natthi saddāyatanaṃM0.279 … pe … atthi tattha manāyatanaṃ , natthi dhammāyatananti ?
Na hevaṃ vattabbe … pe ….
521. Atthi tattha cakkhāyatanaṃ atthi rūpāyatanaṃ , tena cakkhunā taṃ rūpaṃ passatīti ?
Āmantā .
Atthi tattha ghānāyatanaṃ atthi gandhāyatanaṃ , tena ghānena taṃ gandhaṃ ghāyatīti ?
Na hevaṃ vattabbe … pe … atthi tattha cakkhāyatanaṃ atthi rūpāyatanaṃ , tena cakkhunā taṃ rūpaṃ passatīti ?
Āmantā .
Atthi tattha jivhāyatanaṃ atthi rasāyatanaṃ , tāya jivhāya taṃ rasaṃ sāyati … pe … atthi tattha kāyāyatanaṃ atthi phoṭṭhabbāyatanaṃ , tena kāyena taṃ phoṭṭhabbaṃ phusatīti ?
Na hevaṃ vattabbe … pe ….
Atthi tattha sotāyatanaṃ atthi saddāyatanaṃ … pe … atthiT0.405 tattha manāyatanaṃ atthi dhammāyatanaṃ , tena manena taṃ dhammaṃ vijānātīti ?
Āmantā .
Atthi tattha ghānāyatanaṃ atthi gandhāyatanaṃ , tena ghānena taṃ gandhaṃ ghāyatīti ?
Na hevaṃ vattabbe … pe … atthi tattha manāyatanaṃ atthi dhammāyatanaṃ , tena manena taṃ dhammaṃ vijānātīti ?
Āmantā .
Atthi tattha jivhāyatanaṃ atthi rasāyatanaṃ … pe … atthi tattha kāyāyatanaṃ atthi phoṭṭhabbāyatanaṃ , tena kāyena taṃ phoṭṭhabbaṃ phusatīti ?
Na hevaṃ vattabbe … pe ….
AtthiV0.311 tattha ghānāyatanaṃ atthi gandhāyatanaṃ , na ca tena ghānena taṃ gandhaṃ ghāyatīti ?
Āmantā .
Atthi tattha cakkhāyatanaṃ atthi rūpāyatanaṃ , na ca tena cakkhunā taṃ rūpaṃ passatīti ?
NaP0.377 hevaṃ vattabbe … pe … atthi tattha ghānāyatanaṃ atthi gandhāyatanaṃ , na ca tena ghānena taṃ gandhaṃ ghāyatīti ?
Āmantā .
Atthi tattha sotāyatanaṃ atthi saddāyatanaṃ … pe … atthi tattha manāyatanaṃ atthi dhammāyatanaṃ , na ca tena manena taṃ dhammaṃ vijānātīti ?
Na hevaṃ vattabbe … pe ….
Atthi tattha jivhāyatanaṃ atthi rasāyatanaṃ … pe … atthi tattha kāyāyatanaṃ atthi phoṭṭhabbāyatanaṃ , na ca tena kāyena taṃ phoṭṭhabbaṃ phusatīti ?
Āmantā .
AtthiT0.406 tattha sotāyatanaṃ atthi saddāyatanaṃ … pe … atthi tattha manāyatanaṃ atthi dhammāyatanaṃ , na ca tena manena taṃ dhammaṃ vijānātīti ?
Na hevaṃ vattabbe … pe ….
522. AtthiM0.280 tattha ghānāyatanaṃ atthi gandhāyatanaṃ , tena ghānena taṃ gandhaṃ ghāyatīti ?
Āmantā .
Atthi tattha mūlagandho sāragandho tacagandho pattagandho pupphagandho phalagandho āmagandho vissagandho sugandho duggandhoti ?
Na hevaṃ vattabbe … pe ….
Atthi tattha jivhāyatanaṃ atthi rasāyatanaṃ , tāya jivhāya taṃ rasaṃ sāyatīti ?
Āmantā .
Atthi tattha mūlaraso khandharaso tacaraso pattaraso puppharaso phalaraso ambilaṃ madhuraṃ tittakaṃ kaṭukaṃ loṇiyaṃ khāriyaṃ lambilaṃ kasāvo sādu asādūti ?
NaP0.378 hevaṃ vattabbe … pe ….
Atthi tattha kāyāyatanaṃ atthi phoṭṭhabbāyatanaṃ , tena kāyena taṃ phoṭṭhabbaṃ phusatīti ?
Āmantā .
Atthi tattha kakkhaḷaṃ mudukaṃ saṇhaṃ pharusaṃ sukhasamphassaṃ dukkhasamphassaṃ garukaṃ lahukanti ?
Na hevaṃ vattabbe … pe ….
523. Na vattabbaṃ –
‘‘ saḷāyataniko attabhāvo rūpadhātuyā ’’ ti ?
Āmantā .
Nanu atthi tattha ghānanimittaṃ jivhānimittaṃ kāyanimittanti ?
Āmantā .
Hañci atthi tattha ghānanimittaṃV0.312 jivhānimittaṃ kāyanimittaṃ , tenaT0.407 vata re vattabbe –
‘‘ saḷāyataniko attabhāvo rūpadhātuyā ’’ ti .
Rūpadhātuyā āyatanakathā niṭṭhitā .
8. Aṭṭhamavaggo