Issues
Select Version
Kathāvatthupāḷi
Kathāvatthupāḷi

6. Chaṭṭhavaggo

Author: _System_Pali_VRI_ @ Administrator

6. Chaṭṭhavaggo

(53)1. Niyāmakathā

445. NiyāmoM0.239P0.317V0.266 asaṅkhatoti ?
Āmantā .
Nibbānaṃ tāṇaṃ leṇaṃ saraṇaṃ parāyanaṃ accutaṃ amatanti ?
Na hevaṃ vattabbe … pe ….
Niyāmo asaṅkhato , nibbānaṃ asaṅkhatanti ?
Āmantā .
Dve asaṅkhatānīti ?
Na hevaṃ vattabbe … pe ….
Dve asaṅkhatānīti ?
Āmantā .
Dve tāṇāni dve leṇāni dve saraṇāni dve parāyanāni dve accutāni dve amatāni dve nibbānānīti ?
Na hevaṃ vattabbe … pe ….
Dve nibbānānīti ?
Āmantā .
Atthi dvinnaṃ nibbānānaṃ uccanīcatā hīnapaṇītatā ukkaṃsāvakaṃso sīmā vā bhedo vā rāji vā antarikā vāti ?
Na hevaṃ vattabbe … pe ….
Niyāmo asaṅkhatoti ?
Āmantā .
Atthi keci niyāmaṃ okkamanti paṭilabhanti uppādenti samuppādenti uṭṭhāpenti samuṭṭhāpenti nibbattenti abhinibbattenti janenti sañjanentīti ?
Āmantā .
Atthi keci asaṅkhataṃ okkamanti paṭilabhanti uppādenti samuppādenti uṭṭhāpenti samuṭṭhāpenti nibbattenti abhinibbattenti janentiT0.346 sañjanentīti ?
Na hevaṃ vattabbe … pe ….
446. Niyāmo asaṅkhatoti ?
Āmantā .
Maggo asaṅkhatoti ?
NaP0.318 hevaṃ vattabbe … pe ….
Maggo saṅkhatoti ?
Āmantā .
Niyāmo saṅkhatoti ?
Na hevaṃ vattabbe … pe ….
SotāpattiniyāmoV0.267 asaṅkhatoti ?
Āmantā .
Sotāpattimaggo asaṅkhatoti ?
Na hevaṃ vattabbe … pe ….
Sotāpattimaggo saṅkhatoti ?
Āmantā .
Sotāpattiniyāmo saṅkhatoti ?
Na hevaṃ vattabbe … pe ….
Sakadāgāminiyāmo … pe … anāgāminiyāmo … pe … arahattaniyāmo asaṅkhatoti ?
Āmantā .
Arahattamaggo asaṅkhatoti ?
Na hevaṃ vattabbeM0.240 … pe … arahattamaggo saṅkhatoti ?
Āmantā .
Arahattaniyāmo saṅkhatoti ?
Na hevaṃ vattabbe … pe ….
Sotāpattiniyāmo asaṅkhato … pe … arahattaniyāmo asaṅkhato , nibbānaṃ asaṅkhatanti ?
Āmantā .
Pañca asaṅkhatānīti ?
Na hevaṃ vattabbe … pe … pañca asaṅkhatānīti ?
Āmantā .
Pañca tāṇāni … pe … antarikā vāti ?
Na hevaṃ vattabbe … pe ….
Niyāmo asaṅkhatoti ?
Āmantā .
Micchattaniyāmo asaṅkhatoti ?
Na hevaṃ vattabbe … pe … micchattaniyāmo saṅkhatoti ?
Āmantā .
Sammattaniyāmo saṅkhatoti ?
NaP0.319 hevaṃ vattabbe … pe ….
447. Na vattabbaṃ –
‘‘ niyāmo asaṅkhato ’’ ti ?
Āmantā .
Niyāme uppajja niruddhe aniyato hotīti ?
Na hevaṃ vattabbe … pe ….
TenaT0.347 hi niyāmo asaṅkhatoti .
Micchattaniyāme uppajja niruddhe aniyato hotīti ?
Na hevaṃ vattabbe … pe … tena hi micchattaniyāmo asaṅkhatoti .
Niyāmakathā niṭṭhitā .
6. Chaṭṭhavaggo

(54)2. Paṭiccasamuppādakathā

448. PaṭiccasamuppādoV0.268 asaṅkhatoti ?
Āmantā .
Nibbānaṃ tāṇaṃ leṇaṃ saraṇaṃ parāyanaṃ accutaṃ amatanti ?
Na hevaṃ vattabbe … pe … paṭiccasamuppādo asaṅkhato , nibbānaṃ asaṅkhatanti ?
Āmantā .
Dve asaṅkhatānīti ?
Na hevaṃ vattabbe … pe … dve asaṅkhatānīti ?
Āmantā .
Dve tāṇāni dve leṇāni dve saraṇāni dve parāyanāni dve accutāni dve amatāni dve nibbānānīti ?
Na hevaṃ vattabbe … pe … dve nibbānānīti ?
Āmantā .
Atthi dvinnaṃ nibbānānaṃ uccanīcatā hīnapaṇītatā ukkaṃsāvakaṃso sīmā vā bhedo vā rāji vā antarikā vāti ?
Na hevaṃ vattabbe … pe ….
449. PaṭiccasamuppādoP0.320 asaṅkhatoti ?
Āmantā .
Avijjā asaṅkhatāti ?
Na hevaṃ vattabbe … pe … avijjā saṅkhatāti ?
Āmantā .
Paṭiccasamuppādo saṅkhatotiM0.241 ?
Na hevaṃ vattabbe … pe … paṭiccasamuppādoT0.348 asaṅkhatoti ?
Āmantā .
Avijjāpaccayā saṅkhārā asaṅkhatāti ?
Na hevaṃ vattabbe … pe … avijjāpaccayā saṅkhārā saṅkhatāti ?
Āmantā .
Paṭiccasamuppādo saṅkhatoti ?
Na hevaṃ vattabbe … pe … paṭiccasamuppādo asaṅkhatoti ?
Āmantā .
Saṅkhārapaccayā viññāṇaṃ asaṅkhatanti ?
Na hevaṃ vattabbe … pe … saṅkhārapaccayā viññāṇaṃ saṅkhatanti ?
Āmantā .
Paṭiccasamuppādo saṅkhatoti ?
Na hevaṃ vattabbe … pe … paṭiccasamuppādo asaṅkhatoti ?
Āmantā .
Viññāṇapaccayā nāmarūpaṃ asaṅkhatanti ?
Na hevaṃ vattabbe … pe … viññāṇapaccayā nāmarūpaṃ saṅkhatanti ?
Āmantā .
Paṭiccasamuppādo saṅkhatoti ?
Na hevaṃ vattabbe … pe … paṭiccasamuppādo asaṅkhatoti ?
Āmantā .
Jātipaccayā jarāmaraṇaṃ asaṅkhatanti ?
Na hevaṃ vattabbe … pe … jātipaccayā jarāmaraṇaṃ saṅkhatanti ?
Āmantā .
PaṭiccasamuppādoP0.321 saṅkhatoti ?
Na hevaṃ vattabbe … pe ….
450. Na vattabbaṃ –
‘‘ paṭiccasamuppādo asaṅkhato ’’ ti ?
Āmantā .
Nanu vuttaṃ bhagavatā –
‘‘ jātipaccayā , bhikkhave , jarāmaraṇaṃ .
Uppādā vā tathāgatānaṃ anuppādā vā tathāgatānaṃ ṭhitāva sā dhātu dhammaṭṭhitatā dhammaniyāmatā idappaccayatā .
Taṃ tathāgato abhisambujjhatiV0.269 abhisameti .
Abhisambujjhitvā abhisametvā ācikkhati deseti paññāpeti paṭṭhapeti vivarati vibhajati uttāniṃ karoti .
‘ Passathā ’ ti cāha – jātipaccayā , bhikkhave , jarāmaraṇaṃT0.349 .
Bhavapaccayā , bhikkhave , jāti … pe … avijjāpaccayā , bhikkhave , saṅkhārā .
Uppādā vā tathāgatānaṃ anuppādā vā tathāgatānaṃ ṭhitāva sā dhātu … pe …‘ passathā ’ ti cāha – avijjāpaccayā , bhikkhave , saṅkhārā .
Iti kho , bhikkhave , yā tatra tathatā avitathatā anaññathatā idappaccayatā – ayaṃ vuccati , bhikkhave , paṭiccasamuppādo ’’ ti [ saṃ . ni .2.20].
Attheva suttantoti ?
Āmantā .
Tena hi paṭiccasamuppādo asaṅkhatoti .
451. Avijjāpaccayā saṅkhārāti yā tattha dhammaṭṭhitatā dhammaniyāmatā asaṅkhatā , nibbānaṃ asaṅkhatanti ?
Āmantā .
Dve asaṅkhatānīti ?
Na hevaṃ vattabbe … pe … dve asaṅkhatānīti ?
Āmantā .
Dve tāṇāni … pe … antarikā vāti ?
Na hevaṃ vattabbe … pe ….
AvijjāpaccayāM0.242 saṅkhārāti yā tattha dhammaṭṭhitatā dhammaniyāmatā asaṅkhatā , saṅkhārapaccayā viññāṇanti yā tattha dhammaṭṭhitatā dhammaniyāmatā asaṅkhatā , nibbānaṃ asaṅkhatanti ?
Āmantā .
Tīṇi asaṅkhatānīti ?
NaP0.322 hevaṃ vattabbe … pe ….
Tīṇi asaṅkhatānīti ?
Āmantā .
Tīṇi tāṇāni … pe … antarikā vāti ?
Na hevaṃ vattabbe … pe ….
Avijjāpaccayā saṅkhārāti yā tattha dhammaṭṭhitatā dhammaniyāmatā asaṅkhatā , saṅkhārapaccayā viññāṇanti yā tattha dhammaṭṭhitatā dhammaniyāmatā asaṅkhatā … pe … jātipaccayā jarāmaraṇanti yāT0.350 tattha dhammaṭṭhitatā dhammaniyāmatā asaṅkhatā , nibbānaṃ asaṅkhatanti ?
Āmantā .
Dvādasa asaṅkhatānīti ?
Na hevaṃ vattabbe … pe … dvādasa asaṅkhatānīti ?
Āmantā .
Dvādasa tāṇāni dvādasa leṇāni … pe … antarikā vāti ?
Na hevaṃ vattabbe … pe ….
Paṭiccasamuppādakathā niṭṭhitā .
6. Chaṭṭhavaggo

(55)3. Saccakathā

452. CattāriV0.270 saccāni asaṅkhatānīti ?
Āmantā .
Cattāri tāṇāni cattāri leṇāni cattāri saraṇāni cattāri parāyanāni cattāri accutāni cattāri amatāni cattāri nibbānānīti ?
Na hevaṃ vattabbe … pe … cattāri nibbānānīti ?
Āmantā .
Atthi catunnaṃ nibbānānaṃ uccanīcatā hīnapaṇītatā ukkaṃsāvakaṃso sīmā vā bhedo vā rāji vā antarikā vāti ?
Na hevaṃ vattabbe … pe ….
Dukkhasaccaṃ asaṅkhatanti ?
ĀmantāP0.323 .
Dukkhaṃ asaṅkhatanti ?
Na hevaṃ vattabbe … pe … dukkhasaccaṃ asaṅkhatanti ?
Āmantā .
Kāyikaṃ dukkhaṃ cetasikaṃ dukkhaṃ sokaparidevadukkhadomanassaupāyāsā asaṅkhatāti ?
Na hevaṃ vattabbe … pe … samudayasaccaṃ asaṅkhatanti ?
Āmantā .
Samudayo asaṅkhatoti ?
Na hevaṃ vattabbe … pe … samudayasaccaṃ asaṅkhatanti ?
Āmantā .
Kāmataṇhā bhavataṇhā vibhavataṇhāT0.351 asaṅkhatāti ?
Na hevaṃ vattabbe … pe … maggasaccaṃ asaṅkhatanti ?
Āmantā .
Maggo asaṅkhatoti ?
Na hevaṃ vattabbe … pe … maggasaccaṃ asaṅkhatanti ?
Āmantā .
Sammādiṭṭhi … pe … sammāsamādhi asaṅkhatoti ?
Na hevaṃ vattabbe … pe ….
DukkhaṃM0.243 saṅkhatanti ?
Āmantā .
Dukkhasaccaṃ saṅkhatanti ?
Na hevaṃ vattabbe … pe … kāyikaṃ dukkhaṃ cetasikaṃ dukkhaṃ sokaparidevadukkhadomanassaupāyāsā saṅkhatāti ?
Āmantā .
Dukkhasaccaṃ saṅkhatanti ?
Na hevaṃ vattabbe … pe … samudayo saṅkhatoti ?
Āmantā .
Samudayasaccaṃ saṅkhatanti ?
Na hevaṃ vattabbe … pe … kāmataṇhā bhavataṇhā vibhavataṇhā saṅkhatāti ?
ĀmantāP0.324 .
Samudayasaccaṃ saṅkhatanti ?
Na hevaṃ vattabbe … pe … maggo saṅkhatoti ?
Āmantā .
Maggasaccaṃ saṅkhatanti ?
Na hevaṃ vattabbe … pe … sammādiṭṭhi … pe … sammāsamādhi saṅkhatoti ?
Āmantā .
Maggasaccaṃ saṅkhatanti ?
Na hevaṃ vattabbe … pe ….
453. Nirodhasaccaṃ asaṅkhataṃ , nirodho asaṅkhatoti ?
Āmantā .
Dukkhasaccaṃ asaṅkhataṃ , dukkhaṃV0.271 asaṅkhatanti ?
Na hevaṃ vattabbe … pe … nirodhasaccaṃ asaṅkhataṃ , nirodho asaṅkhatoti ?
Āmantā .
Samudayasaccaṃ asaṅkhataṃ , samudayo asaṅkhatoti ?
Na hevaṃ vattabbe … pe … nirodhasaccaṃ asaṅkhataṃ , nirodho asaṅkhatoti ?
Āmantā .
Maggasaccaṃ asaṅkhataṃ , maggo asaṅkhatoti ?
Na hevaṃ vattabbe … pe ….
DukkhasaccaṃT0.352 asaṅkhataṃ , dukkhaṃ saṅkhatanti ?
Āmantā .
Nirodhasaccaṃ asaṅkhataṃ , nirodho saṅkhatoti ?
Na hevaṃ vattabbe … pe … samudayasaccaṃ asaṅkhataṃ , samudayo saṅkhatoti ?
Āmantā .
Nirodhasaccaṃ asaṅkhataṃ , nirodho saṅkhatoti ?
Na hevaṃ vattabbe … pe … maggasaccaṃ asaṅkhataṃ , maggo saṅkhatoti ?
Āmantā .
Nirodhasaccaṃ asaṅkhataṃ , nirodho saṅkhatoti ?
Na hevaṃ vattabbe … pe ….
454. Na vattabbaṃ –
‘‘ cattāri saccāni asaṅkhatānī ’’ ti ?
ĀmantāP0.325 .
Nanu vuttaṃ bhagavatā –
‘‘ cattārimāni , bhikkhave , tathāni avitathāni anaññathāni !
Katamāni cattāri ?
‘ Idaṃ dukkhan ’ ti , bhikkhave , tathametaṃ avitathametaṃ anaññathametaṃ … pe …‘ ayaṃ dukkhasamudayo ’ ti … pe …‘ ayaṃ dukkhanirodho ’ ti … pe …‘ ayaṃ dukkhanirodhagāminī paṭipadā ’ ti tathametaṃ avitathametaṃ anaññathametaṃ .
Imāni kho , bhikkhave , cattāri tathāni avitathāni anaññathānī ’’ ti [ saṃ . ni .5.1090].
Attheva suttantoti ?
Āmantā .
Tena hi cattāri saccāni asaṅkhatānīti .
Saccakathā niṭṭhitā .
6. Chaṭṭhavaggo

(56)4. Āruppakathā

455. ĀkāsānañcāyatanaṃM0.244 asaṅkhatanti ?
Āmantā .
Nibbānaṃ tāṇaṃT0.353 leṇaṃ saraṇaṃ parāyanaṃ accutaṃ amatanti ?
Na hevaṃ vattabbe … pe … ākāsānañcāyatanaṃ asaṅkhataṃ , nibbānaṃV0.272 asaṅkhatanti ?
Āmantā .
Dve asaṅkhatānīti ?
Na hevaṃ vattabbe … pe … dve asaṅkhatānīti ?
Āmantā .
Dve tāṇāni … pe … antarikā vāti ?
Na hevaṃ vattabbe … pe ….
Ākāsānañcāyatanaṃ asaṅkhatanti ?
Āmantā .
Ākāsānañcāyatanaṃ bhavo gati sattāvāso saṃsāro yoni viññāṇaṭṭhiti attabhāvapaṭilābhoti ?
Āmantā .
AsaṅkhataṃP0.326 bhavo gati sattāvāso saṃsāro yoni viññāṇaṭṭhiti attabhāvapaṭilābhoti ?
Na hevaṃ vattabbe … pe ….
Atthi ākāsānañcāyatanūpagaṃ kammanti ?
Āmantā .
Atthi asaṅkhatūpagaṃ kammanti ?
Na hevaṃ vattabbe … pe … atthi ākāsānañcāyatanūpagā sattāti ?
Āmantā .
Atthi asaṅkhatūpagā sattāti ?
Na hevaṃ vattabbe … pe ….
Ākāsānañcāyatane sattā jāyanti jīyanti mīyanti cavanti upapajjantīti ?
Āmantā .
Asaṅkhate sattā jāyanti jīyanti mīyanti cavanti upapajjantīti ?
Na hevaṃ vattabbe … pe … ākāsānañcāyatane atthi vedanā saññā saṅkhārā viññāṇanti ?
Āmantā .
Asaṅkhate atthi vedanā saññā saṅkhārā viññāṇanti ?
Na hevaṃ vattabbe … pe … ākāsānañcāyatanaṃ catuvokārabhavoti ?
Āmantā .
Asaṅkhataṃ catuvokārabhavoti ?
Na hevaṃ vattabbe … pe ….
456. NaT0.354 vattabbaṃ –
‘‘ cattāro āruppā asaṅkhatā ’’ ti ?
Āmantā .
Nanu cattāro āruppā anejā vuttā bhagavatāti ?
Āmantā .
Hañci cattāro āruppā anejā vuttā bhagavatā , tena vata re vattabbe ‘‘ cattāro āruppā asaṅkhatā ’’ ti .
Āruppakathā niṭṭhitā .
6. Chaṭṭhavaggo

(57)5. Nirodhasamāpattikathā

457. NirodhasamāpattiM0.245P0.327V0.273 asaṅkhatāti ?
Āmantā .
Nibbānaṃ tāṇaṃ leṇaṃ saraṇaṃ parāyanaṃ accutaṃ amatanti ?
Na hevaṃ vattabbe … pe … nirodhasamāpatti asaṅkhatā , nibbānaṃ asaṅkhatanti ?
Āmantā .
Dve asaṅkhatānīti ?
Na hevaṃ vattabbe … pe … dve asaṅkhatānīti ?
Āmantā .
Dve tāṇāni … pe … antarikā vāti ?
Na hevaṃ vattabbe … pe ….
Nirodhasamāpatti asaṅkhatāti ?
Āmantā .
Atthi keci nirodhaṃ samāpajjanti paṭilabhanti uppādenti samuppādenti uṭṭhapenti samuṭṭhapenti nibbattenti abhinibbattenti janenti sañjanentīti ?
Āmantā .
Atthi keci asaṅkhataṃ samāpajjanti paṭilabhanti uppādenti samuppādenti uṭṭhapenti samuṭṭhapenti nibbattenti abhinibbattenti janenti sañjanentīti ?
Na hevaṃ vattabbe … pe ….
458. Nirodhā vodānaṃ vuṭṭhānaṃ paññāyatīti ?
Āmantā .
Asaṅkhatā vodānaṃ vuṭṭhānaṃ paññāyatītiT0.355 ?
Na hevaṃ vattabbe … pe … nirodhaṃ samāpajjantassa paṭhamaṃ nirujjhati vacīsaṅkhāro , tato kāyasaṅkhāro , tato cittasaṅkhāroti ?
Āmantā .
Asaṅkhataṃ samāpajjantassa paṭhamaṃ nirujjhati vacīsaṅkhāro , tato kāyasaṅkhāro , tato cittasaṅkhāroti ?
Na hevaṃ vattabbe … pe … nirodhā vuṭṭhahantassa paṭhamaṃ uppajjati cittasaṅkhāro , tato kāyasaṅkhāro , tato vacīsaṅkhāroti ?
ĀmantāP0.328 .
Asaṅkhatā vuṭṭhahantassa paṭhamaṃ uppajjati cittasaṅkhāro , tato kāyasaṅkhāro , tato vacīsaṅkhāroti ?
Na hevaṃ vattabbe … pe ….
Nirodhā vuṭṭhitaṃ tayo phassā phusanti – suññato phasso , animitto phasso , appaṇihito phassoti ?
Āmantā .
Asaṅkhatā vuṭṭhitaṃ tayo phassā phusanti – suññato phasso , animitto phasso , appaṇihito phassoti ?
Na hevaṃ vattabbe … pe ….
Nirodhā vuṭṭhitassa vivekaninnaṃ cittaṃ hoti vivekapoṇaṃ vivekapabbhāranti ?
Āmantā .
AsaṅkhatāV0.274 vuṭṭhitassa vivekaninnaṃ cittaṃ hoti vivekapoṇaṃ vivekapabbhāranti ?
Na hevaṃ vattabbe … pe ….
459. NaM0.246 vattabbaṃ –
‘‘ nirodhasamāpatti asaṅkhatā ’’ ti ?
Āmantā .
Saṅkhatāti ?
Na hevaṃ vattabbe … pe … tena hi nirodhasamāpatti asaṅkhatāti .
Nirodhasamāpattikathā niṭṭhitā .
6. Chaṭṭhavaggo

(58)6. Ākāsakathā

460. ĀkāsoT0.356 asaṅkhatoti ?
Āmantā .
Nibbānaṃ tāṇaṃ leṇaṃ saraṇaṃ parāyanaṃ accutaṃ amatanti ?
Na hevaṃ vattabbe … pe … ākāso asaṅkhato , nibbānaṃ asaṅkhatanti ?
Āmantā .
Dve asaṅkhatānīti ?
Na hevaṃ vattabbe … pe ….
Dve asaṅkhatānīti ?
ĀmantāP0.329 .
Dve tāṇāni … pe … antarikā vāti ?
Na hevaṃ vattabbe … pe ….
Ākāso asaṅkhatoti ?
Āmantā .
Atthi keci anākāsaṃ ākāsaṃ karontīti ?
Āmantā .
Atthi keci saṅkhataṃ asaṅkhataṃ karontīti ?
Na hevaṃ vattabbe … pe … atthi keci ākāsaṃ anākāsaṃ karontīti ?
Āmantā .
Atthi keci asaṅkhataṃ saṅkhataṃ karontīti ?
Na hevaṃ vattabbe … pe ….
Ākāse pakkhino gacchanti , candimasūriyā gacchanti , tārakarūpāni gacchanti , iddhiṃ vikubbanti , bāhuṃ cālenti , pāṇiṃ cālenti , leḍḍuṃ khipanti , laguḷaṃ khipanti , iddhiṃ [ sattiṃ (?)] khipanti , usuṃ khipantīti ?
Āmantā .
Asaṅkhate pakkhino gacchanti , candimasūriyā gacchanti , tārakarūpāniV0.275 gacchanti , iddhiṃ vikubbanti , bāhuṃ cālenti , pāṇiṃ cālenti , leḍḍuṃ khipanti , laguḷaṃ khipanti , iddhiṃ khipanti , usuṃ khipantīti ?
Na hevaṃ vattabbe … pe ….
461. ĀkāsaṃT0.357 parivāretvā gharāni karonti koṭṭhāni karontīti ?
Āmantā .
Asaṅkhataṃ parivāretvā gharāni karonti koṭṭhāni karontīti ?
Na hevaṃ vattabbe … pe ….
UdapāneM0.247 khaññamāne anākāso ākāso hotīti ?
Āmantā .
Saṅkhataṃ asaṅkhataṃ hotīti ?
Na hevaṃ vattabbe … pe ….
Tucchaudapāne pūriyamāne , tucchakoṭṭhe pūriyamāne , tucchakumbhiyā pūriyamānāya ākāso antaradhāyatīti ?
Āmantā .
AsaṅkhataṃP0.330 antaradhāyatīti ?
Na hevaṃ vattabbe … pe ….
462. Na vattabbaṃ –
‘‘ ākāso asaṅkhato ’’ ti ?
Āmantā .
Ākāso saṅkhatoti ?
Na hevaṃ vattabbe … pe … tena hi ākāso asaṅkhatoti .
Ākāsakathā niṭṭhitā .
6. Chaṭṭhavaggo

(59)7. Ākāso sanidassanotikathā

463. Ākāso sanidassanoti ?
Āmantā .
Rūpaṃ rūpāyatanaṃ rūpadhātu nīlaṃ pītakaṃ lohitakaṃ odātaṃ cakkhuviññeyyaṃ cakkhusmiṃ paṭihaññati cakkhussa āpāthaṃ āgacchatīti ?
Na hevaṃ vattabbe … pe ….
ĀkāsoV0.276 sanidassanoti ?
Āmantā .
Cakkhuñca paṭicca ākāsañca uppajjati cakkhuviññāṇanti ?
Na hevaṃ vattabbeT0.358 … pe ….
Cakkhuñca paṭicca ākāsañca uppajjati cakkhuviññāṇanti ?
Āmantā .
‘‘ Cakkhuñca paṭicca ākāsañca uppajjati cakkhuviññāṇan ’’ ti – attheva [ atthi (?)] suttantoti ?
Natthi .
‘‘ Cakkhuñca paṭicca rūpe ca uppajjati cakkhuviññāṇan ’’ ti [ ma . ni .1.400;3.421; saṃ . ni .4.60]– attheva suttantoti ?
Āmantā .
Hañci ‘‘ cakkhuñca paṭicca rūpe ca uppajjati cakkhuviññāṇan ’’ ti – attheva suttanto , no ca vata re vattabbe –
‘‘ cakkhuñcaP0.331 paṭicca ākāsañca uppajjati cakkhuviññāṇan ’’ ti .
464. Na vattabbaṃ –
‘‘ ākāso sanidassano ’’ ti ?
Āmantā .
Nanu passati dvinnaṃ rukkhānaṃ antaraṃ , dvinnaṃ thambhānaṃ antaraṃ , tāḷacchiddaṃ vātapānacchiddanti ?
ĀmantāM0.248 .
Hañci passati dvinnaṃ rukkhānaṃ antaraṃ , dvinnaṃ thambhānaṃ antaraṃ , tāḷacchiddaṃ vātapānacchiddaṃ , tena vata re vattabbe –
‘‘ ākāso sanidassano ’’ ti .
Ākāso sanidassanotikathā niṭṭhitā .
6. Chaṭṭhavaggo

(60)8. Pathavīdhātu sanidassanātiādikathā

465. Pathavīdhātu sanidassanāti ?
Āmantā .
Rūpaṃ rūpāyatanaṃ rūpadhātu nīlaṃ pītakaṃ lohitakaṃ odātaṃ cakkhuviññeyyaṃ cakkhusmiṃ paṭihaññati cakkhussaT0.359 āpāthaṃ āgacchatīti ?
Na hevaṃ vattabbe … pe ….
Pathavīdhātu sanidassanāti ?
Āmantā .
Cakkhuñca paṭicca pathavīdhātuñca uppajjati cakkhuviññāṇanti ?
Na hevaṃ vattabbe … pe ….
CakkhuñcaV0.277 paṭicca pathavīdhātuñca uppajjati cakkhuviññāṇanti ?
Āmantā .
‘‘ Cakkhuñca paṭicca pathavīdhātuñca uppajjati cakkhuviññāṇan ’’ ti – attheva suttantoti ?
Natthi .
‘‘ Cakkhuñca paṭicca rūpe ca uppajjati cakkhuviññāṇan ’’ ti – attheva suttantoti ?
Āmantā .
HañciP0.332 ‘‘ cakkhuñca paṭicca rūpe ca uppajjati cakkhuviññāṇan ’’ ti – attheva suttanto , no ca vata re vattabbe –
‘‘ cakkhuñca paṭicca pathavīdhātuñca uppajjati cakkhuviññāṇan ’’ ti .
466. Na vattabbaṃ –
‘‘ pathavīdhātu sanidassanā ’’ ti ?
Āmantā .
Nanu passati bhūmiṃ pāsāṇaṃ pabbatanti ?
Āmantā .
Hañci passati [ passasi ( sī . syā . ka .) evamuparipi ] bhūmiṃ pāsāṇaṃ pabbataṃ , tena vata re vattabbe –
‘‘ pathavīdhātu sanidassanā ’’ ti … pe ….
Na vattabbaṃ –
‘‘ āpodhātu sanidassanā ’’ ti ?
Āmantā .
Nanu passati udakanti ?
Āmantā .
Hañci passati udakaṃ , tena vata re vattabbe –
‘‘ āpodhātu sanidassanāti … pe ….
Na vattabbaṃ – tejodhātu sanidassanāti ?
Āmantā .
Nanu passati aggiṃ jalantanti ?
Āmantā .
Hañci passati aggiṃ jalantaṃ , tena vata re vattabbe –
‘‘ tejodhātu sanidassanā ’’ ti … pe ….
NaM0.249 vattabbaṃ –
‘‘ vāyodhātuT0.360 sanidassanā ’’ ti ?
Āmantā .
Nanu passati vātena rukkhe sañcāliyamāneti ?
Āmantā .
Hañci passati vātena rukkhe sañcāliyamāne , tena vata re vattabbe –
‘‘ vāyodhātu sanidassanā ’’ ti … pe ….
Pathavīdhātu sanidassanātiādikathā niṭṭhitā .
6. Chaṭṭhavaggo

(61)9. Cakkhundriyaṃ sanidassanantiādikathā

467. CakkhundriyaṃV0.278 sanidassananti ?
Āmantā .
Rūpaṃ rūpāyatanaṃ rūpadhātu … pe … cakkhussa āpāthaṃ āgacchatīti ?
Na hevaṃ vattabbe … pe ….
Cakkhundriyaṃ sanidassananti ?
Āmantā .
Cakkhuñca paṭicca cakkhundriyañca uppajjati cakkhuviññāṇanti ?
NaP0.333 hevaṃ vattabbe … pe ….
Cakkhuñca paṭicca cakkhundriyañca uppajjati cakkhuviññāṇanti ?
Āmantā .
‘‘ Cakkhuñca paṭicca cakkhundriyañca uppajjati cakkhuviññāṇan ’’ ti – attheva suttantoti ?
Natthi .
‘‘ Cakkhuñca paṭicca rūpe ca uppajjati cakkhuviññāṇan ’’ ti – attheva suttantoti ?
Āmantā .
Hañci ‘‘ cakkhuñca paṭicca rūpe ca uppajjati cakkhuviññāṇan ’’ ti – attheva suttanto , no ca vata re vattabbe –
‘‘ cakkhuñca paṭicca cakkhundriyañca uppajjati cakkhuviññāṇan ’’ ti .
468. NaT0.361 vattabbaṃ –
‘‘ pañcindriyāni sanidassanānī ’’ ti ?
Āmantā .
Nanu passati cakkhuṃ sotaṃ ghānaṃ jivhaṃ kāyanti ?
Āmantā .
Hañci passati cakkhuṃ sotaṃ ghānaṃ jivhaṃ kāyaṃ , tena vata re vattabbe –
‘‘ pañcindriyāni sanidassanānī ’’ ti … pe ….
Cakkhundriyaṃ sanidassanantiādikathā niṭṭhitā .
6. Chaṭṭhavaggo

(62)10. Kāyakammaṃ sanidassanantikathā

469. Kāyakammaṃ sanidassananti ?
Āmantā .
Rūpaṃ rūpāyatanaṃ rūpadhātu nīlaṃ pītakaṃ lohitakaṃV0.279 odātaṃ cakkhuviññeyyaṃ cakkhusmiṃ paṭihaññati cakkhussa āpāthaṃ āgacchatīti ?
Na hevaṃ vattabbe … pe ….
KāyakammaṃM0.250 sanidassananti ?
Āmantā .
Cakkhuñca paṭicca kāyakammañca uppajjati cakkhuviññāṇanti ?
Na hevaṃ vattabbe … pe ….
Cakkhuñca paṭicca kāyakammañca uppajjati cakkhuviññāṇanti ?
Āmantā .
‘‘ Cakkhuñca paṭicca kāyakammañca uppajjati cakkhuviññāṇan ’’ ti – attheva suttantoti ?
Natthi .
‘‘ CakkhuñcaP0.334 paṭicca rūpe ca uppajjati cakkhuviññāṇan ’’ ti – attheva suttantoti ?
Āmantā .
Hañci ‘‘ cakkhuñca paṭicca rūpe ca uppajjati cakkhuviññāṇan ’’ ti – attheva suttanto , no ca vata re vattabbe –
‘‘ cakkhuñca paṭicca kāyakammañca uppajjati cakkhuviññāṇan ’’ ti .
470. NaT0.362 vattabbaṃ –
‘‘ kāyakammaṃ sanidassanan ’’ ti ?
Āmantā .
Nanu passati abhikkamantaṃ paṭikkamantaṃ ālokentaṃ vilokentaṃ samiñjentaṃ pasārentanti ?
Āmantā .
Hañci passati abhikkamantaṃ paṭikkamantaṃ ālokentaṃ vilokentaṃ samiñjentaṃ pasārentaṃ , tena vata re vattabbe –
‘‘ kāyakammaṃ sanidassanan ’’ ti .
Kāyakammaṃ sanidassanantikathā niṭṭhitā .
Chaṭṭhavaggo .
Tassuddānaṃ –
Niyamo asaṅkhato , paṭiccasamuppādo asaṅkhato , cattāri saccāni asaṅkhatāni , cattāro āruppā asaṅkhatā , nirodhasamāpatti asaṅkhatā , ākāso asaṅkhato , ākāso sanidassano , cattāro mahābhūtā , pañcindriyāni , tatheva kāyakammanti .