Issues
Select Version
Kathāvatthupāḷi
Kathāvatthupāḷi

(201)2. Avivittakathā

Author: _System_Pali_VRI_ @ Administrator

(201)2. Avivittakathā

879. PuthujjanoV0.487 tedhātukehi dhammehi avivittoti ?
Āmantā .
Puthujjano tedhātukehi phassehi … pe … tedhātukāhi vedanāhi … saññāhiM0.437 … cetanāhi … cittehi … saddhāhi … vīriyehi … satīhi … samādhīhi … pe … tedhātukāhi paññāhi avivittoti ?
Na hevaṃ vattabbe … pe ….
Puthujjano tedhātukehi kammehi avivittoti ?
Āmantā .
Yasmiṃ khaṇe puthujjano cīvaraṃ deti , tasmiṃ khaṇe paṭhamaṃ jhānaṃ upasampajja viharati … pe … ākāsānañcāyatanaṃ upasampajja viharatīti ?
Na hevaṃ vattabbe … pe … yasmiṃ khaṇe puthujjano piṇḍapātaṃ deti … pe … senāsanaṃ deti … pe … gilānapaccayabhesajjaparikkhāraṃ deti , tasmiṃ khaṇe catutthaṃ jhānaṃ upasampajja viharati … nevasaññānāsaññāyatanaṃ upasampajja viharatīti ?
Na hevaṃ vattabbe … pe ….
880. Na vattabbaṃ –
‘‘ puthujjano tedhātukehi kammehi avivitto ’’ ti ?
ĀmantāT0.638 .
Puthujjanassa rūpadhātuarūpadhātūpagaṃ kammaṃ pariññātanti ?
Na hevaṃ vattabbe .
Tena hi puthujjano tedhātukehi kammehi avivittoti … pe ….
Avivittakathā niṭṭhitā .
21. Ekavīsatimavaggo