(183)7. Jhānantarikakathā
817. Atthi
T0.603 jhānantarikāti ?Āmantā .
Atthi phassantarikā … pe … atthi saññantarikāti ?
Na hevaṃ vattabbe … pe ….
Atthi jhānantarikāti ?
Āmantā .
Dutiyassa ca jhānassa tatiyassa ca jhānassa antare atthi jhānantarikāti ?
Na hevaṃ vattabbe … pe ….
Atthi
V0.460 jhānantarikāti ?Āmantā .
Tatiyassa ca jhānassa catutthassa ca jhānassa antare atthi jhānantarikāti ?
Na hevaṃ vattabbe … pe ….
Dutiyassa ca jhānassa tatiyassa ca jhānassa antare natthi jhānantarikāti ?
Āmantā .
Hañci dutiyassa ca jhānassa tatiyassa ca jhānassa antare natthi
P0.570 jhānantarikā , no ca vata re vattabbe –‘‘ atthi jhānantarikā ’’ ti .
Tatiyassa
M0.413 ca jhānassa catutthassa ca jhānassa antare natthi jhānantarikāti ?Āmantā .
Hañci tatiyassa ca jhānassa catutthassa ca jhānassa antare natthi jhānantarikā , no ca vata re vattabbe –
‘‘ atthi jhānantarikā ’’ ti .
818. Paṭhamassa ca jhānassa dutiyassa ca jhānassa antare atthi jhānantarikāti ?
Āmantā .
Dutiyassa ca jhānassa tatiyassa ca jhānassa antare atthi jhānantarikāti ?
Na hevaṃ vattabbe … pe ….
Paṭhamassa ca jhānassa dutiyassa ca jhānassa antare atthi jhānantarikāti ?
Āmantā .
Tatiyassa ca jhānassa catutthassa ca jhānassa antare
T0.604 atthi jhānantarikāti ?Na hevaṃ vattabbe … pe ….
Dutiyassa ca jhānassa tatiyassa ca jhānassa antare natthi jhānantarikāti ?
Āmantā .
Paṭhamassa ca jhānassa dutiyassa ca jhānassa antare natthi jhānantarikāti ?
Na hevaṃ vattabbe … pe ….
Tatiyassa ca jhānassa catutthassa ca jhānassa antare natthi jhānantarikāti ?
Āmantā .
Paṭhamassa ca jhānassa dutiyassa ca jhānassa antare natthi jhānantarikāti ?
Na hevaṃ vattabbe … pe ….
819. Avitakko
V0.461 vicāramatto samādhi jhānantarikāti ?Āmantā .
Savitakko savicāro samādhi jhānantarikāti ?
Na hevaṃ vattabbe … pe ….
Avitakko vicāramatto samādhi jhānantarikāti ?
Āmantā .
Avitakko
P0.571 avicāro samādhi jhānantarikāti ?Na hevaṃ vattabbe … pe ….
Savitakko savicāro samādhi na jhānantarikāti ?
Āmantā .
Avitakko vicāramatto samādhi na jhānantarikāti ?
Na hevaṃ vattabbe … pe ….
Avitakko avicāro samādhi na jhānantarikāti ?
Āmantā .
Avitakko vicāramatto samādhi na jhānantarikāti ?
Na hevaṃ vattabbe … pe ….
820. Dvinnaṃ jhānānaṃ paṭuppannānamantare avitakko vicāramatto samādhīti ?
Āmantā .
Nanu avitakke vicāramatte samādhimhi vattamāne paṭhamaṃ jhānaṃ niruddhaṃ dutiyaṃ jhānaṃ paṭuppannanti ?
Āmantā .
Hañci avitakke vicāramatte
M0.414 samādhimhi vattamāne paṭhamaṃT0.605 jhānaṃ niruddhaṃ dutiyaṃ jhānaṃ paṭuppannaṃ , no ca vata re vattabbe –‘‘ dvinnaṃ jhānānaṃ paṭuppannānamantare avitakko vicāramatto samādhi jhānantarikāti .
821. Avitakko vicāramatto samādhi na jhānantarikāti ?
Āmantā .
Avitakko vicāramatto samādhi paṭhamaṃ jhānaṃ … pe … dutiyaṃ jhānaṃ … pe … tatiyaṃ jhānaṃ … pe … catutthaṃ jhānanti ?
Na hevaṃ vattabbe .
Tena hi avitakko vicāramatto samādhi jhānantarikāti .
822. Avitakko vicāramatto samādhi jhānantarikāti ?
Āmantā .
Nanu tayo samādhī vuttā bhagavatā – savitakko savicāro samādhi , avitakko vicāramatto samādhi , avitakko avicāro samādhīti [ dī . ni .3.305,353]?
Āmantā .
Hañci tayo samādhī vuttā bhagavatā – savitakko … pe … avicāro samādhi , no ca vata re vattabbe
P0.572 –‘‘ avitakko vicāramatto samādhi jhānantarikā ’’ ti .
Jhānantarikakathā niṭṭhitā .
18. Aṭṭhārasamavaggo