Issues
Select Version
Kathāvatthupāḷi
Kathāvatthupāḷi

(50)8. Anāgatañāṇakathā

Author: _System_Pali_VRI_ @ Administrator

(50)8. Anāgatañāṇakathā

439. Anāgate ñāṇaṃ atthīti ?
Āmantā .
Anāgataṃ mūlato jānāti , hetuto jānāti , nidānato jānāti , sambhavato jānāti , pabhavato jānāti , samuṭṭhānato jānāti , āhārato jānātiM0.236 , ārammaṇato jānāti , paccayato jānāti , samudayato jānātīti ?
Na hevaṃ vattabbe … pe ….
Anāgate ñāṇaṃ atthīti ?
Āmantā .
Anāgataṃ hetupaccayataṃ jānāti , ārammaṇapaccayataṃ jānāti , adhipatipaccayataṃV0.263 jānāti , anantarapaccayataṃ jānāti , samanantarapaccayataṃ jānātīti ?
Na hevaṃ vattabbe … pe ….
Anāgate ñāṇaṃ atthīti ?
Āmantā .
Gotrabhuno puggalassa sotāpattimagge ñāṇaṃ atthīti ?
Na hevaṃ vattabbe … pe ….
Sotāpattiphalasacchikiriyāya paṭipannassa puggalassa sotāpattiphale ñāṇaṃ atthīti ?
Na hevaṃ vattabbe … pe ….
Sakadāgāmi … pe … anāgāmiP0.314 … pe … arahattasacchikiriyāya paṭipannassa puggalassa arahatte ñāṇaṃ atthīti ?
Na hevaṃ vattabbe … pe ….
440. NaT0.342 vattabbaṃ –
‘‘ anāgate ñāṇaṃ atthī ’’ ti ?
Āmantā .
Nanu vuttaṃ bhagavatā –
‘‘ pāṭaliputtassa kho , ānanda , tayo antarāyā bhavissanti – aggito vā udakato vā mithubhedā vā ’’ ti [ mahāva .286; dī . ni .2.152; udā .76]!
Attheva suttantoti ?
Āmantā .
Tena hi anāgate ñāṇaṃ atthīti .
Anāgatañāṇakathā niṭṭhitā .
5. Pañcamavaggo