Issues
Select Version
Kathāvatthupāḷi
Kathāvatthupāḷi

(34)2. Upapattikathā

Author: _System_Pali_VRI_ @ Administrator

(34)2. Upapattikathā

388. Saha upapattiyā arahāti ?
Āmantā .
Saha upapattiyā sotāpanno hotīti ?
Na hevaṃ vattabbe … pe ….
SahaV0.226 upapattiyā arahāti ?
ĀmantāP0.269 .
Saha upapattiyā sakadāgāmī hotīti ?
Na hevaṃ vattabbe … pe ….
Saha upapattiyā arahāti ?
Āmantā .
Saha upapattiyā anāgāmī hotīti ?
Na hevaṃ vattabbe … pe ….
Saha upapattiyā sotāpanno na hotīti ?
Āmantā .
Hañci saha upapattiyā sotāpanno na hoti , no ca vata re vattabbe –
‘‘ saha upapattiyā arahā ’’ ti .
Saha upapattiyā sakadāgāmī na hotīti ?
Āmantā .
Hañci saha upapattiyā sakadāgāmī na hoti , no ca vata re vattabbe –
‘‘ saha upapattiyā arahā ’’ ti .
Saha upapattiyā anāgāmī na hotīti ?
Āmantā .
HañciT0.294 saha upapattiyā anāgāmī na hoti , no ca vata re vattabbe –
‘‘ saha upapattiyā arahā ’’ ti .
389. Saha upapattiyā arahāti ?
Āmantā .
Sāriputto thero saha upapattiyā arahāti ?
Na hevaṃ vattabbe .
Mahāmoggallāno theroM0.204 … pe … mahākassapo thero … pe … mahākaccāno thero … pe … mahākoṭṭhiko thero … pe … mahāpanthako thero saha upapattiyā arahāti ?
Na hevaṃ vattabbe … pe ….
Sāriputto thero na saha upapattiyā arahāti ?
Āmantā .
Hañci sāriputto thero na saha upapattiyā arahā , no ca vata re vattabbe –
‘‘ saha upapattiyā arahā ’’ ti .
Mahāmoggallāno thero … pe … mahākassapo thero … pe … mahākaccāno thero … pe … mahākoṭṭhiko thero … pe … mahāpanthako thero na saha upapattiyā arahāti ?
Āmantā .
HañciP0.270 mahāpanthako thero na saha upapattiyā arahā , no ca vata re vattabbe –
‘‘ saha upapattiyā arahā ’’ ti .
390. SahaV0.227 upapattiyā arahāti ?
Āmantā .
Upapattesiyena cittena arahattaṃ sacchikaroti lokiyena sāsavena … pe … saṃkilesiyenātiT0.295 ?
Na hevaṃ vattabbe … pe ….
Saha upapattiyā arahāti ?
Āmantā .
Upapattesiyaṃ cittaṃ niyyānikaṃ khayagāmī bodhagāmī apacayagāmī anāsavaṃ … pe … asaṃkilesiyanti ?
Na hevaṃ vattabbe … pe ….
Nanu upapattesiyaṃ cittaṃ aniyyānikaṃ na khayagāmi na bodhagāmi na apacayagāmi sāsavaṃ … pe … saṃkilesiyanti ?
Āmantā .
Hañci upapattesiyaṃ cittaṃ aniyyānikaṃ na khayagāmi na bodhagāmi na apacayagāmi sāsavaṃ … pe … saṃkilesiyaṃ , no ca vata re vattabbe –
‘‘ saha upapattiyā arahā ’’ ti .
Saha upapattiyā arahāti ?
Āmantā .
Upapattesiyena cittena rāgaṃ pajahati , dosaṃ pajahati , mohaṃ pajahati , anottappaṃ pajahatīti ?
Na hevaṃ vattabbe … pe ….
Saha upapattiyā arahāti ?
Āmantā .
Upapattesiyaṃ cittaṃ maggo … satipaṭṭhānaṃ … pe … sammappadhānaṃ … iddhipādo … indriyaṃ … balaṃ … bojjhaṅgoti ?
Na hevaṃ vattabbe … pe ….
Saha upapattiyā arahāti ?
Āmantā .
Upapattesiyena cittena dukkhaṃ parijānāti , samudayaṃ pajahati , nirodhaṃ sacchikaroti , maggaṃ bhāvetīti ?
NaM0.205 hevaṃ vattabbe … pe … saha upapattiyā arahāti ?
Āmantā .
CuticittaṃP0.271 maggacittaṃ upapattesiyaṃ cittaṃ phalacittanti ?
Na hevaṃ vattabbe … pe ….
Upapattikathā niṭṭhitā .
4. Catutthavaggo