Issues
Select Version
Kathāvatthupāḷi
Kathāvatthupāḷi

(41)9. Aparāpi samannāgatakathā

Author: _System_Pali_VRI_ @ Administrator

(41)9. Aparāpi samannāgatakathā

406. ArahattasacchikiriyāyaT0.317 paṭipanno puggalo tīhi phalehi samannāgatoti ?
Āmantā .
Arahattasacchikiriyāya paṭipanno puggalo catūhi phassehiP0.291 catūhi vedanāhi catūhi saññāhi catūhi cetanāhi catūhi cittehi catūhi saddhāhi catūhi vīriyehi catūhi satīhi catūhi samādhīhi catūhi paññāhi samannāgatoti ?
Na hevaṃ vattabbe … pe ….
Anāgāmiphalasacchikiriyāya paṭipanno puggalo dvīhi phalehi samannāgatoti ?
Āmantā .
Anāgāmiphalasacchikiriyāya paṭipanno puggalo tīhi phassehi tīhi vedanāhi … pe … tīhi paññāhi samannāgatoti ?
Na hevaṃ vattabbe … pe ….
SakadāgāmiphalasacchikiriyāyaM0.220 paṭipanno puggalo sotāpattiphalena samannāgatoti ?
Āmantā .
Sakadāgāmiphalasacchikiriyāya paṭipanno puggalo dvīhi phassehi dvīhi vedanāhi … pe … dvīhi paññāhi samannāgatoti ?
Na hevaṃ vattabbe … pe ….
ArahattasacchikiriyāyaV0.245 paṭipanno puggalo sotāpattiphalena samannāgatoti ?
Āmantā .
Arahattasacchikiriyāya paṭipanno puggalo sotāpanno sattakkhattuparamo , kolaṅkolo , ekabījīti ?
Na hevaṃ vattabbe … pe ….
ArahattasacchikiriyāyaT0.318 paṭipanno puggalo sakadāgāmiphalena samannāgatoti ?
Āmantā .
Arahattasacchikiriyāya paṭipanno puggalo sakadāgāmīti ?
Na hevaṃ vattabbe … pe ….
Arahattasacchikiriyāya paṭipanno puggalo anāgāmiphalena samannāgatoti ?
Āmantā .
Arahattasacchikiriyāya paṭipanno puggalo anāgāmī antarāparinibbāyī , upahaccaparinibbāyī , asaṅkhāraparinibbāyī , sasaṅkhāraparinibbāyī , uddhaṃsoto akaniṭṭhagāmīti ?
Na hevaṃ vattabbe … pe ….
Anāgāmiphalasacchikiriyāya paṭipanno puggalo sotāpattiphalena samannāgatoti ?
ĀmantāP0.292 .
Anāgāmiphalasacchikiriyāya paṭipanno puggalo sotāpanno sattakkhattuparamo , kolaṅkolo , ekabījīti ?
Na hevaṃ vattabbe … pe ….
Anāgāmiphalasacchikiriyāya paṭipanno puggalo sakadāgāmiphalena samannāgatoti ?
Āmantā .
Anāgāmiphalasacchikiriyāya paṭipanno puggalo sakadāgāmīti ?
Na hevaṃ vattabbe … pe ….
Sakadāgāmiphalasacchikiriyāya paṭipanno puggalo sotāpattiphalena samannāgatoti ?
Āmantā .
Sakadāgāmiphalasacchikiriyāya paṭipanno puggalo sotāpanno sattakkhattuparamo , kolaṅkolo , ekabījīti ?
Na hevaṃ vattabbe … pe ….
407. Sotāpattiphalena samannāgato sotāpannoti vattabboti ?
ĀmantāT0.319 .
Arahattasacchikiriyāya paṭipanno puggalo sotāpattiphalenaM0.221 samannāgatoti ?
Āmantā .
Sveva arahattasacchikiriyāya paṭipanno puggalo , so sotāpannoti ?
Na hevaṃ vattabbe … pe ….
SakadāgāmiphalenaV0.246 samannāgato sakadāgāmīti vattabboti ?
Āmantā .
Arahattasacchikiriyāya paṭipanno puggalo sakadāgāmiphalena samannāgatoti ?
Āmantā .
Sveva arahattasacchikiriyāya paṭipanno puggalo , so sakadāgāmīti ?
Na hevaṃ vattabbe … pe ….
Anāgāmiphalena samannāgato anāgāmīti vattabboti ?
Āmantā .
Arahattasacchikiriyāya paṭipanno puggalo anāgāmiphalena samannāgatoti ?
ĀmantāP0.293 .
Sveva arahattasacchikiriyāya paṭipanno puggalo , so anāgāmīti ?
Na hevaṃ vattabbe … pe ….
Sotāpattiphalena samannāgato sotāpannoti vattabboti ?
Āmantā .
Anāgāmiphalasacchikiriyāya paṭipanno puggalo sotāpattiphalena samannāgatoti ?
Āmantā .
Sveva anāgāmiphalasacchikiriyāya paṭipanno puggalo , so sotāpannoti ?
Na hevaṃ vattabbe … pe ….
Sakadāgāmiphalena samannāgato sakadāgāmīti vattabboti ?
Āmantā .
Anāgāmiphalasacchikiriyāya paṭipanno puggalo sakadāgāmiphalena samannāgatoti ?
Āmantā .
Sveva anāgāmiphalasacchikiriyāya paṭipanno puggalo , so sakadāgāmīti ?
Na hevaṃ vattabbe … pe ….
Sotāpattiphalena samannāgato sotāpannoti vattabboti ?
ĀmantāT0.320 .
Sakadāgāmiphalasacchikiriyāya paṭipanno puggalo sotāpattiphalena samannāgatoti ?
Āmantā .
Sveva sakadāgāmiphalasacchikiriyāya paṭipanno puggalo , so sotāpannoti ?
Na hevaṃ vattabbe … pe ….
408. Arahattasacchikiriyāya paṭipanno puggalo sotāpattiphalena samannāgatoti ?
Āmantā .
Nanu arahattasacchikiriyāya paṭipanno puggalo sotāpattiphalaṃ vītivattoti ?
Āmantā .
Hañci arahattasacchikiriyāya paṭipanno puggalo sotāpattiphalaṃ vītivatto , no ca vata re vattabbe –
‘‘ arahattasacchikiriyāyaP0.294 paṭipanno puggalo sotāpattiphalena samannāgato ’’ ti .
ArahattasacchikiriyāyaM0.222V0.247 paṭipanno puggalo sotāpattiphalaṃ vītivatto , tena samannāgatoti ?
Āmantā .
Arahattasacchikiriyāya paṭipanno puggalo sotāpattimaggaṃ vītivatto , sakkāyadiṭṭhiṃ vicikicchaṃ sīlabbataparāmāsaṃ apāyagamanīyaṃ rāgaṃ apāyagamanīyaṃ dosaṃ apāyagamanīyaṃ mohaṃ vītivatto , tena samannāgatoti ?
Na hevaṃ vattabbe … pe ….
Arahattasacchikiriyāya paṭipanno puggalo sakadāgāmiphalena samannāgatoti ?
Āmantā .
Nanu arahattasacchikiriyāya paṭipanno puggalo sakadāgāmiphalaṃ vītivattoti ?
Āmantā .
Hañci arahattasacchikiriyāya paṭipanno puggalo sakadāgāmiphalaṃ vītivatto , no ca vata re vattabbe –
‘‘ arahattasacchikiriyāya paṭipanno puggalo sakadāgāmiphalena samannāgato ’’ ti .
ArahattasacchikiriyāyaT0.321 paṭipanno puggalo sakadāgāmiphalaṃ vītivatto , tena samannāgatoti ?
Āmantā .
Arahattasacchikiriyāya paṭipanno puggalo sakadāgāmimaggaṃ vītivatto , oḷārikaṃ kāmarāgaṃ oḷārikaṃ byāpādaṃ vītivatto , tena samannāgatoti ?
Na hevaṃ vattabbe … pe ….
Arahattasacchikiriyāya paṭipanno puggalo anāgāmiphalena samannāgatoti ?
Āmantā .
Nanu arahattasacchikiriyāya paṭipanno puggalo anāgāmiphalaṃ vītivattoti ?
Āmantā .
Hañci arahattasacchikiriyāya paṭipanno puggalo anāgāmiphalaṃ vītivatto , no ca vata re vattabbe –
‘‘ arahattasacchikiriyāya paṭipanno puggalo anāgāmiphalena samannāgato ’’ ti .
ArahattasacchikiriyāyaP0.295 paṭipanno puggalo anāgāmiphalaṃ vītivatto , tena samannāgatoti ?
Āmantā .
Arahattasacchikiriyāya paṭipanno puggalo anāgāmimaggaṃ vītivatto , aṇusahagataṃ kāmarāgaṃ aṇusahagataṃ byāpādaṃ vītivatto , tena samannāgatoti ?
Na hevaṃ vattabbe … pe ….
409. Anāgāmiphalasacchikiriyāya paṭipanno puggalo sotāpattiphalena samannāgatoti ?
Āmantā .
Nanu anāgāmiphalasacchikiriyāya paṭipanno puggalo sotāpattiphalaṃ vītivattoti ?
Āmantā .
Hañci anāgāmiphalasacchikiriyāya paṭipanno puggalo sotāpattiphalaṃV0.248 vītivatto , noT0.322 ca vata re vattabbe –
‘‘ anāgāmiphalasacchikiriyāya paṭipanno puggalo sotāpattiphalena samannāgato ’’ ti .
AnāgāmiphalasacchikiriyāyaM0.223 paṭipanno puggalo sotāpattiphalaṃ vītivatto , tena samannāgatoti ?
Āmantā .
Anāgāmiphalasacchikiriyāya paṭipanno puggalo sotāpattimaggaṃ vītivatto , sakkāyadiṭṭhiṃ … pe … apāyagamanīyaṃ mohaṃ vītivatto , tena samannāgatoti ?
Na hevaṃ vattabbe … pe ….
Anāgāmiphalasacchikiriyāya paṭipanno puggalo sakadāgāmiphalena samannāgatoti ?
Āmantā .
Nanu anāgāmiphalasacchikiriyāya paṭipanno puggalo sakadāgāmiphalaṃ vītivattoti ?
Āmantā .
Hañci anāgāmiphalasacchikiriyāya paṭipanno puggalo sakadāgāmiphalaṃ vītivatto , no ca vata re vattabbe –
‘‘ anāgāmiphalasacchikiriyāya paṭipanno puggalo sakadāgāmiphalena samannāgato ’’ ti .
Anāgāmiphalasacchikiriyāya paṭipanno puggalo sakadāgāmiphalaṃ vītivatto , tena samannāgatoti ?
ĀmantāP0.296 .
Anāgāmiphalasacchikiriyāya paṭipanno puggalo sakadāgāmimaggaṃ vītivatto , oḷārikaṃ kāmarāgaṃ oḷārikaṃ byāpādaṃ vītivatto , tena samannāgatoti ?
Na hevaṃ vattabbe … pe ….
410. Sakadāgāmiphalasacchikiriyāya paṭipanno puggalo sotāpattiphalena samannāgatoti ?
Āmantā .
Nanu sakadāgāmiphalasacchikiriyāyaT0.323 paṭipanno puggalo sotāpattiphalaṃ vītivattoti ?
Āmantā .
Hañci sakadāgāmiphalasacchikiriyāya paṭipanno puggalo sotāpattiphalaṃ vītivatto , no ca vata re vattabbe –
‘‘ sakadāgāmiphalasacchikiriyāya paṭipanno puggalo sotāpattiphalena samannāgato ’’ ti .
Sakadāgāmiphalasacchikiriyāya paṭipanno puggalo sotāpattiphalaṃ vītivatto , tena samannāgatoti ?
Āmantā .
Sakadāgāmiphalasacchikiriyāya paṭipanno puggalo sotāpattimaggaṃ vītivattoV0.249 , sakkāyadiṭṭhiṃ … pe … apāyagamanīyaṃ mohaṃ vītivatto , tena samannāgatoti ?
Na hevaṃ vattabbe … pe ….
411. Na vattabbaṃ –
‘‘ arahattasacchikiriyāya paṭipanno puggalo tīhi phalehi samannāgato ’’ ti ?
Āmantā .
Nanu arahattasacchikiriyāya paṭipannena puggalena tīṇi phalāni paṭiladdhāni , tehi ca aparihīnoti ?
Āmantā .
Hañci arahattasacchikiriyāya paṭipannena puggalena tīṇi phalāni paṭiladdhāni tehiM0.224 ca aparihīno , tena vata re vattabbe –
‘‘ arahattasacchikiriyāya paṭipanno puggalo tīhi phalehi samannāgato ’’ ti .
Na vattabbaṃ –
‘‘ anāgāmiphalasacchikiriyāya paṭipanno puggalo dvīhi phalehi samannāgato ’’ ti ?
Āmantā .
Nanu anāgāmiphalasacchikiriyāya paṭipannena puggalenaP0.297 dve phalāni paṭiladdhāni , tehi ca aparihīnoti ?
Āmantā .
Hañci anāgāmiphalasacchikiriyāya paṭipannena puggalena dve phalāni paṭiladdhāni tehi ca aparihīno , tena vataT0.324 re vattabbe –
‘‘ anāgāmiphalasacchikiriyāya paṭipanno puggalo dvīhi phalehi samannāgato ’’ ti .
Na vattabbaṃ –
‘‘ sakadāgāmiphalasacchikiriyāya paṭipanno puggalo sotāpattiphalena samannāgato ’’ ti ?
Āmantā .
Nanu sakadāgāmiphalasacchikiriyāya paṭipannena puggalena sotāpattiphalaṃ paṭiladdhaṃ , tena ca aparihīnoti ?
Āmantā .
Hañci sakadāgāmiphalasacchikiriyāya paṭipannena puggalena sotāpattiphalaṃ paṭiladdhaṃ tena ca aparihīno , tena vata re vattabbe –
‘‘ sakadāgāmiphalasacchikiriyāya paṭipanno puggalo sotāpattiphalena samannāgato ’’ ti .
412. Arahattasacchikiriyāya paṭipannena puggalena tīṇi phalāni paṭiladdhāni tehi ca aparihīnoti , arahattasacchikiriyāya paṭipanno puggalo tīhi phalehi samannāgatoti ?
Āmantā .
Arahattasacchikiriyāya paṭipannena puggalena cattāro maggā paṭiladdhā tehi ca aparihīnoti , arahattasacchikiriyāya paṭipanno puggalo catūhi maggehi samannāgatoti ?
Na hevaṃ vattabbe … pe ….
Anāgāmiphalasacchikiriyāya paṭipannena puggalena dve phalāni paṭiladdhāni tehi ca aparihīnotiV0.250 , anāgāmiphalasacchikiriyāya paṭipanno puggalo dvīhi phalehi samannāgatoti ?
Āmantā .
Anāgāmiphalasacchikiriyāya paṭipannena puggalena tayo maggā paṭiladdhā tehi ca aparihīnoti , anāgāmiphalasacchikiriyāya paṭipanno puggalo tīhiT0.325 maggehi samannāgatoti ?
Na hevaṃ vattabbe … pe ….
Sakadāgāmiphalasacchikiriyāya paṭipannena puggalena sotāpattiphalaṃ paṭiladdhaṃ tena ca aparihīnoti , sakadāgāmiphalasacchikiriyāyaP0.298 paṭipanno puggaloM0.225 sotāpattiphalena samannāgatoti ?
Āmantā .
Sakadāgāmiphalasacchikiriyāya paṭipannena puggalena dve maggā paṭiladdhā tehi ca aparihīnoti , sakadāgāmiphalasacchikiriyāya paṭipanno puggalo dvīhi maggehi samannāgatoti ?
Na hevaṃ vattabbe … pe ….
Aparāpi samannāgatakathā niṭṭhitā .
4. Catutthavaggo