Issues
Select Version
Kathāvatthupāḷi
Kathāvatthupāḷi

(47)5. Paṭisambhidākathā

Author: _System_Pali_VRI_ @ Administrator

(47)5. Paṭisambhidākathā

432. SabbaṃM0.233 ñāṇaṃ paṭisambhidāti ?
Āmantā .
Sammutiñāṇaṃ paṭisambhidātiT0.337 ?
Na hevaṃ vattabbe … pe … sammutiñāṇaṃ paṭisambhidāti ?
Āmantā .
Ye keci sammutiṃ jānanti , sabbe te paṭisambhidāpattāti ?
Na hevaṃ vattabbe … pe … sabbaṃ ñāṇaṃ paṭisambhidāti ?
Āmantā .
CetopariyāyeP0.310 ñāṇaṃ paṭisambhidāti ?
Na hevaṃ vattabbe … pe … cetopariyāye ñāṇaṃ paṭisambhidāti ?
Āmantā .
Ye keci paracittaṃ jānanti , sabbe te paṭisambhidāpattāti ?
Na hevaṃ vattabbe … pe ….
Sabbaṃ ñāṇaṃ paṭisambhidāti ?
Āmantā .
Sabbā paññā paṭisambhidāti ?
Na hevaṃ vattabbe … pe … sabbā paññā paṭisambhidāti ?
Āmantā .
Pathavīkasiṇaṃ samāpattiṃ samāpannassa atthi paññā , sā paññā paṭisambhidāti ?
Na hevaṃ vattabbe … pe … āpokasiṇaṃ … pe … tejokasiṇaṃ … pe … vāyokasiṇaṃ … pe … nīlakasiṇaṃ … pe … pītakasiṇaṃ … pe … lohitakasiṇaṃ … pe … odātakasiṇaṃ … pe … ākāsānañcāyatanaṃ … pe … viññāṇañcāyatanaṃ … pe … ākiñcaññāyatanaṃ … pe … nevasaññānāsaññāyatanaṃ samāpannassa … pe … dānaṃ dadantassa … pe … cīvaraṃ dadantassa … pe … piṇḍapātaṃ dadantassa … pe … senāsanaṃ dadantassa … pe … gilānapaccayabhesajjaparikkhāraṃV0.260 dadantassa atthi paññā , sā paññā paṭisambhidāti ?
Na hevaṃ vattabbe … pe ….
433. Na vattabbaṃ –
‘‘ sabbaṃ ñāṇaṃ paṭisambhidā ’’ ti ?
Āmantā .
AtthiT0.338 lokuttarā paññā , sā paññā na paṭisambhidāti ?
Na hevaṃ vattabbe … pe … tena hi sabbaṃ ñāṇaṃ paṭisambhidāti .
Paṭisambhidākathā niṭṭhitā .
5. Pañcamavaggo