14. Cuddasamavaggo
(136)1. Kusalākusalapaṭisandahanakathā
686. Akusalamūlaṃ
M0.356P0.491V0.396 paṭisandahati kusalamūlanti ?Āmantā .
Yā akusalassa uppādāya āvaṭṭanā … pe … paṇidhi , sāva kusalassa uppādāya āvaṭṭanā … pe … paṇidhīti ?
Na hevaṃ vattabbe … pe ….
Akusalamūlaṃ paṭisandahati kusalamūlaṃ , na vattabbaṃ –
‘‘ yā akusalassa uppādāya āvaṭṭanā … pe … paṇidhi , sāva kusalassa uppādāya āvaṭṭanā … pe … paṇidhī ’’ ti ?
Āmantā .
Kusalaṃ anāvaṭṭentassa [ anāvaṭṭantassa ( sī . pī . ka .), anāvajjantassa ( syā . kaṃ .)] uppajjati
T0.521 … pe … appaṇidahantassa uppajjatīti ?Na hevaṃ vattabbe … pe … nanu kusalaṃ āvaṭṭentassa uppajjati … pe … paṇidahantassa uppajjatīti ?
Āmantā .
Hañci kusalaṃ āvaṭṭentassa uppajjati … pe … paṇidahantassa uppajjati , no ca vata re vattabbe –
‘‘ akusalamūlaṃ paṭisandahati kusalamūlan ’’ ti .
687. Akusalamūlaṃ paṭisandahati kusalamūlanti ?
Āmantā .
Akusalamūlaṃ ayoniso manasikaroto uppajjatīti ?
Āmantā .
Kusalaṃ ayoniso manasikaroto uppajjatīti ?
Na hevaṃ vattabbe … pe … nanu kusalaṃ yoniso manasikaroto uppajjatīti ?
Āmantā .
Hañci kusalaṃ yoniso manasikaroto uppajjati , no ca vata re vattabbe –
‘‘ akusalamūlaṃ paṭisandahati kusalamūlan ’’ ti .
Akusalamūlaṃ paṭisandahati kusalamūlanti ?
Āmantā .
Kāmasaññāya anantarā nekkhammasaññā uppajjati , byāpādasaññāya anantarā abyāpādasaññā uppajjati , vihiṃsāsaññāya anantarā avihiṃsāsaññā uppajjati , byāpādassa
P0.492 anantarā mettā uppajjati , vihiṃsāya anantarā karuṇā uppajjati , aratiyā anantarā muditā uppajjati , paṭighassa anantarā upekkhā uppajjatīti ?Na hevaṃ vattabbe … pe ….
688. Kusalamūlaṃ
V0.397 paṭisandahati akusalamūlanti ?Āmantā .
Yā kusalassa uppādāya āvaṭṭanā … pe … paṇidhi , sāva akusalassa uppādāya
T0.522 āvaṭṭanā … pe … paṇidhīti ?Na hevaṃ vattabbe … pe ….
Kusalamūlaṃ
M0.357 paṭisandahati akusalamūlaṃ , na vattabbaṃ –‘‘ yā kusalassa uppādāya āvaṭṭanā … pe … paṇidhi , sāva akusalassa uppādāya āvaṭṭanā … pe … paṇidhī ’’ ti ?
Āmantā .
Akusalaṃ anāvaṭṭentassa uppajjati … pe … appaṇidahantassa uppajjatīti ?
Na hevaṃ vattabbe … pe … nanu akusalaṃ āvaṭṭentassa uppajjati … pe … paṇidahantassa uppajjatīti ?
Āmantā .
Hañci akusalaṃ āvaṭṭentassa uppajjati … pe … paṇidahantassa uppajjati , no ca vata re vattabbe –
‘‘ kusalamūlaṃ paṭisandahati akusalamūlan ’’ ti .
689. Kusalamūlaṃ paṭisandahati akusalamūlanti ?
Āmantā .
Kusalaṃ yoniso manasikaroto uppajjatīti ?
Āmantā .
Akusalaṃ yoniso manasikaroto uppajjatīti ?
Na hevaṃ vattabbe … pe … nanu akusalaṃ ayoniso manasikaroto uppajjatīti ?
Āmantā .
Hañci akusalaṃ ayoniso manasikaroto uppajjati , no ca vata re vattabbe –
‘‘ kusalamūlaṃ paṭisandahati akusalamūlan ’’ ti .
Kusalamūlaṃ paṭisandahati akusalamūlanti ?
Āmantā .
Nekkhammasaññāya anantarā kāmasaññā uppajjati , abyāpādasaññāya
P0.493 anantarā byāpādasaññā uppajjati , avihiṃsāsaññāya anantarā vihiṃsāsaññā uppajjati , mettāya anantarā byāpādo uppajjati , karuṇāya anantarā vihiṃsā uppajjati , muditāya anantarā aratiT0.523 uppajjati , upekkhāya anantarā paṭighaṃ uppajjatīti ?Na hevaṃ vattabbe … pe ….
690. Na vattabbaṃ –
‘‘ akusalamūlaṃ paṭisandahati kusalamūlaṃ , kusalamūlaṃ paṭisandahati akusalamūlan ’’ ti ?
Āmantā .
Nanu yasmiṃyeva vatthusmiṃ rajjati tasmiññeva vatthusmiṃ virajjati , yasmiṃyeva vatthusmiṃ virajjati tasmiññeva vatthusmiṃ rajjatīti ?
Āmantā .
Hañci yasmiññeva vatthusmiṃ rajjati tasmiññeva vatthusmiṃ virajjati , yasmiññeva vatthusmiṃ virajjati tasmiññeva
V0.398 vatthusmiṃ rajjati , tena vata re vattabbe –‘‘ akusalamūlaṃ paṭisandahati kusalamūlaṃ , kusalamūlaṃ paṭisandahati akusalamūlan ’’ ti .
Kusalākusalapaṭisandahanakathā niṭṭhitā .
14. Cuddasamavaggo
(137)2. Saḷāyatanuppattikathā
691. Saḷāyatanaṃ
M0.358 apubbaṃ acarimaṃ mātukucchismiṃ saṇṭhātīti ?Āmantā .
Sabbaṅgapaccaṅgī ahīnindriyo mātukucchismiṃ okkamatīti ?
Na hevaṃ vattabbe … pe ….
Upapattesiyena cittena cakkhāyatanaṃ saṇṭhātīti ?
Āmantā .
Upapattesiyena cittena hatthā saṇṭhanti , pādā saṇṭhanti , sīsaṃ saṇṭhāti , kaṇṇo saṇṭhāti , nāsikā saṇṭhāti , mukhaṃ saṇṭhāti , dantā saṇṭhantīti ?
Na hevaṃ vattabbe … pe ….
Upapattesiyena
T0.524P0.494 cittena sotāyatanaṃ … pe … ghānāyatanaṃ … pe … jivhāyatanaṃ saṇṭhātīti ?Āmantā .
Upapattesiyena cittena hatthā saṇṭhanti , pādā saṇṭhanti , sīsaṃ saṇṭhāti , kaṇṇo saṇṭhāti , nāsikā saṇṭhāti , mukhaṃ saṇṭhāti , dantā saṇṭhantīti ?
Na hevaṃ vattabbe … pe ….
692. Mātukucchigatassa pacchā cakkhāyatanaṃ uppajjatīti ?
Āmantā .
Mātukucchismiṃ cakkhupaṭilābhāya kammaṃ karotīti ?
Na hevaṃ vattabbe … pe … mātukucchigatassa pacchā sotāyatanaṃ … pe … ghānāyatanaṃ … pe … jivhāyatanaṃ uppajjatīti ?
Āmantā .
Mātukucchismiṃ jivhāpaṭilābhāya kammaṃ karotīti ?
Na hevaṃ vattabbe … pe ….
Mātukucchigatassa
V0.399 pacchā kesā lomā nakhā dantā aṭṭhī uppajjantīti ?Āmantā .
Mātukucchismiṃ aṭṭhipaṭilābhāya kammaṃ karotīti ?
Na hevaṃ vattabbe … pe ….
Na vattabbaṃ –
‘‘ mātukucchigatassa pacchā kesā lomā nakhā dantā aṭṭhī uppajjantī ’’ ti ?
Āmantā .
Nanu vuttaṃ bhagavatā –
‘‘ Paṭhamaṃ kalalaṃ hoti , kalalā hoti abbudaṃ ;
Abbudā jāyate pesi [ pesī ( syā . kaṃ . pī .)], pesi nibbattate [ nibbattatī ( sī . syā ., saṃ . ni .1.235), nibbattati ( pī . ka .)] ghano ;
Ghanā pasākhā jāyanti , kesā lomā nakhāpi ca .
‘‘ Yañcassa
M0.359 bhuñjati mātā , annaṃ pānañca bhojanaṃ ;Tena so tattha yāpeti , mātukucchigato naro ’’ ti [ saṃ . ni .1.235].
Attheva
T0.525 suttantoti ?Āmantā .
Tena hi mātukucchigatassa pacchā kesā lomā nakhā dantā aṭṭhī uppajjantīti .
Saḷāyatanuppattikathā niṭṭhitā .
14. Cuddasamavaggo
(138)3. Anantarapaccayakathā
693. Cakkhuviññāṇassa
P0.495 anantarā sotaviññāṇaṃ uppajjatīti ?Āmantā .
Yā cakkhuviññāṇassa uppādāya āvaṭṭanā … pe … paṇidhi , sāva sotaviññāṇassa uppādāya āvaṭṭanā … pe … paṇidhīti ?
Na hevaṃ vattabbe … pe ….
Cakkhuviññāṇassa
V0.400 anantarā sotaviññāṇaṃ uppajjati , na vattabbaṃ –‘‘ yā cakkhuviññāṇassa uppādāya āvaṭṭanā … pe … paṇidhi , sāva sotaviññāṇassa uppādāya āvaṭṭanā … pe … paṇidhīti ?
Āmantā .
Sotaviññāṇaṃ anāvaṭṭentassa uppajjati … pe … appaṇidahantassa uppajjatīti ?
Na hevaṃ vattabbe … pe ….
Nanu sotaviññāṇaṃ āvaṭṭentassa uppajjati … pe … paṇidahantassa uppajjatīti , āmantā .
Hañci sotaviññāṇaṃ āvaṭṭentassa uppajjati … pe … paṇidahantassa uppajjati , no ca vata re vattabbe –
‘‘ cakkhuviññāṇassa anantarā sotaviññāṇaṃ uppajjatī ’’ ti .
694. Cakkhuviññāṇassa anantarā sotaviññāṇaṃ uppajjatīti ?
Āmantā .
Cakkhuviññāṇaṃ rūpanimittaṃ manasikaroto uppajjatīti
T0.526 ?Āmantā .
Sotaviññāṇaṃ rūpanimittaṃ manasikaroto uppajjatīti ?
Na hevaṃ vattabbe … pe ….
Cakkhuviññāṇaṃ rūpārammaṇaññeva na aññārammaṇanti ?
Āmantā .
Sotaviññāṇaṃ rūpārammaṇaññeva na aññārammaṇanti ?
Na hevaṃ vattabbe … pe ….
Cakkhuñca paṭicca rūpe ca uppajjati cakkhuviññāṇanti ?
Āmantā .
Cakkhuñca
P0.496 paṭicca rūpe ca uppajjati sotaviññāṇanti ?Na hevaṃ vattabbe … pe ….
Cakkhuñca
M0.360 paṭicca rūpe ca uppajjati sotaviññāṇanti ?Āmantā .
‘‘ Cakkhuñca paṭicca rūpe ca uppajjati sotaviññāṇan ’’ ti – attheva suttantoti ?
Natthi .
‘‘ Cakkhuñca paṭicca rūpe ca uppajjati cakkhuviññāṇan ’’ ti – attheva suttantoti ?
Āmantā .
Hañci ‘‘ cakkhuñca paṭicca rūpe ca uppajjati cakkhuviññāṇan ’’ ti – attheva suttanto , no ca vata re vattabbe –
‘‘ cakkhuñca paṭicca rūpe ca uppajjati sotaviññāṇan ’’ ti .
Cakkhuviññāṇassa anantarā sotaviññāṇaṃ uppajjatīti ?
Āmantā .
Taññeva cakkhuviññāṇaṃ taṃ sotaviññāṇanti ?
Na hevaṃ vattabbe … pe ….
695. Sotaviññāṇassa anantarā ghānaviññāṇaṃ uppajjati … pe … ghānaviññāṇassa anantarā
V0.401 jivhāviññāṇaṃ uppajjati … pe … jivhāviññāṇassa anantarā kāyaviññāṇaṃ uppajjatīti ?Āmantā .
Yā jivhāviññāṇassa uppādāya āvaṭṭanā … pe … paṇidhi , sāva kāyaviññāṇassa uppādāya āvaṭṭanā … pe … paṇidhīti
T0.527 ?Na hevaṃ vattabbe … pe … jivhāviññāṇassa anantarā kāyaviññāṇaṃ uppajjati , na vattabbaṃ –
‘‘ yā jivhāviññāṇassa uppādāya āvaṭṭanā … pe … paṇidhi , sāva kāyaviññāṇassa uppādāya āvaṭṭanā … pe … paṇidhī ’’ ti ?
Āmantā .
Kāyaviññāṇaṃ anāvaṭṭentassa uppajjati … pe … appaṇidahantassa uppajjatīti ?
Na hevaṃ vattabbe … pe … nanu kāyaviññāṇaṃ āvaṭṭentassa uppajjati … pe … paṇidahantassa uppajjatīti ?
Āmantā .
Hañci kāyaviññāṇaṃ āvaṭṭentassa uppajjati … pe … paṇidahantassa uppajjati , no ca vata re vattabbe –
‘‘ jivhāviññāṇassa anantarā kāyaviññāṇaṃ uppajjatī ’’ ti .
696. Jivhāviññāṇassa
P0.497 anantarā kāyaviññāṇaṃ uppajjatīti ?Āmantā .
Jivhāviññāṇaṃ rasanimittaṃ manasikaroto uppajjatīti ?
Āmantā .
Kāyaviññāṇaṃ rasanimittaṃ manasikaroto uppajjatīti ?
Na hevaṃ vattabbe … pe ….
Jivhāviññāṇaṃ rasārammaṇaññeva na aññārammaṇanti ?
Āmantā .
Kāyaviññāṇaṃ rasārammaṇaññeva na aññārammaṇanti ?
Na hevaṃ vattabbe … pe ….
Jivhañca paṭicca rase ca uppajjati jivhāviññāṇanti ?
Āmantā .
Jivhañca paṭicca rase ca uppajjati kāyaviññāṇanti ?
Na hevaṃ vattabbe … pe ….
Jivhañca paṭicca rase ca uppajjati kāyaviññāṇanti ?
Āmantā .
‘‘ Jivhañca paṭicca rase ca uppajjati kāyaviññāṇan ’’ ti – attheva
T0.528 suttantoti ?Natthi .
‘‘ Jivhañca
M0.361 paṭicca rase ca uppajjati jivhāviññāṇan ’’ ti – attheva suttantoti ?Āmantā .
Hañci ‘‘ jivhañca paṭicca rase ca uppajjati jivhāviññāṇan ’’ ti – attheva suttantoti , no ca vata re vattabbe –
‘‘ jivhañca paṭicca rase ca uppajjati kāyaviññāṇan ’’ ti .
Jivhāviññāṇassa
V0.402 anantarā kāyaviññāṇaṃ uppajjatīti ?Āmantā .
Taññeva jivhāviññāṇaṃ taṃ kāyaviññāṇanti ?
Na hevaṃ vattabbe … pe ….
697. Na vattabbaṃ –
‘‘ pañcaviññāṇā aññamaññassa samanantarā uppajjantī ’’ ti ?
Āmantā .
Nanu atthi koci naccati gāyati vādeti , rūpañca passati , saddañca
P0.498 suṇāti , gandhañca ghāyati , rasañca sāyati , phoṭṭhabbañca phusatīti ?Āmantā .
Hañci atthi koci naccati gāyati vādeti , rūpañca passati , saddañca suṇāti , gandhañca ghāyati , rasañca sāyati , phoṭṭhabbañca phusati , tena vata re vattabbe –
‘‘ pañcaviññāṇā aññamaññassa samanantarā uppajjantī ’’ ti .
Anantarapaccayakathā niṭṭhitā .
14. Cuddasamavaggo
(139)4. Ariyarūpakathā
698. Ariyarūpaṃ mahābhūtānaṃ upādāyāti ?
Āmantā .
Ariyarūpaṃ kusalanti ?
Āmantā .
Mahābhūtā kusalāti ?
Na hevaṃ vattabbe
T0.529 … pe … mahābhūtā abyākatāti ?Āmantā .
Ariyarūpaṃ abyākatanti ?
Na hevaṃ vattabbe … pe … ariyarūpaṃ mahābhūtānaṃ upādāyāti ?
Āmantā .
Ariyarūpaṃ anāsavaṃ asaṃyojaniyaṃ aganthaniyaṃ anoghaniyaṃ ayoganiyaṃ anīvaraṇiyaṃ aparāmaṭṭhaṃ anupādāniyaṃ asaṃkilesiyanti ?
Āmantā .
Mahābhūtā anāsavā … pe … asaṃkilesiyāti ?
Na hevaṃ vattabbe … pe … mahābhūtā sāsavā saṃyojaniyā … pe … saṃkilesiyāti ?
Āmantā .
Ariyarūpaṃ sāsavaṃ saṃyojaniyaṃ … pe … saṃkilesiyanti ?
Na hevaṃ vattabbe … pe ….
699. Na vattabbaṃ –
‘‘ ariyarūpaṃ mahābhūtānaṃ upādāyā ’’ ti ?
Āmantā .
Nanu
P0.499 vuttaṃ bhagavatā –‘‘ yaṃ kiñci , bhikkhave , rūpaṃ cattāri mahābhūtāni catunnañca mahābhūtānaṃ
M0.362 upādāyarūpan ’’ tiV0.403 [ ma . ni .1.347; a . ni .11.15]!Attheva suttantoti ?
Āmantā .
Tena hi ariyarūpaṃ mahābhūtānaṃ upādāyāti .
Ariyarūpakathā niṭṭhitā .
14. Cuddasamavaggo
(140)5. Añño anusayotikathā
700. Añño kāmarāgānusayo aññaṃ kāmarāgapariyuṭṭhānanti ?
Āmantā .
Añño kāmarāgo aññaṃ kāmarāgapariyuṭṭhānanti
T0.530 ?Na hevaṃ vattabbe … pe … sveva kāmarāgo taṃ kāmarāgapariyuṭṭhānanti ?
Āmantā .
Sveva kāmarāgānusayo taṃ kāmarāgapariyuṭṭhānanti ?
Na hevaṃ vattabbe … pe ….
Añño paṭighānusayo aññaṃ paṭighapariyuṭṭhānanti ?
Āmantā .
Aññaṃ paṭighaṃ aññaṃ paṭighapariyuṭṭhānanti ?
Na hevaṃ vattabbe … pe … taññeva paṭighaṃ taṃ paṭighapariyuṭṭhānanti ?
Āmantā .
Sveva paṭighānusayo taṃ paṭighapariyuṭṭhānanti ?
Na hevaṃ vattabbe … pe ….
Añño mānānusayo aññaṃ mānapariyuṭṭhānanti ?
Āmantā .
Añño māno aññaṃ mānapariyuṭṭhānanti ?
Na hevaṃ vattabbe … pe … sveva māno taṃ mānapariyuṭṭhānanti ?
Āmantā .
Sveva mānānusayo taṃ mānapariyuṭṭhānanti ?
Na hevaṃ vattabbe … pe ….
Añño
P0.500 diṭṭhānusayo aññaṃ diṭṭhipariyuṭṭhānanti ?Āmantā .
Aññā diṭṭhi aññaṃ diṭṭhipariyuṭṭhānanti ?
Na hevaṃ vattabbe … pe … sāva diṭṭhi taṃ diṭṭhipariyuṭṭhānanti ?
Āmantā .
Sveva diṭṭhānusayo taṃ diṭṭhipariyuṭṭhānanti ?
Na hevaṃ vattabbe … pe ….
Añño vicikicchānusayo aññaṃ vicikicchāpariyuṭṭhānanti ?
Āmantā .
Aññā vicikicchā
V0.404 aññaṃ vicikicchāpariyuṭṭhānanti ?Na hevaṃ vattabbe … pe … sāva vicikicchā taṃ vicikicchāpariyuṭṭhānanti ?
Āmantā .
Sveva vicikicchānusayo taṃ vicikicchāpariyuṭṭhānanti ?
Na hevaṃ vattabbe … pe ….
Añño
M0.363T0.531 bhavarāgānusayo aññaṃ bhavarāgapariyuṭṭhānanti ?Āmantā .
Añño bhavarāgo aññaṃ bhavarāgapariyuṭṭhānanti ?
Na hevaṃ vattabbe … pe … sveva bhavarāgo taṃ bhavarāgapariyuṭṭhānanti ?
Āmantā .
Sveva bhavarāgānusayo taṃ bhavarāgapariyuṭṭhānanti ?
Na hevaṃ vattabbe … pe ….
Añño avijjānusayo aññaṃ avijjāpariyuṭṭhānanti ?
Āmantā .
Aññā avijjā aññaṃ avijjāpariyuṭṭhānanti ?
Na hevaṃ vattabbe … pe … sāva avijjā taṃ avijjāpariyuṭṭhānanti ?
Āmantā .
Sveva avijjānusayo taṃ avijjāpariyuṭṭhānanti ?
Na hevaṃ vattabbe … pe ….
701. Na vattabbaṃ –
‘‘ añño anusayo aññaṃ pariyuṭṭhānan ’’ ti ?
Āmantā
P0.501 .Puthujjano kusalābyākate citte vattamāne ‘‘ sānusayo ’’ ti vattabboti ?
Āmantā .
‘‘ Pariyuṭṭhito ’’ ti vattabboti ?
Na hevaṃ vattabbe .
Tena hi añño anusayo aññaṃ pariyuṭṭhānanti .
Puthujjano kusalābyākate citte vattamāne ‘‘ sarāgo ’’ ti vattabboti ?
Āmantā .
‘‘ Pariyuṭṭhito ’’ ti vattabboti ?
Na hevaṃ vattabbe .
Tena hi añño rāgo aññaṃ pariyuṭṭhānanti .
Añño anusayotikathā niṭṭhitā .
14. Cuddasamavaggo
(141)6. Pariyuṭṭhānaṃ cittavippayuttantikathā
702. Pariyuṭṭhānaṃ
T0.532 cittavippayuttanti ?Āmantā .
Rūpaṃ nibbānaṃ cakkhāyatanaṃ … pe … phoṭṭhabbāyatananti ?
Na hevaṃ vattabbe … pe … pariyuṭṭhānaṃ cittavippayuttanti ?
Āmantā .
Natthi sarāgaṃ cittaṃ sadosaṃ cittaṃ samohaṃ
V0.405 cittaṃ … pe … akusalaṃ cittaṃ saṃkiliṭṭhaṃ cittanti ?Na hevaṃ vattabbe … pe … nanu atthi sarāgaṃ cittaṃ sadosaṃ cittaṃ samohaṃ cittaṃ … pe … akusalaṃ cittaṃ saṃkiliṭṭhaṃ cittanti ?
Āmantā .
Hañci atthi sarāgaṃ cittaṃ sadosaṃ cittaṃ samohaṃ cittaṃ … pe … akusalaṃ cittaṃ saṃkiliṭṭhaṃ cittaṃ , no ca vata re vattabbe –
‘‘ pariyuṭṭhānaṃ cittavippayuttan ’’ ti .
Pariyuṭṭhānaṃ cittavippayuttantikathā niṭṭhitā .
14. Cuddasamavaggo
(142)7. Pariyāpannakathā
703. Rūparāgo
M0.364P0.502 rūpadhātuṃ anuseti , rūpadhātupariyāpannoti ?Āmantā .
Samāpattesiyo upapattesiyo diṭṭhadhammasukhavihāro , samāpattesiyena cittena upapattesiyena cittena diṭṭhadhammasukhavihārena cittena sahagato sahajāto saṃsaṭṭho sampayutto ekuppādo ekanirodho ekavatthuko ekārammaṇoti ?
Na hevaṃ vattabbe … pe … nanu
T0.533 na samāpattesiyo na upapattesiyo na diṭṭhadhammasukhavihāro , na samāpattesiyena cittena na upapattesiyena cittena na diṭṭhadhammasukhavihārena cittena sahagato sahajāto saṃsaṭṭho sampayutto ekuppādo ekanirodho ekavatthuko ekārammaṇoti ?Āmantā .
Hañci na samāpattesiyo na upapattesiyo na diṭṭhadhammasukhavihāro … pe … ekārammaṇo , no ca vata re vattabbe –
‘‘ rūparāgo rūpadhātuṃ anuseti , rūpadhātupariyāpanno ’’ ti … pe ….
Rūparāgo rūpadhātuṃ anuseti , rūpadhātupariyāpannoti ?
Āmantā .
Saddarāgo saddadhātuṃ anuseti , saddadhātupariyāpannoti ?
Na hevaṃ vattabbe … pe … rūparāgo rūpadhātuṃ anuseti , rūpadhātupariyāpannoti ?
Āmantā .
Gandharāgo … pe … rasarāgo … pe … phoṭṭhabbarāgo phoṭṭhabbadhātuṃ anuseti , phoṭṭhabbadhātupariyāpannoti ?
Na hevaṃ vattabbe … pe ….
Saddarāgo
V0.406 saddadhātuṃ anuseti , na vattabbaṃ –‘‘ saddadhātupariyāpanno ’’ ti ?
Āmantā .
Rūparāgo rūpadhātuṃ anuseti , na vattabbaṃ –
‘‘ rūpadhātupariyāpanno ’’ ti ?
Na hevaṃ vattabbe … pe … gandharāgo … pe … rasarāgo … pe … phoṭṭhabbarāgo
P0.503 phoṭṭhabbadhātuṃ anuseti , na vattabbaṃ –‘‘ phoṭṭhabbadhātupariyāpanno ’’ ti ?
Āmantā .
Rūparāgo rūpadhātuṃ anuseti , na vattabbaṃ –
‘‘ rūpadhātupariyāpanno ’’ ti ?
Na hevaṃ vattabbe … pe ….
704. Arūparāgo arūpadhātuṃ anuseti , arūpadhātupariyāpannoti ?
Āmantā
T0.534 .Samāpattesiyo upapattesiyo diṭṭhadhammasukhavihāro , samāpattesiyena cittena upapattesiyena cittena diṭṭhadhammasukhavihārena cittena sahagato sahajāto saṃsaṭṭho sampayutto ekuppādo ekanirodho ekavatthuko
M0.365 ekārammaṇoti ?Na hevaṃ vattabbe … pe ….
Nanu na samāpattesiyo na upapattesiyo na diṭṭhadhammasukhavihāro , na samāpattesiyena cittena … pe … ekārammaṇoti ?
Āmantā .
Hañci na samāpattesiyo na upapattesiyo … pe … ekārammaṇo , no ca vata re vattabbe –
‘‘ arūparāgo arūpadhātuṃ anuseti , arūpadhātupariyāpanno ’’ ti .
Arūparāgo arūpadhātuṃ anuseti , arūpadhātupariyāpannoti ?
Āmantā .
Saddarāgo saddadhātuṃ anuseti , saddadhātupariyāpannoti ?
Na hevaṃ vattabbe … pe … arūparāgo arūpadhātuṃ anuseti , arūpadhātupariyāpannoti ?
Āmantā .
Gandharāgo … pe … rasarāgo … pe … phoṭṭhabbarāgo phoṭṭhabbadhātuṃ anuseti , phoṭṭhabbadhātupariyāpannoti ?
Na hevaṃ vattabbe … pe ….
Saddarāgo saddadhātuṃ anuseti , na vattabbaṃ –
‘‘ saddadhātupariyāpanno ’’ ti ?
Āmantā
P0.504 .Arūparāgo arūpadhātuṃ anuseti , na vattabbaṃ –
‘‘ arūpadhātupariyāpanno ’’ ti , na hevaṃ vattabbe … pe … gandharāgo … pe … rasarāgo … pe … phoṭṭhabbarāgo phoṭṭhabbadhātuṃ anuseti , na vattabbaṃ –
‘‘ phoṭṭhabbadhātupariyāpanno ’’ ti ?
Āmantā .
Arūparāgo
T0.535 arūpadhātuṃ anuseti , na vattabbaṃ –‘‘ arūpadhātupariyāpanno ’’ ti ?
Na hevaṃ vattabbe … pe ….
705. Na vattabbaṃ –
‘‘ rūparāgo rūpadhātuṃ anuseti rūpadhātupariyāpanno , arūparāgo arūpadhātuṃ anuseti arūpadhātupariyāpanno ’’ ti ?
Āmantā .
Nanu kāmarāgo kāmadhātuṃ anuseti , kāmadhātupariyāpannoti ?
Āmantā .
Hañci kāmarāgo kāmadhātuṃ anuseti kāmadhātupariyāpanno
V0.407 , tena vata re vattabbe –‘‘ rūparāgo rūpadhātuṃ anuseti rūpadhātupariyāpanno , arūparāgo arūpadhātuṃ anuseti arūpadhātupariyāpanno ’’ ti .
Pariyāpannakathā niṭṭhitā .
14. Cuddasamavaggo
(143)8. Abyākatakathā
706. Diṭṭhigataṃ abyākatanti ?
Āmantā .
Vipākābyākataṃ kiriyābyākataṃ rūpaṃ nibbānaṃ cakkhāyatanaṃ … pe … phoṭṭhabbāyatananti ?
Na hevaṃ vattabbe … pe … diṭṭhigataṃ
M0.366 abyākatanti ?Āmantā .
Diṭṭhigatasampayutto phasso abyākatoti ?
Na hevaṃ vattabbe … pe … diṭṭhigataṃ abyākatanti ?
Āmantā .
Diṭṭhigatasampayuttā
P0.505 vedanā … pe … saññā … pe … cetanā … pe … cittaṃ abyākatanti ?Na hevaṃ vattabbe … pe ….
Diṭṭhigatasampayutto
T0.536 phasso akusaloti ?Āmantā .
Diṭṭhigataṃ akusalanti ?
Na hevaṃ vattabbe … pe … diṭṭhigatasampayuttā vedanā saññā cetanā cittaṃ akusalanti ?
Āmantā .
Diṭṭhigataṃ akusalanti ?
Na hevaṃ vattabbe … pe ….
707. Diṭṭhigataṃ abyākatanti ?
Āmantā .
Aphalaṃ avipākanti ?
Na hevaṃ vattabbe … pe … nanu saphalaṃ savipākanti ?
Āmantā .
Hañci saphalaṃ savipākaṃ , no ca vata re vattabbe –
‘‘ diṭṭhigataṃ abyākatan ’’ ti .
Diṭṭhigataṃ abyākatanti ?
Āmantā .
Nanu micchādiṭṭhiparamāni vajjāni [ aṅguttaranikāye ] vuttāni bhagavatāti ?
Āmantā .
Hañci micchādiṭṭhiparamāni vajjāni vuttāni bhagavatā , no ca vata re vattabbe –
‘‘ diṭṭhigataṃ abyākatan ’’ ti .
Diṭṭhigataṃ
V0.408 abyākatanti ?Āmantā .
Nanu vuttaṃ bhagavatā –
‘‘ micchādiṭṭhi kho , vaccha , akusalā [ akusalaṃ ( ma . ni .2.194)], sammādiṭṭhi kusalā ’’[ kusalaṃ ( ma . ni .2.104)]ti [ ma . ni .2.194]!
Attheva suttantoti ?
Āmantā .
Tena hi na vattabbaṃ –
‘‘ diṭṭhigataṃ abyākatan ’’ ti .
Diṭṭhigataṃ abyākatanti ?
Āmantā .
Nanu
P0.506 vuttaṃ bhagavatā –‘‘ micchādiṭṭhissa kho ahaṃ , puṇṇa , dvinnaṃ gatīnaṃ aññataraṃ gatiṃ vadāmi – nirayaṃ vā tiracchānayoniṃ vā ’’ ti [ ma . ni .2.79]!
Attheva suttantoti ?
Āmantā .
Tena hi na vattabbaṃ –
‘‘ diṭṭhigataṃ abyākatan ’’ ti .
708. Na
T0.537 vattabbaṃ –‘‘ diṭṭhigataṃ abyākatan ’’ ti ?
Āmantā .
Nanu vuttaṃ bhagavatā –
‘‘‘ sassato loko ’ ti kho , vaccha , abyākatametaṃ ,‘ asassato loko ’ ti kho , vaccha , abyākatametaṃ ,‘ antavā loko ’ ti kho , vaccha , abyākatametaṃ ,‘ anantavā loko ’ ti kho , vaccha … pe …‘ taṃ jīvaṃ taṃ sarīran ’ ti kho , vaccha … pe …‘ aññaṃ jīvaṃ aññaṃ sarīran ’ ti kho
M0.367 , vaccha … pe …‘ hoti tathāgato paraṃ maraṇā ’ ti kho , vaccha … pe …‘ na hoti tathāgato paraṃ maraṇā ’ ti kho , vaccha … pe …‘ hoti ca na ca hoti tathāgato paraṃ maraṇā ’ ti kho , vaccha … pe …‘ neva hoti na na hoti tathāgato paraṃ maraṇā ’ ti kho , vaccha , abyākatametan ’’ ti [ saṃ . ni .4.416, thokaṃ pana visadisaṃ ]!Attheva suttantoti ?
Āmantā .
Tena hi diṭṭhigataṃ abyākatanti .
Diṭṭhigataṃ abyākatanti ?
Āmantā .
Nanu vuttaṃ bhagavatā –
‘‘ micchādiṭṭhikassa , bhikkhave , purisapuggalassa yañceva kāyakammaṃ yathādiṭṭhisamattaṃ samādinnaṃ , yañca vacīkammaṃ … pe … yañca manokammaṃ , yā ca cetanā , yā ca patthanā , yo ca paṇidhi , ye ca saṅkhārā , sabbe te dhammā aniṭṭhāya akantāya amanāpāya ahitāya dukkhāya saṃvattantī ’’ ti [ a . ni .1.306]!
Attheva suttantoti ?
Āmantā .
Tena hi na vattabbaṃ –
‘‘ diṭṭhigataṃ abyākatan ’’ ti .
Abyākatakathā niṭṭhitā .
14. Cuddasamavaggo
(144)9. Apariyāpannakathā
709. Diṭṭhigataṃ
P0.507V0.409T0.538 apariyāpannanti ?Āmantā .
Maggo phalaṃ nibbānaṃ , sotāpattimaggo sotāpattiphalaṃ , sakadāgāmimaggo sakadāgāmiphalaṃ , anāgāmimaggo anāgāmiphalaṃ , arahattamaggo arahattaphalaṃ , satipaṭṭhānaṃ sammappadhānaṃ iddhipādo indriyaṃ balaṃ bojjhaṅgoti ?
Na hevaṃ vattabbe … pe ….
710. Na vattabbaṃ –
‘‘ diṭṭhigataṃ apariyāpannan ’’ ti ?
Āmantā .
Puthujjano ‘‘ kāmesu vītarāgo ’’ ti vattabboti ?
Āmantā .
‘‘ Vigatadiṭṭhiyo ’’ ti vattabboti ?
Na hevaṃ vattabbe .
Tena hi diṭṭhigataṃ apariyāpannanti .
Apariyāpannakathā niṭṭhitā .
Cuddasamavaggo .
Tassuddānaṃ –
Akusalamūlaṃ
M0.368 paṭisandahati kusalamūlaṃ , kusalamūlaṃ paṭisandahati akusalamūlaṃ , saḷāyatanaṃ chaviññāṇakāyā , ariyarūpaṃ mahābhūtānaṃ upādāya , sveva anusayo taṃ pariyuṭṭhānaṃ , pariyuṭṭhānaṃ cittavippayuttaṃ , yathādhātu taññeva anuseti , diṭṭhigataṃ abyākataṃ , diṭṭhigataṃ apariyāpannanti .