Issues
Select Version
Kathāvatthupāḷi
Kathāvatthupāḷi

(130)5. Nivutakathā

Author: _System_Pali_VRI_ @ Administrator

(130)5. Nivutakathā

665. NivutoM0.349V0.388 nīvaraṇaṃ jahatīti ?
Āmantā .
Ratto rāgaṃ jahati , duṭṭho dosaṃ jahati , mūḷho mohaṃ jahati , kiliṭṭho kilese jahatīti ?
NaP0.481 hevaṃ vattabbe … pe … rāgena rāgaṃ jahati , dosena dosaṃ jahati , mohena mohaṃ jahati , kilesehi kilese jahatītiT0.511 ?
Na hevaṃ vattabbe … pe ….
Rāgo cittasampayutto , maggo cittasampayuttoti ?
Āmantā .
Dvinnaṃ phassānaṃ … pe … dvinnaṃ cittānaṃ samodhānaṃ hotīti ?
Na hevaṃ vattabbe … pe … rāgo akusalo , maggo kusaloti ?
Āmantā .
Kusalākusalā sāvajjānavajjā hīnapaṇītā kaṇhasukkasappaṭibhāgā dhammā sammukhībhāvaṃ āgacchantīti ?
Na hevaṃ vattabbe … pe ….
666. Kusalākusalā sāvajjānavajjā hīnapaṇītā kaṇhasukkasappaṭibhāgā dhammā sammukhībhāvaṃ āgacchantīti ?
Āmantā .
Nanu vuttaṃ bhagavatā –
‘‘ cattārimāni , bhikkhave , suvidūravidūrāni !
Katamāni cattāri ?
Nabhañca , bhikkhave , pathavī ca – idaṃ paṭhamaṃ suvidūravidūraṃ … pe … tasmā sataṃ dhammo asabbhi ārakā ’’ ti .
Attheva suttantoti ?
Āmantā .
Tena hi na vattabbaṃ –
‘‘ kusalākusalā … pe … sammukhībhāvaṃ āgacchantī ’’ ti .
Nivuto nīvaraṇaṃ jahatīti ?
Āmantā .
Nanu vuttaṃ bhagavatā –
‘‘ so evaṃ samāhite citte parisuddhe pariyodāte anaṅgaṇe vigatūpakkilese mudubhūte kammaniye ṭhite āneñjappatte āsavānaṃ khayañāṇāya cittaṃ abhininnāmetī ’’ ti !
Attheva suttantoti ?
Āmantā .
Tena hi na vattabbaṃ –
‘‘ nivuto nīvaraṇaṃ jahatī ’’ ti … pe ….
667. Na vattabbaṃ –
‘‘ nivuto nīvaraṇaṃ jahatī ’’ ti ?
Āmantā .
Nanu vuttaṃ bhagavatā –
‘‘ tassa evaṃ jānato evaṃ passatoP0.482 kāmāsavāpi cittaṃ vimuccati … pe … avijjāsavāpiV0.389 cittaṃ vimuccatī ’’ ti !
Attheva suttantotiT0.512 ?
Āmantā .
Tena hi nivuto nīvaraṇaṃ jahatīti .
Nivutakathā niṭṭhitā .
13. Terasamavaggo