(90)7. Vitakkānupatitakathā
562. Sabbaṃ cittaṃ vitakkānupatitanti ?
Āmantā .
Sabbaṃ cittaṃ vicārānupatitaṃ pītānupatitaṃ sukhānupatitaṃ dukkhānupatitaṃ somanassānupatitaṃ domanassānupatitaṃ
P0.413 upekkhānupatitaṃV0.337 saddhānupatitaṃ vīriyānupatitaṃ satānupatitaṃ samādhānupatitaṃ paññānupatitaṃ rāgānupatitaṃ dosānupatitaṃ … pe … anottappānupatitanti ?Na hevaṃ vattabbe … pe ….
Sabbaṃ cittaṃ vitakkānupatitanti ?
Āmantā .
Nanu atthi avitakko vicāramatto samādhīti ?
Āmantā .
Hañci atthi avitakko vicāramatto samādhi , no ca vata re vattabbe –
‘‘ sabbaṃ cittaṃ vitakkānupatitan ’’ ti
T0.443 .Sabbaṃ cittaṃ vitakkānupatitanti ?
Āmantā .
Nanu atthi avitakko avicāro samādhīti ?
Āmantā .
Hañci atthi avitakko avicāro samādhi , no ca vata re vattabbe –
‘‘ sabbaṃ cittaṃ vitakkānupatitan ’’ ti .
Sabbaṃ cittaṃ vitakkānupatitanti ?
Āmantā .
Nanu tayo samādhī vuttā bhagavatā – savitakko savicāro samādhi , avitakko vicāramatto samādhi , avitakko avicāro samādhīti [ dī . ni .3.305,353]?
Āmantā .
Hañci tayo samādhī vuttā bhagavatā – savitakko savicāro samādhi , avitakko vicāramatto samādhi , avitakko avicāro samādhi , no ca vata re vattabbe –
‘‘ sabbaṃ cittaṃ vitakkānupatitan ’’ ti .
Vitakkānupatitakathā niṭṭhitā .
9. Navamavaggo