Issues
Select Version
Kathāvatthupāḷi
Kathāvatthupāḷi

(225)8. Patirūpakathā

Author: _System_Pali_VRI_ @ Administrator

(225)8. Patirūpakathā

915. Atthi na rāgo rāgapatirūpakoti ?
Āmantā .
Atthi na phasso phassapatirūpako , atthi na vedanā vedanāpatirūpikā , atthi na saññā saññāpatirūpikāM0.453 , atthi na cetanā cetanāpatirūpikā , atthi na cittaṃ cittapatirūpakaṃ , atthi na saddhā saddhāpatirūpikā , atthi na vīriyaṃ vīriyapatirūpakaṃ , atthi na sati satipatirūpikā , atthi na samādhi samādhipatirūpakoT0.660 , atthi na paññā paññāpatirūpikāti ?
Na hevaṃ vattabbe … pe ….
916. Atthi na doso dosapatirūpako , atthi na moho mohapatirūpako , atthi na kilesoV0.505 kilesapatirūpakoti ?
Āmantā .
AtthiP0.626 na phasso phassapatirūpako … pe … atthi na paññā paññāpatirūpikāti ?
Na hevaṃ vattabbe … pe ….
Patirūpakathā niṭṭhitā .
23. Tevīsatimavaggo