(23)3. Vimuttikathā
363. Sarāgaṃ
T0.261V0.200 cittaṃ vimuccatīti ?Āmantā .
Rāgasahagataṃ rāgasahajātaṃ rāgasaṃsaṭṭhaṃ rāgasampayuttaṃ rāgasahabhu rāgānuparivatti akusalaṃ lokiyaṃ sāsavaṃ saṃyojaniyaṃ ganthaniyaṃ oghaniyaṃ yoganiyaṃ nīvaraṇiyaṃ parāmaṭṭhaṃ upādāniyaṃ saṃkilesiyaṃ cittaṃ vimuccatīti ?
Na hevaṃ vattabbe … pe ….
Saphassaṃ cittaṃ vimuccati , phasso ca cittañca ubho vimuccantīti ?
Āmantā .
Sarāgaṃ
P0.239 cittaṃ vimuccati , rāgo ca cittañca ubho vimuccantīti ?Na hevaṃ vattabbe … pe ….
Savedanaṃ … pe … sasaññaṃ … pe … sacetanaṃ … pe … sapaññaṃ [ sasaññaṃ ( sī . ka .)] cittaṃ vimuccati , paññā ca cittañca ubho vimuccantīti ?
Āmantā .
Sarāgaṃ cittaṃ vimuccati , rāgo ca cittañca ubho vimuccantīti ?
Na hevaṃ vattabbe … pe ….
Saphassaṃ
M0.182 sarāgaṃ cittaṃ vimuccati , phasso ca cittañca ubho vimuccantīti ?Āmantā .
Rāgo ca cittañca ubho vimuccantīti ?
Na hevaṃ vattabbe … pe ….
Savedanaṃ sarāgaṃ … pe … sasaññaṃ sarāgaṃ … pe … sacetanaṃ sarāgaṃ … pe … sapaññaṃ sarāgaṃ cittaṃ vimuccati , paññā ca cittañca ubho vimuccantīti ?
Āmantā .
Rāgo ca cittañca ubho vimuccantīti ?
Na hevaṃ vattabbe … pe ….
364. Sadosaṃ
T0.262 cittaṃ vimuccatīti ?Āmantā .
Dosasahagataṃ dosasahajātaṃ dosasaṃsaṭṭhaṃ dosasampayuttaṃ dosasahabhu dosānuparivatti akusalaṃ lokiyaṃ sāsavaṃ … pe … saṃkilesiyaṃ cittaṃ vimuccatīti ?
Na hevaṃ vattabbe … pe ….
Saphassaṃ
V0.201 cittaṃ vimuccati , phasso ca cittañca ubho vimuccantīti ?Āmantā .
Sadosaṃ cittaṃ vimuccati , doso ca cittañca ubho vimuccantīti ?
Na hevaṃ vattabbe … pe ….
Savedanaṃ … pe … sasaññaṃ … pe … sacetanaṃ … pe … sapaññaṃ cittaṃ vimuccati , paññā ca cittañca ubho vimuccantīti ?
Āmantā
P0.240 .Sadosaṃ cittaṃ vimuccati , doso ca cittañca ubho vimuccantīti ?
Na hevaṃ vattabbe … pe ….
Saphassaṃ sadosaṃ cittaṃ vimuccati , phasso ca cittañca ubho vimuccantīti ?
Āmantā .
Sadosaṃ cittaṃ vimuccati , doso ca cittañca ubho vimuccantīti ?
Na hevaṃ vattabbe … pe ….
Savedanaṃ sadosaṃ … sasaññaṃ sadosaṃ … sacetanaṃ sadosaṃ … sapaññaṃ sadosaṃ cittaṃ vimuccati , paññā ca cittañca ubho vimuccantīti ?
Āmantā .
Doso ca cittañca ubho vimuccantīti ?
Na hevaṃ vattabbe … pe ….
365. Samohaṃ cittaṃ vimuccatīti ?
Āmantā .
Mohasahagataṃ mohasahajātaṃ mohasaṃsaṭṭhaṃ mohasampayuttaṃ mohasahabhu mohānuparivatti akusalaṃ
T0.263 lokiyaṃ sāsavaṃ … pe … saṃkilesiyaṃ cittaṃ vimuccatīti ?Na hevaṃ vattabbe … pe ….
Saphassaṃ cittaṃ vimuccati , phasso ca cittañca ubho vimuccantīti ?
Āmantā .
Samohaṃ cittaṃ vimuccati , moho ca cittañca ubho vimuccantīti ?
Na hevaṃ vattabbe … pe ….
Savedanaṃ
M0.183 … sasaññaṃ … sacetanaṃ … sapaññaṃ cittaṃ vimuccati , paññā ca cittañca ubho vimuccantīti ?Āmantā .
Samohaṃ cittaṃ vimuccati , moho ca cittañca ubho vimuccantīti ?
Na hevaṃ vattabbe … pe ….
Saphassaṃ
V0.202 samohaṃ cittaṃ vimuccati , phasso ca cittañca ubho vimuccantīti ?Āmantā
P0.241 .Moho ca cittañca ubho vimuccantīti ?
Na hevaṃ vattabbe … pe ….
Savedanaṃ samohaṃ … sasaññaṃ samohaṃ … sacetanaṃ samohaṃ … pe … sapaññaṃ samohaṃ cittaṃ vimuccati , paññā ca cittañca ubho vimuccantīti ?
Āmantā .
Moho ca cittañca ubho vimuccantīti ?
Na hevaṃ vattabbe … pe ….
Sarāgaṃ sadosaṃ samohaṃ cittaṃ vimuccatīti ?
Āmantā .
Vītarāgaṃ vītadosaṃ vītamohaṃ nikkilesaṃ cittaṃ vimuccatīti ?
Na hevaṃ vattabbe … pe … tena hi na vattabbaṃ –
‘‘ sarāgaṃ sadosaṃ samohaṃ cittaṃ vimuccatī ’’ ti .
Vimuttikathā niṭṭhitā .
3. Tatiyavaggo