Issues
Select Version
Kathāvatthupāḷi
Kathāvatthupāḷi

(33)1. Gihissa arahātikathā

Author: _System_Pali_VRI_ @ Administrator

(33)1. Gihissa arahātikathā

387. GihissaM0.202P0.267 arahāti ?
Āmantā .
Atthi arahato gihisaṃyojananti ?
Na hevaṃ vattabbe … pe … natthi arahato gihisaṃyojananti ?
Āmantā .
Hañci natthi arahato gihisaṃyojanaṃ , no ca vata re vattabbe –
‘‘ gihissa arahā ’’ ti .
Gihissa arahāti ?
Āmantā .
Nanu arahato gihisaṃyojanaṃ pahīnaṃ ucchinnamūlaṃ tālāvatthukataṃ anabhāvaṅkataṃ āyatiṃ anuppādadhammanti ?
Āmantā .
Hañci arahato gihisaṃyojanaṃ pahīnaṃ ucchinnamūlaṃ tālāvatthukataṃ anabhāvaṅkataṃ āyatiṃ anuppādadhammaṃ , no ca vata re vattabbe –
‘‘ gihissa arahā ’’ ti .
Gihissa arahāti ?
Āmantā .
Atthi koci gihī gihisaṃyojanaṃT0.292 appahāya diṭṭheva dhammeV0.225 dukkhassantakaroti [ ma . ni .2.186]?
Natthi .
Hañci natthi koci gihī gihisaṃyojanaṃ appahāya diṭṭheva dhamme dukkhassantakaro , no ca vata re vattabbe –
‘‘ gihissa arahā ’’ ti .
Gihissa arahāti ?
Āmantā .
Nanu vacchagotto paribbājako bhagavantaṃ etadavoca –
‘‘ atthi nu kho , bho gotama , koci gihī gihisaṃyojanaṃ appahāya kāyassa bhedā dukkhassantakaro ’’ ti ?
‘‘ Natthi kho , vaccha , koci gihī gihisaṃyojanaṃ appahāya kāyassa bhedā dukkhassantakaro ’’ ti .
Attheva suttantoti ?
ĀmantāP0.268 .
Tena hi na vattabbaṃ –
‘‘ gihissa arahā ’’ ti .
Gihissa arahāti ?
Āmantā .
Arahā methunaṃ dhammaṃ paṭiseveyya , methunaṃ uppādeyya , puttasambādhasayanaṃ ajjhāvaseyya , kāsikacandanaṃ paccanubhaveyya , mālāgandhavilepanaṃ dhāreyya , jātarūparajataṃ sādiyeyya , ajeḷakaṃ paṭiggaṇheyya , kukkuṭasūkaraṃ paṭiggaṇheyya , hatthigavassavaḷavaṃ paṭiggaṇheyya , tittiravaṭṭakamorakapiñjaraṃ [… kapiñjalaṃ ( syā . kaṃ . pī .)] paṭiggaṇheyya , cittavaṇḍavālamoḷiṃ [ pītavaṇṭavālamoḷikaṃ ( syā . kaṃ . pī .)] dhāreyya , odātāni vatthāni dīghadasāni dhāreyya , yāvajīvaṃ agāriyabhūto assāti ?
Na hevaṃ vattabbe … pe ….
NaM0.203 vattabbaṃ –
‘‘ gihissa arahā ’’ ti ?
Āmantā .
Nanu yaso kulaputto , uttiyo gahapati , setu māṇavo , gihibyañjanena arahattaṃ pattoti ?
Āmantā .
Hañci yaso kulaputto , uttiyo gahapati , setu māṇavo , gihibyañjanena arahattaṃT0.293 patto , tena vata re vattabbe –
‘‘ gihissa arahā ’’ ti .
Gihissa arahātikathā niṭṭhitā .
4. Catutthavaggo