Issues
Select Version
Kathāvatthupāḷi
Kathāvatthupāḷi

1. Puggalakathā

Author: _System_Pali_VRI_ @ Administrator

1. Puggalakathā

1. Suddhasaccikaṭṭho

1. Anulomapaccanīkaṃ

1.[ iminā lakkhaṇena sakavādīpucchā dassitā ] PuggaloM0.1P0.1V0.1T0.1 upalabbhati saccikaṭṭhaparamatthenāti [ saccikaṭṭhaparamaṭṭhenāti ( syā . pī . ka . sī .)]?
Āmantā .
Yo saccikaṭṭho paramattho , tato so puggalo upalabbhati saccikaṭṭhaparamatthenāti ?
Na hevaṃ vattabbe .
ĀjānāhiV0.2 niggahaṃ .
Hañci puggalo upalabbhati saccikaṭṭhaparamatthena , tena vata re vattabbe –
‘‘ yo saccikaṭṭho paramattho , tato so puggalo upalabbhati saccikaṭṭhaparamatthenā ’’ ti .
Yaṃ tattha vadesi –
‘‘ vattabbe kho –
‘ puggalo upalabbhati saccikaṭṭhaparamatthena ,’ no ca vattabbe –
‘ yo saccikaṭṭho paramattho , tato so puggalo upalabbhati saccikaṭṭhaparamatthenā ’’’ ti micchā .
No ce pana vattabbe –
‘‘ yo saccikaṭṭho paramattho , tato so puggalo upalabbhati saccikaṭṭhaparamatthenā ’’ ti , no ca vata re [ no vata re ( syā . pī .)] vattabbe –
‘‘ puggaloM0.2 upalabbhati saccikaṭṭhaparamatthenā ’’ ti .
Yaṃ tattha vadesi –
‘‘ vattabbe kho –
‘ puggalo upalabbhati saccikaṭṭhaparamatthena ,’ no ca vattabbe –
‘ yo saccikaṭṭho paramattho , tato so puggalo upalabbhati saccikaṭṭhaparamatthenā ’’’ ti micchā .
Anulomapañcakaṃ .
2.[ iminā lakkhaṇena paravādīpucchā dassitā ] PuggaloT0.2 nupalabbhati saccikaṭṭhaparamatthenāti ?
Āmantā .
YoP0.2 saccikaṭṭho paramattho , tato so puggalo nupalabbhati saccikaṭṭhaparamatthenāti ?
Na hevaṃ vattabbe .
Ājānāhi paṭikammaṃ .
Hañci puggalo nupalabbhati saccikaṭṭhaparamatthena , tena vata re vattabbe –
‘‘ yo saccikaṭṭho paramattho , tato so puggalo nupalabbhati saccikaṭṭhaparamatthenā ’’ ti .
Yaṃ tattha vadesi –
‘‘ vattabbe kho –
‘ puggalo nupalabbhati saccikaṭṭhaparamatthena ,’ no ca vattabbe –
‘ yo saccikaṭṭho paramattho , tato so puggalo nupalabbhati saccikaṭṭhaparamatthenā ’’’ ti micchā .
No ce pana vattabbe –
‘‘ yo saccikaṭṭho paramattho , tato so puggalo nupalabbhati saccikaṭṭhaparamatthenā ’’ ti , no ca vata re vattabbe –
‘‘ puggalo nupalabbhati saccikaṭṭhaparamatthenā ’’ ti .
Yaṃ tattha vadesi –
‘‘ vattabbe kho –
‘ puggalo nupalabbhati saccikaṭṭhaparamatthena ,’ no ca vattabbe –
‘ yo saccikaṭṭho paramattho , tato so puggalo nupalabbhati saccikaṭṭhaparamatthenā ’’’ ti micchā .
Paṭikammacatukkaṃ .
3. Tvaṃ ce pana maññasi –
‘‘ vattabbe kho –
‘ puggalo nupalabbhati saccikaṭṭhaparamatthena ,’V0.3 no ca vattabbe –
‘ yo saccikaṭṭho paramattho , tato so puggalo nupalabbhati saccikaṭṭhaparamatthenā ’ ti , tena tava [ tvaṃ ( syā .) ṭīkā oloketabbā ] tattha hetāya paṭiññāya hevaṃ paṭijānantaṃ [ ṭīkā oloketabbā ] hevaṃ niggahetabbe .
Atha taṃ niggaṇhāma .
Suniggahito ca [ suniggahitova ( syā .)] hosi .
HañciM0.3 puggalo nupalabbhati saccikaṭṭhaparamatthenaT0.3 , tena vata re vattabbe –
‘‘ yo saccikaṭṭho paramattho , tato so puggalo nupalabbhati saccikaṭṭhaparamatthenā ’’ ti .
Yaṃ tattha vadesi –
‘‘ vattabbe kho –
‘ puggalo nupalabbhati saccikaṭṭhaparamatthena ,’ no ca vattabbe –
‘ yo saccikaṭṭho paramattho , tato so puggalo nupalabbhati saccikaṭṭhaparamatthenā ’’’ ti micchā .
NoP0.3 ce pana vattabbe –
‘‘ yo saccikaṭṭho paramattho , tato so puggalo nupalabbhati saccikaṭṭhaparamatthenā ’’ ti , no ca vata re vattabbe –
‘‘ puggalo nupalabbhati saccikaṭṭhaparamatthenā ’’ ti .
Yaṃ tattha vadesi –
‘‘ vattabbe kho –
‘ puggalo nupalabbhati saccikaṭṭhaparamatthena ,’ no ca vattabbe –
‘ yo saccikaṭṭho paramattho , tato so puggalo nupalabbhati saccikaṭṭhaparamatthenā ’’’ ti idaṃ te micchā .
Niggahacatukkaṃ .
4. Ese ce dunniggahite hevamevaṃ [ hevameva ( syā .)] tattha dakkha .
Vattabbe kho –
‘‘ puggalo upalabbhati saccikaṭṭhaparamatthena ,’’ no ca vattabbe –
‘‘ yo saccikaṭṭho paramattho , tato so puggalo upalabbhati saccikaṭṭhaparamatthenā ’’ ti .
No ca mayaṃ tayā tattha hetāya paṭiññāya hevaṃ paṭijānantā hevaṃ niggahetabbā .
Atha maṃ niggaṇhāsi .
Dunniggahitā ca [ dunniggahitāva ( syā .)] homa .
Hañci puggalo upalabbhati saccikaṭṭhaparamatthena , tena vata re vattabbe –
‘‘ yo saccikaṭṭho paramattho , tato so puggalo upalabbhati saccikaṭṭhaparamatthenā ’’ ti .
Yaṃ tattha vadesi –
‘‘ vattabbe kho –
‘ puggalo upalabbhati saccikaṭṭhaparamatthena ,’ no ca vattabbe –
‘ yo saccikaṭṭho paramattho , tato so puggalo upalabbhati saccikaṭṭhaparamatthenā ’’’ ti micchā .
No ce pana vattabbe –
‘‘ yo saccikaṭṭho paramatthoT0.4 , tato so puggalo upalabbhati saccikaṭṭhaparamatthenā ’’ ti , no ca vata re vattabbe –
‘‘ puggalo upalabbhati saccikaṭṭhaparamatthenā ’’ tiV0.4 .
Yaṃ tattha vadesi –
‘‘ vattabbe kho –
‘ puggalo upalabbhati saccikaṭṭhaparamatthena ,’ no ca vattabbe –
‘ yo saccikaṭṭhoM0.4 paramattho , tato so puggalo upalabbhati saccikaṭṭhaparamatthenā ’’’ ti idaṃ te micchā .
Upanayanacatukkaṃ .
5. NaP0.4 hevaṃ niggahetabbe .
Tena hi yaṃ niggaṇhāsi –
‘‘ hañci puggalo upalabbhati saccikaṭṭhaparamatthena , tena vata re vattabbe –
‘ yo saccikaṭṭho paramattho , tato so puggalo upalabbhati saccikaṭṭhaparamatthenā ’ ti .
Yaṃ tattha vadesi –
‘‘ vattabbe kho –
‘ puggalo upalabbhati saccikaṭṭhaparamatthena , no ca vattabbe – yo saccikaṭṭho paramattho , tato so puggalo upalabbhati saccikaṭṭhaparamatthenā ’’’ ti micchā .
No ce pana vattabbe –
‘‘ yo saccikaṭṭho paramattho , tato so puggalo upalabbhati saccikaṭṭhaparamatthenā ’’ ti , no ca vata re vattabbe –
‘‘ puggalo upalabbhati saccikaṭṭhaparamatthenā ’’ ti .
Yaṃ tattha vadesi –
‘‘ vattabbe kho –
‘ puggalo upalabbhati saccikaṭṭhaparamatthena ,’ no ca vattabbe –
‘ yo saccikaṭṭho paramattho , tato so puggalo upalabbhati saccikaṭṭhaparamatthenā ’’’ ti idaṃ te micchā .
Tena hi ye kate niggahe se niggaheT0.5 dukkaṭe .
Sukate paṭikamme .
Sukatā paṭipādanāti .
Niggamanacatukkaṃ .
Paṭhamo niggaho .