Issues
Select Version
Kathāvatthupāḷi
Kathāvatthupāḷi

(211)4. Dhammābhisamayakathā

Author: _System_Pali_VRI_ @ Administrator

(211)4. Dhammābhisamayakathā

897. AtthiP0.616 gabbhaseyyāya dhammābhisamayoti ?
Āmantā .
Atthi gabbhaseyyāya dhammadesanā , dhammassavanaṃ , dhammasākacchā , paripucchā , sīlasamādānaṃT0.649 , indriyesu guttadvāratā , bhojane mattaññutā , pubbarattāpararattaṃ jāgariyānuyogotiM0.445 ?
Na hevaṃ vattabbe … pe … natthi gabbhaseyyāya dhammadesanā , dhammassavanaṃ … pe … pubbarattāpararattaṃ jāgariyānuyogoti ?
Āmantā .
Hañci natthi gabbhaseyyāya dhammadesanā , dhammassavanaṃ … pe … pubbarattāpararattaṃ jāgariyānuyogo , no ca vata re vattabbe –
‘‘ atthi gabbhaseyyāya dhammābhisamayo ’’ ti .
Atthi gabbhaseyyāya dhammābhisamayoti ?
Āmantā .
Nanu dve paccayā sammādiṭṭhiyā uppādāya – parato ca ghoso , yoniso ca manasikāroti ?
Āmantā .
Hañci dve paccayā sammādiṭṭhiyā uppādāya – parato ca ghoso , yoniso ca manasikāro , no ca vata re vattabbe –
‘‘ atthi gabbhaseyyāya dhammābhisamayo ’’ ti .
Atthi gabbhaseyyāya dhammābhisamayoti ?
Āmantā .
Suttassa pamattassa muṭṭhassatissa asampajānassa dhammābhisamayoti ?
Na hevaṃ vattabbe … pe ….
Dhammābhisamayakathā niṭṭhitā .
22. Bāvīsatimavaggo