Issues
Select Version
Kathāvatthupāḷi
Kathāvatthupāḷi

(170)5. Ṭhapetvā ariyamaggantikathā

Author: _System_Pali_VRI_ @ Administrator

(170)5. Ṭhapetvā ariyamaggantikathā

789. ṬhapetvāM0.398V0.443 ariyamaggaṃ avasesā saṅkhārā dukkhāti ?
Āmantā .
Dukkhasamudayopi dukkhoti ?
Na hevaṃ vattabbe … pe … dukkhasamudayopi dukkhoti ?
Āmantā .
Tīṇeva ariyasaccānīti ?
Na hevaṃ vattabbe … pe … tīṇeva ariyasaccānīti ?
Āmantā .
Nanu cattāri ariyasaccāni vuttāni bhagavatā – dukkhaṃ , dukkhasamudayo , dukkhanirodho , dukkhanirodhagāminī paṭipadāti ?
Āmantā .
Hañci cattāri ariyasaccāni vuttāni bhagavatā – dukkhaṃ , dukkhasamudayo , dukkhanirodho , dukkhanirodhagāminī paṭipadā ;
no ca vata re vattabbe –
‘‘ tīṇeva ariyasaccānī ’’ ti .
Dukkhasamudayopi dukkhoti ?
Āmantā .
Kenaṭṭhenāti ?
Aniccaṭṭhena .
Ariyamaggo aniccoti ?
Āmantā .
Ariyamaggo dukkhoti ?
NaP0.549 hevaṃ vattabbe … pe ….
Ariyamaggo anicco , so ca na dukkhoti ?
Āmantā .
Dukkhasamudayo anicco , so ca na dukkhoti ?
NaT0.582 hevaṃ vattabbe … pe … dukkhasamudayo anicco , so ca dukkhoti ?
Āmantā .
Ariyamaggo anicco , so ca dukkhoti ?
Na hevaṃ vattabbe … pe ….
790. Na vattabbaṃ –
‘‘ ṭhapetvā ariyamaggaṃ avasesā saṅkhārā dukkhā ’’ ti ?
Āmantā .
Nanu sā dukkhanirodhagāminī paṭipadāti ?
Āmantā .
Hañci sā dukkhanirodhagāminī paṭipadā , tena vata re vattabbe –
‘‘ ṭhapetvā ariyamaggaṃ avasesā saṅkhārā dukkhā ’’ ti .
Ṭhapetvā ariyamaggantikathā niṭṭhitā .
17. Sattarasamavaggo