Issues
Select Version
Kathāvatthupāḷi
Kathāvatthupāḷi

8. Aṭṭhamavaggo

Author: _System_Pali_VRI_ @ Administrator

8. Aṭṭhamavaggo

(73)1. Chagatikathā

503. ChaP0.360 gatiyoti ?
Āmantā .
Nanu pañca gatiyo vuttā bhagavatā – nirayo , tiracchānayoni , pettivisayo , manussā , devāti [ ma . ni .1.153]?
Āmantā .
Hañci pañca gatiyo vuttā bhagavatā – nirayo , tiracchānayoni , pettivisayo , manussā , devā ;
no ca vata re vattabbe –
‘‘ cha gatiyo ’’ ti .
ChaM0.269 gatiyoti ?
Āmantā .
Nanu kālakañcikā [ kālakañjikā ( sī . syā . kaṃ .), kāḷakañjakā ( pī .)] surā petānaṃ samānavaṇṇā samānabhogā samānāhārā samānāyukā petehi sahaT0.389 āvāhavivāhaṃ gacchantīti ?
Āmantā .
Hañci kālakañcikā asurā petānaṃ samānavaṇṇā samānabhogā samānāhārā samānāyukā petehi saha āvāhavivāhaṃ gacchanti , no ca vata re vattabbe –
‘‘ cha gatiyo ’’ ti .
Cha gatiyoti ?
Āmantā .
Nanu vepacittiparisā devānaṃ samānavaṇṇā samānabhogā samānāhārā samānāyukā devehi saha āvāhavivāhaṃ gacchantīti ?
Āmantā .
Hañci vepacittiparisāV0.300 devānaṃ samānavaṇṇā samānabhogā samānāhārā samānāyukā devehi saha āvāhavivāhaṃ gacchanti , no ca vata re vattabbe –
‘‘ cha gatiyo ’’ ti .
Cha gatiyoti ?
Āmantā .
Nanu vepacittiparisā pubbadevāti ?
Āmantā .
Hañci vepacittiparisā pubbadevā , no ca vata re vattabbe –
‘‘ cha gatiyo ’’ ti .
504. Na vattabbaṃ –
‘‘ cha gatiyo ’’ ti ?
Āmantā .
NanuP0.361 atthi asurakāyoti , āmantā .
Hañci atthi asurakāyo , tena vata re vattabbe –
‘‘ cha gatiyo ’’ ti .
Chagatikathā niṭṭhitā .
8. Aṭṭhamavaggo