Issues
Select Version
Kathāvatthupāḷi
Kathāvatthupāḷi

(65)3. Cetasikakathā

Author: _System_Pali_VRI_ @ Administrator

(65)3. Cetasikakathā

475. Natthi cetasiko dhammoti ?
Āmantā .
Nanu atthi keci dhammā cittena sahagatā sahajātā saṃsaṭṭhā sampayuttā ekuppādā ekanirodhā ekavatthukā ekārammaṇāti ?
Āmantā .
Hañci atthi keci dhammā cittena sahagatā sahajātā saṃsaṭṭhā sampayuttāT0.367 ekuppādā ekanirodhā ekavatthukā ekārammaṇā , no ca vata re vattabbe –
‘‘ natthi cetasiko dhammo ’’ ti .
PhassoV0.283 cittena sahajātoti ?
Āmantā .
Hañci phasso cittena sahajāto , tena vata re vattabbe –
‘‘ phasso cetasiko ’’ ti .
Vedanā … pe … saññā … cetanā … saddhā … vīriyaṃ … sati … samādhi … paññā … rāgo … doso … moho … pe … anottappaṃ cittena sahajātanti ?
Āmantā .
Hañci anottappaṃ cittena sahajātaṃ , tena vata re vattabbe –
‘‘ anottappaṃ cetasikan ’’ ti .
476. Cittena sahajātāti katvā cetasikāti ?
Āmantā .
Phassena sahajātātiM0.254 katvā phassasikāti [ phassikāti ( pī . aṭṭha .)]?
Āmantā .
Cittena sahajātāti katvā cetasikāti ?
ĀmantāP0.339 .
Vedanāya … saññāya … cetanāya … saddhāya … vīriyena … satiyā … samādhinā … paññāya … rāgena … dosena … mohena … pe … anottappena sahajātāti katvā anottappāsikāti [ anottappikāti (?)]?
Āmantā .
477. Natthi cetasiko dhammoti ?
Āmantā .
Nanu vuttaṃ bhagavatā –
‘‘ Cittañhidaṃ cetasikā ca dhammā ,
Anattato saṃviditassa honti ;
Hīnappaṇītaṃ tadubhaye viditvā ,
Sammaddaso vedi palokadhamman ’’ ti .
Attheva suttantoti ?
Āmantā .
Tena hi atthi cetasiko dhammoti .
Natthi cetasiko dhammoti ?
Āmantā .
Nanu vuttaṃ bhagavatāT0.368 –
‘‘ idha , kevaṭṭa , bhikkhu parasattānaṃ parapuggalānaṃ cittampi ādisati cetasikampi ādisati vitakkitampi ādisati vicāritampi ādisati –
‘ evampi te mano , itthampi te mano , itipi te cittan ’’’ ti [ dī . ni .1.485].
Attheva suttantoti ?
Āmantā .
Tena hi atthi cetasiko dhammoti .
Cetasikakathā niṭṭhitā .
7. Sattamavaggo