Issues
Select Version
Kathāvatthupāḷi
Kathāvatthupāḷi

(127)2. Kusalapaṭilābhakathā

Author: _System_Pali_VRI_ @ Administrator

(127)2. Kusalapaṭilābhakathā

658. Kappaṭṭho kusalaṃ cittaṃ na paṭilabheyyāti ?
Āmantā .
Kappaṭṭho dānaṃ dadeyyāti ?
Āmantā .
Hañci kappaṭṭho dānaṃ dadeyya , no ca vata re vattabbe –
‘‘ kappaṭṭho kusalaṃ cittaṃ na paṭilabheyyā ’’ ti .
Kappaṭṭho kusalaṃ cittaṃ na paṭilabheyyāti ?
Āmantā .
Kappaṭṭho cīvaraṃ dadeyya … pe … piṇḍapātaṃ dadeyya … pe … senāsanaṃ dadeyya … pe … gilānapaccayabhesajjaparikkhāraṃ dadeyyaP0.478 … khādanīyaṃ dadeyya … bhojanīyaṃ dadeyya … pānīyaṃ dadeyya … cetiyaṃ vandeyya … cetiye mālaṃ āropeyya … gandhaṃ āropeyya … vilepanaṃ āropeyya … pe … cetiyaṃ abhidakkhiṇaṃ [ padakkhiṇaṃ ( pī .)] kareyyāti ?
Āmantā .
Hañci kappaṭṭho cetiyaṃ abhidakkhiṇaṃ kareyya , no ca vata re vattabbe –
‘‘ kappaṭṭho kusalaṃ cittaṃ na paṭilabheyyā ’’ ti … pe ….
659. KappaṭṭhoT0.508M0.347 kusalaṃ cittaṃ paṭilabheyyāti ?
Āmantā .
Tato vuṭṭhānaṃ kusalaṃ cittaṃ paṭilabheyyāti ?
Āmantā .
Rūpāvacaraṃ … pe … arūpāvacaraṃ … pe … lokuttaraṃ kusalaṃ cittaṃ paṭilabheyyāti ?
Na hevaṃ vattabbe … pe ….
Kusalapaṭilābhakathā niṭṭhitā .
13. Terasamavaggo