2. Aṭṭhakanāgarasuttaṃ

17. EvaṃT2.18V2.12 me sutaṃ – ekaṃ samayaṃ āyasmā ānando vesāliyaṃ viharati beluvagāmake [ veḷuvagāmake ( syā . kaṃ . ka .)].

Tena kho pana samayena dasamo gahapati aṭṭhakanāgaro pāṭaliputtaṃ anuppatto hoti kenacideva karaṇīyena .

Atha kho dasamo gahapati aṭṭhakanāgaro yena kukkuṭārāmo yena aññataro bhikkhu tenupasaṅkami ;

upasaṅkamitvā taṃ bhikkhuṃ abhivādetvā ekamantaṃ nisīdi .

Ekamantaṃ nisinno kho dasamo gahapati aṭṭhakanāgaro taṃ bhikkhuṃ etadavoca –

‘‘ kahaṃ nu kho , bhante , āyasmā ānando etarahi viharati ?

Dassanakāmā hi mayaṃ taṃ āyasmantaṃ ānandan ’’ ti .

‘‘ Eso , gahapati , āyasmā ānando vesāliyaṃ viharati beluvagāmake ’’ ti .

Atha kho dasamo gahapati aṭṭhakanāgaro pāṭaliputte taṃ karaṇīyaṃ tīretvā yena vesālī yena beluvagāmako yenāyasmā ānando tenupasaṅkami ;

upasaṅkamitvā āyasmantaṃ ānandaṃ abhivādetvā ekamantaṃ nisīdi .

18. Ekamantaṃ nisinno kho dasamo gahapati aṭṭhakanāgaro āyasmantaṃ ānandaṃ etadavoca –

‘‘ atthi nu kho , bhante ānanda , tena bhagavatāM2.13 jānatā passatā arahatā sammāsambuddhena ekadhammo akkhāto yattha bhikkhuno appamattassa ātāpino pahitattassa viharato avimuttañceva cittaṃ vimuccati , aparikkhīṇā ca āsavā parikkhayaṃ gacchantiT2.19 , ananuppattañca anuttaraṃ yogakkhemaṃ anupāpuṇātī ’’ ti ?

‘‘ Atthi kho , gahapati , tena bhagavatā jānatā passatā arahatā sammāsambuddhena ekadhammo akkhāto yatthaP1.350 bhikkhuno appamattassa ātāpino pahitattassa viharato avimuttañceva cittaṃ vimuccati , aparikkhīṇā ca āsavā parikkhayaṃ gacchanti , ananuppattañca anuttaraṃ yogakkhemaṃ anupāpuṇātī ’’ ti .

‘‘ Katamo pana , bhante ānanda , tena bhagavatā jānatā passatā arahatā sammāsambuddhena ekadhammoV2.13 akkhāto yattha bhikkhuno appamattassa ātāpino pahitattassa viharato avimuttañceva cittaṃ vimuccati , aparikkhīṇā ca āsavā parikkhayaṃ gacchanti , ananuppattañca anuttaraṃ yogakkhemaṃ anupāpuṇātī ’’ ti ?

19.‘‘ Idha , gahapati , bhikkhu vivicceva kāmehi vivicca akusalehi dhammehi savitakkaṃ savicāraṃ vivekajaṃ pītisukhaṃ paṭhamaṃ jhānaṃ upasampajja viharati .

So iti paṭisañcikkhati –

‘ idampi paṭhamaṃ jhānaṃ abhisaṅkhataṃ abhisañcetayitaṃ .

Yaṃ kho pana kiñci abhisaṅkhataṃ abhisañcetayitaṃ tadaniccaṃ nirodhadhamman ’ ti pajānāti .

So tattha ṭhito āsavānaṃ khayaṃ pāpuṇāti .

No ce āsavānaṃ khayaṃ pāpuṇāti , teneva dhammarāgena tāya dhammanandiyā pañcannaṃ orambhāgiyānaṃ saṃyojanānaṃ parikkhayā opapātiko hoti tattha parinibbāyī anāvattidhammo tasmā lokā .

Ayampi kho , gahapati , tena bhagavatā jānatā passatā arahatā sammāsambuddhena ekadhammo akkhāto yattha bhikkhuno appamattassa ātāpino pahitattassaT2.20 viharato avimuttañceva cittaṃ vimuccati , aparikkhīṇā ca āsavā parikkhayaṃ gacchanti , ananuppattañca anuttaraṃ yogakkhemaṃ anupāpuṇāti .

20.‘‘ Puna caparaṃ , gahapati , bhikkhu vitakkavicārānaṃ vūpasamā ajjhattaṃ sampasādanaṃ … pe … dutiyaṃ jhānaṃ upasampajja viharati .

So iti paṭisañcikkhati –

‘ idampi kho dutiyaṃ jhānaṃ abhisaṅkhataṃ abhisañcetayitaṃ …P1.351 anuttaraṃ yogakkhemaṃ anupāpuṇāti .

‘‘ PunaT2.21M2.14 caparaṃ , gahapati , bhikkhu pītiyā ca virāgā … pe …V2.14 tatiyaṃ jhānaṃ upasampajja viharati .

So iti paṭisañcikkhati –

‘ idampi kho tatiyaṃ jhānaṃ abhisaṅkhataṃ abhisañcetayitaṃ … pe … anuttaraṃ yogakkhemaṃ anupāpuṇāti .

‘‘ Puna caparaṃ , gahapati , bhikkhu sukhassa ca pahānāT2.22 … pe … catutthaṃ jhānaṃ upasampajja viharati .

So iti paṭisañcikkhati –

‘ idampi kho catutthaṃ jhānaṃ abhisaṅkhataṃ abhisañcetayitaṃ … anuttaraṃ yogakkhemaṃ anupāpuṇāti .

‘‘ Puna caparaṃ , gahapati , bhikkhu mettāsahagatena cetasā ekaṃ disaṃ pharitvā viharati , tathā dutiyaṃ , tathā tatiyaṃ , tathā catutthaṃ [ catutthiṃ ( sī . pī .)].

Iti uddhamadho tiriyaṃ sabbadhi sabbattatāya sabbāvantaṃ lokaṃ mettāsahagatena cetasā vipulena mahaggatena appamāṇena averena abyābajjhena [ abyāpajjhena ( sī . syā . pī .), abyāpajjena ( ka .) aṅguttaratikanipātaṭīkā oloketabbā ] pharitvā viharati .

So iti paṭisañcikkhati –

‘ ayampi kho mettācetovimutti abhisaṅkhatā abhisañcetayitā .

Yaṃ kho pana kiñci abhisaṅkhataṃ abhisañcetayitaṃ tadaniccaṃ nirodhadhamman ’ ti pajānāti .

So tattha ṭhito … pe …V2.15 anuttaraṃ yogakkhemaṃ anupāpuṇāti .

‘‘ Puna caparaṃ , gahapati , bhikkhu karuṇāsahagatena cetasā … pe … muditāsahagatena cetasā … pe … upekkhāsahagatena cetasā ekaṃ disaṃ pharitvā viharati , tathā dutiyaṃ , tathā tatiyaṃ , tathā catutthaṃ .

Iti uddhamadho tiriyaṃ sabbadhi sabbattatāya sabbāvantaṃ lokaṃ upekkhāsahagatena cetasā vipulena mahaggatena appamāṇena averena abyābajjhena pharitvā viharati .

So iti paṭisañcikkhati –

‘ ayampi kho upekkhācetovimutti abhisaṅkhatā abhisañcetayitā .

Yaṃ kho pana kiñci abhisaṅkhataṃ abhisañcetayitaṃ tadaniccaṃ nirodhadhamma ’ ntnttiP1.352 pajānāti .

So tattha ṭhito … anuttaraṃ yogakkhemaṃ anupāpuṇāti .

‘‘ Puna caparaṃ , gahapati , bhikkhu sabbaso rūpasaññānaṃ samatikkamā paṭighasaññānaṃ atthaṅgamā nānattasaññānaṃ amanasikārā ‘ ananto ākāso ’ ti ākāsānañcāyatanaṃ upasampajja viharati .

So iti paṭisañcikkhati –

‘ ayampi kho ākāsānañcāyatanasamāpatti abhisaṅkhatā abhisañcetayitā .

Yaṃ kho pana kiñci abhisaṅkhataṃ abhisañcetayitaṃ tadaniccaṃM2.15 nirodhadhamman ’ ti pajānāti .

So tattha ṭhito … pe … anuttaraṃ yogakkhemaṃ anupāpuṇāti .

‘‘ Puna caparaṃ , gahapati , bhikkhu sabbaso ākāsānañcāyatanaṃ samatikkamma ‘ anantaṃ viññāṇan ’ ti viññāṇañcāyatanaṃ upasampajja viharati .

So iti paṭisañcikkhati –

‘ ayampi kho viññāṇañcāyatanasamāpatti abhisaṅkhatā abhisañcetayitā .

Yaṃ kho pana kiñci abhisaṅkhataṃ abhisañcetayitaṃ tadaniccaṃ nirodhadhamman ’ ti pajānāti .

So tattha ṭhito … pe … anuttaraṃ yogakkhemaṃ anupāpuṇāti .

‘‘ Puna caparaṃ , gahapati , bhikkhu sabbaso viññāṇañcāyatanaṃ samatikkamma ‘ natthi kiñcī ’ ti ākiñcaññāyatanaṃ upasampajja viharati .

So iti paṭisañcikkhati –

‘ ayampi kho ākiñcaññāyatanasamāpatti abhisaṅkhatā abhisañcetayitā .

Yaṃ kho pana kiñci abhisaṅkhataṃ abhisañcetayitaṃ tadaniccaṃ nirodhadhamman ’ ti pajānāti .

So tattha ṭhito āsavānaṃ khayaṃ pāpuṇāti .

Ayampi kho , gahapati , tena bhagavatā jānatā passatā arahatā sammāsambuddhena ekadhammo akkhāto yattha bhikkhuno appamattassa ātāpino pahitattassa viharato avimuttañcevaV2.16 cittaṃ vimuccati , aparikkhīṇā ca āsavā parikkhayaṃ gacchanti , ananuppattañca anuttaraṃ yogakkhemaṃ anupāpuṇātī ’’ ti .

21. Evaṃ vutte , dasamo gahapati aṭṭhakanāgaro āyasmantaṃ ānandaṃ etadavoca –

‘‘ seyyathāpi , bhante ānanda , puriso ekaṃva nidhimukhaṃ gavesanto sakideva ekādasa nidhimukhāniV2.17P1.353 adhigaccheyya ;

evameva kho ahaṃ , bhante , ekaṃ amatadvāraṃ gavesanto sakideva [ sakiṃ deva ( ka .)] ekādasa amatadvārāni alatthaṃ bhāvanāya .

Seyyathāpi , bhante , purisassa agāraṃ ekādasadvāraṃ , so tasmiṃ agāre āditte ekamekenapi dvārena sakkuṇeyyaT2.23 attānaṃ sotthiṃ kātuṃ ;

evameva kho ahaṃ , bhante , imesaṃ ekādasannaṃ amatadvārānaṃ ekamekenapi amatadvārena sakkuṇissāmi attānaṃ sotthiṃ kātuṃ .

Imehi nāma , bhante , aññatitthiyā ācariyassa ācariyadhanaṃ pariyesissanti , kimaṅgaṃ [ kiṃ ( sī . pī .)] panāhaṃ āyasmato ānandassa pūjaṃ na karissāmī ’’ tiM2.16 !

Atha kho dasamo gahapati aṭṭhakanāgaro pāṭaliputtakañca vesālikañca bhikkhusaṅghaṃ sannipātetvā paṇītena khādanīyena bhojanīyena sahatthā santappesi sampavāresi , ekamekañca bhikkhuṃ paccekaṃ dussayugena acchādesi , āyasmantañca ānandaṃ ticīvarena acchādesi , āyasmato ca ānandassa pañcasatavihāraṃ kārāpesīti .

Aṭṭhakanāgarasuttaṃ niṭṭhitaṃ dutiyaṃ .

Issues

Select Version

Majjhimapaṇṇāsapāḷi

Majjhimapaṇṇāsapāḷi