6. Ghositasuttavaṇṇanā
129. Chaṭṭhe rūpā ca manāpāti rūpā ca manāpā saṃvijjanti .
Cakkhuviññāṇañcāti cakkhuviññāṇañca saṃvijjati .
Sukhavedaniyaṃ phassan ti cakkhuviññāṇasampayuttaṃ upanissayavasena javanakāle sukhavedanāya paccayabhūtaṃ phassaṃ .
Sukhā vedanāti ekaṃ phassaṃ paṭicca javanavasena sukhavedanā uppajjati .
Sesapadesupi eseva nayo .
Iti
M3.41 imasmiṃ sutte tevīsati dhātuyo kathitā .Kathaṃ ?
Ettha hi cakkhupasādo cakkhudhātu , tassa ārammaṇaṃ rūpadhātu , cakkhuviññāṇaṃ viññāṇadhātu , cakkhuviññāṇadhātuyā sahajātā tayo khandhā dhammadhātu , evaṃ pañcasu dvāresu catunnaṃ catunnaṃ vasena vīsati .
Manodvāre ‘‘ manodhātū ’’ ti āvajjanacittaṃ gahitaṃ , ārammaṇañceva hadayavatthu ca dhammadhātu , vatthunissitaṃ manoviññāṇadhātūti
V3.41 evaṃ tevīsati honti .Evaṃ tevīsatiyā dhātūnaṃ vasena dhātunānattaṃ vuttaṃ bhagavatāti dasseti .