9. Acelakassapasuttavaṇṇanā
351. Navame
M3.139P3.101 kīvaciraṃ pabbajitassāti kīvaciro kālo pabbajitassāti attho .Uttari manussadhammāti manussadhammo nāma dasakusalakammapathā , tato manussadhammato uttari .
Alamariyañāṇadassanavisesoti ariyabhāvaṃ kātuṃ samatthatāya alamariyoti saṅkhāto ñāṇadassanaviseso .
Naggeyyāti naggabhāvato .
Muṇḍeyyāti muṇḍabhāvato .
Pavāḷanipphoṭanāyāti pāvaḷanipphoṭanato , bhūmiyaṃ nisīdantassa ānisadaṭṭhāne laggānaṃ paṃsurajavālikānaṃ phoṭanatthaṃ gahitamorapiñchamattatoti attho .