5. Anaṅgaṇasuttaṃ
57. Evaṃ
M1.29V1.31T1.42 me sutaṃ – ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme .Tatra kho āyasmā sāriputto bhikkhū āmantesi –
‘‘ āvuso , bhikkhave ’’ ti .
‘‘ Āvuso ’’ ti kho te bhikkhū āyasmato sāriputtassa paccassosuṃ .
Āyasmā sāriputto etadavoca –
‘‘ Cattārome , āvuso , puggalā santo saṃvijjamānā lokasmiṃ .
Katame cattāro ?
Idhāvuso , ekacco puggalo sāṅgaṇova samāno ‘ atthi me ajjhattaṃ aṅgaṇan ’ ti yathābhūtaṃ nappajānāti .
Idha panāvuso , ekacco puggalo sāṅgaṇova samāno ‘ atthi me ajjhattaṃ aṅgaṇan ’ ti yathābhūtaṃ pajānāti .
Idhāvuso , ekacco puggalo anaṅgaṇova samāno ‘ natthi me ajjhattaṃ aṅgaṇan ’ ti yathābhūtaṃ nappajānāti .
Idha panāvuso , ekacco puggalo anaṅgaṇova samāno ‘ natthi me ajjhattaṃ aṅgaṇan ’ ti yathābhūtaṃ pajānāti .
Tatrāvuso , yvāyaṃ puggalo sāṅgaṇova samāno ‘ atthi me ajjhattaṃ aṅgaṇan ’ ti yathābhūtaṃ nappajānāti , ayaṃ imesaṃ dvinnaṃ puggalānaṃ sāṅgaṇānaṃyeva sataṃ hīnapuriso akkhāyati .
Tatrāvuso , yvāyaṃ puggalo sāṅgaṇova samāno ‘ atthi me ajjhattaṃ aṅgaṇan ’ ti yathābhūtaṃ pajānāti , ayaṃ imesaṃ dvinnaṃ puggalānaṃ sāṅgaṇānaṃyeva sataṃ seṭṭhapuriso akkhāyati
T1.43 .Tatrāvuso , yvāyaṃ puggalo anaṅgaṇova
P1.25 samāno ‘ natthi me ajjhattaṃ aṅgaṇan ’ ti yathābhūtaṃ nappajānāti , ayaṃ imesaṃ dvinnaṃ puggalānaṃ anaṅgaṇānaṃyeva sataṃ hīnapuriso akkhāyati .Tatrāvuso , yvāyaṃ puggalo anaṅgaṇova samāno ‘ natthi me ajjhattaṃ aṅgaṇan ’ ti yathābhūtaṃ pajānāti , ayaṃ imesaṃ dvinnaṃ puggalānaṃ anaṅgaṇānaṃyeva sataṃ seṭṭhapuriso akkhāyatī ’’ ti .
58. Evaṃ vutte , āyasmā mahāmoggallāno āyasmantaṃ sāriputtaṃ etadavoca –
‘‘ Ko nu kho , āvuso sāriputta , hetu ko paccayo yenimesaṃ dvinnaṃ puggalānaṃ sāṅgaṇānaṃyeva sataṃ eko hīnapuriso akkhāyati , eko seṭṭhapuriso akkhāyati ?
Ko panāvuso
V1.32 sāriputta , hetu koM1.30 paccayo yenimesaṃ dvinnaṃ puggalānaṃ anaṅgaṇānaṃyeva sataṃ eko hīnapuriso akkhāyati , eko seṭṭhapuriso akkhāyatī ’’ ti ? 59.‘‘ Tatrāvuso , yvāyaṃ puggalo sāṅgaṇova samāno ‘ atthi me ajjhattaṃ aṅgaṇan ’ ti yathābhūtaṃ nappajānāti , tassetaṃ pāṭikaṅkhaṃ – na chandaṃ janessati na vāyamissati na vīriyaṃ ārabhissati tassaṅgaṇassa pahānāya ;
so sarāgo sadoso samoho sāṅgaṇo saṃkiliṭṭhacitto kālaṃ karissati .
Seyyathāpi , āvuso , kaṃsapāti ābhatā āpaṇā vā kammārakulā vā rajena ca malena ca pariyonaddhā .
Tamenaṃ sāmikā na ceva paribhuñjeyyuṃ na ca pariyodapeyyuṃ [ pariyodāpeyyuṃ (?)], rajāpathe ca naṃ nikkhipeyyuṃ .
Evañhi sā , āvuso , kaṃsapāti aparena samayena saṃkiliṭṭhatarā
T1.44 assa malaggahitā ’’ ti ?‘‘ Evamāvuso ’’ ti .
‘‘ Evameva kho , āvuso , yvāyaṃ puggalo sāṅgaṇova samāno ‘ atthi me ajjhattaṃ aṅgaṇan ’ ti yathābhūtaṃ nappajānāti , tassetaṃ pāṭikaṅkhaṃ – na chandaṃ janessati na vāyamissati na vīriyaṃ ārabhissati tassaṅgaṇassa pahānāya ;
so sarāgo sadoso samoho sāṅgaṇo saṃkiliṭṭhacitto kālaṃ karissati .
‘‘ Tatrāvuso , yvāyaṃ puggalo sāṅgaṇova samāno ‘ atthi me ajjhattaṃ aṅgaṇan ’ ti yathābhūtaṃ pajānāti , tassetaṃ pāṭikaṅkhaṃ – chandaṃ janessati vāyamissati vīriyaṃ ārabhissati tassaṅgaṇassa pahānāya ;
so arāgo adoso amoho anaṅgaṇo asaṃkiliṭṭhacitto kālaṃ karissati .
Seyyathāpi , āvuso , kaṃsapāti ābhatā āpaṇā vā kammārakulā vā rajena ca malena ca pariyonaddhā .
Tamenaṃ sāmikā paribhuñjeyyuñceva pariyodapeyyuñca , na ca naṃ rajāpathe nikkhipeyyuṃ .
Evañhi
P1.26 sā , āvuso , kaṃsapāti aparena samayena parisuddhatarā assa pariyodātā ’’ ti ?‘‘ Evamāvuso ’’ ti .
‘‘ Evameva kho , āvuso , yvāyaṃ puggalo sāṅgaṇova samāno ‘ atthi me ajjhattaṃ aṅgaṇan ’ ti yathābhūtaṃ pajānāti , tassetaṃ pāṭikaṅkhaṃ – chandaṃ janessati vāyamissati vīriyaṃ ārabhissati tassaṅgaṇassa pahānāya ;
so arāgo adoso amoho anaṅgaṇo asaṃkiliṭṭhacitto kālaṃ karissati .
‘‘ Tatrāvuso
M1.31 , yvāyaṃ puggalo anaṅgaṇova samāno ‘ natthi me ajjhattaṃ aṅgaṇan ’ ti yathābhūtaṃ nappajānāti , tassetaṃ pāṭikaṅkhaṃT1.45 – subhanimittaṃ manasi karissati , tassa subhanimittassa manasikārā rāgo cittaṃ anuddhaṃsessati ;so sarāgo sadoso samoho sāṅgaṇo saṃkiliṭṭhacitto
V1.33 kālaṃ karissati .Seyyathāpi , āvuso , kaṃsapāti ābhatā āpaṇā vā kammārakulā vā parisuddhā pariyodātā .
Tamenaṃ sāmikā na ceva paribhuñjeyyuṃ na ca pariyodapeyyuṃ , rajāpathe ca naṃ nikkhipeyyuṃ .
Evañhi sā , āvuso , kaṃsapāti aparena samayena saṃkiliṭṭhatarā assa malaggahitā ’’ ti ?
‘‘ Evamāvuso ’’ ti .
‘‘ Evameva kho , āvuso , yvāyaṃ puggalo anaṅgaṇova samāno ‘ natthi me ajjhattaṃ aṅgaṇan ’ ti yathābhūtaṃ nappajānāti , tassetaṃ pāṭikaṅkhaṃ – subhanimittaṃ manasi karissati , tassa subhanimittassa manasikārā rāgo cittaṃ anuddhaṃsessati ;
so sarāgo sadoso samoho sāṅgaṇo saṃkiliṭṭhacittokālaṃkarissati .
‘‘ Tatrāvuso , yvāyaṃ puggalo anaṅgaṇova samāno ‘ natthi me ajjhattaṃ aṅgaṇan ’ ti yathābhūtaṃ pajānāti , tassetaṃ pāṭikaṅkhaṃ – subhanimittaṃ na manasi karissati , tassa subhanimittassa amanasikārā rāgo cittaṃ nānuddhaṃsessati ;
so arāgo adoso amoho anaṅgaṇo asaṃkiliṭṭhacitto kālaṃ karissati .
Seyyathāpi , āvuso , kaṃsapāti ābhatā āpaṇā vā kammārakulā vā parisuddhā pariyodātā .
Tamenaṃ sāmikā paribhuñjeyyuñceva pariyodapeyyuñca , na ca naṃ rajāpathe nikkhipeyyuṃ .
Evañhi sā , āvuso , kaṃsapāti aparena samayena parisuddhatarā assa pariyodātā ’’ ti ?
‘‘ Evamāvuso ’’ ti .
‘‘ Evameva
T1.46 kho , āvuso , yvāyaṃ puggalo anaṅgaṇova samāno ‘ natthi me ajjhattaṃ aṅgaṇan ’ ti yathābhūtaṃ pajānāti , tassetaṃ pāṭikaṅkhaṃ – subhanimittaṃ na manasi karissati , tassa subhanimittassa amanasikārā rāgo cittaṃ nānuddhaṃsessati ;so arāgo adoso amoho anaṅgaṇo asaṃkiliṭṭhacitto kālaṃ karissati .
‘‘ Ayaṃ kho , āvuso moggallāna
P1.27 , hetu ayaṃ paccayo yenimesaṃ dvinnaṃ puggalānaṃ sāṅgaṇānaṃyeva sataṃ eko hīnapuriso akkhāyati , eko seṭṭhapuriso akkhāyati .Ayaṃ panāvuso moggallāna , hetu ayaṃ
M1.32 paccayo yenimesaṃ dvinnaṃ puggalānaṃ anaṅgaṇānaṃyeva sataṃ eko hīnapuriso akkhāyati , eko seṭṭhapuriso akkhāyatī ’’ ti . 60.‘‘ Aṅgaṇaṃ aṅgaṇanti , āvuso , vuccati .
Kissa nu kho etaṃ , āvuso , adhivacanaṃ yadidaṃ aṅgaṇan ’’ ti ?
‘‘ Pāpakānaṃ kho etaṃ , āvuso , akusalānaṃ icchāvacarānaṃ adhivacanaṃ , yadidaṃ aṅgaṇan ’’ ti .
‘‘ Ṭhānaṃ
V1.34 kho panetaṃ , āvuso , vijjati yaṃ idhekaccassa bhikkhuno evaṃ icchā uppajjeyya –‘ āpattiñca vata āpanno assaṃ , na ca maṃ bhikkhū jāneyyuṃ āpattiṃ āpanno ’ ti .
Ṭhānaṃ kho panetaṃ , āvuso , vijjati yaṃ taṃ bhikkhuṃ bhikkhū jāneyyuṃ –
‘ āpattiṃ āpanno ’ ti .
‘ Jānanti maṃ bhikkhū āpattiṃ āpanno ’ ti – iti so kupito hoti appatīto .
Yo ceva kho , āvuso , kopo yo ca appaccayo – ubhayametaṃ aṅgaṇaṃ .
‘‘ Ṭhānaṃ
T1.47 kho panetaṃ , āvuso , vijjati yaṃ idhekaccassa bhikkhuno evaṃ icchā uppajjeyya –‘ āpattiñca vata āpanno assaṃ , anuraho maṃ bhikkhū codeyyuṃ , no saṅghamajjhe ’ ti .
Ṭhānaṃ kho panetaṃ , āvuso , vijjati yaṃ taṃ bhikkhuṃ bhikkhū saṅghamajjhe codeyyuṃ , no anuraho .
‘ Saṅghamajjhe maṃ bhikkhū codenti , no anuraho ’ ti – iti so kupito hoti appatīto .
Yo ceva kho , āvuso , kopo yo ca appaccayo – ubhayametaṃ aṅgaṇaṃ .
‘‘ Ṭhānaṃ kho panetaṃ , āvuso , vijjati yaṃ idhekaccassa bhikkhuno evaṃ icchā uppajjeyya –
‘ āpattiñca vata āpanno assaṃ , sappaṭipuggalo maṃ codeyya , no appaṭipuggalo ’ ti .
Ṭhānaṃ kho panetaṃ , āvuso , vijjati yaṃ taṃ bhikkhuṃ appaṭipuggalo codeyya , no sappaṭipuggalo .
‘ Appaṭipuggalo maṃ codeti , no sappaṭipuggalo ’ ti – iti so kupito hoti appatīto .
Yo ceva kho , āvuso , kopo yo ca appaccayo – ubhayametaṃ aṅgaṇaṃ .
‘‘ Ṭhānaṃ kho panetaṃ , āvuso , vijjati yaṃ idhekaccassa bhikkhuno evaṃ icchā uppajjeyya –
‘ aho vata mameva satthā paṭipucchitvā paṭipucchitvā bhikkhūnaṃ dhammaṃ deseyya , na aññaṃ bhikkhuṃ satthā paṭipucchitvā paṭipucchitvā bhikkhūnaṃ dhammaṃ deseyyā ’ ti .
Ṭhānaṃ kho panetaṃ , āvuso , vijjati yaṃ aññaṃ bhikkhuṃ satthā paṭipucchitvā
M1.33 paṭipucchitvā bhikkhūnaṃ dhammaṃ deseyya , na taṃ bhikkhuṃP1.28 satthāT1.48 paṭipucchitvā paṭipucchitvā bhikkhūnaṃ dhammaṃ deseyya .‘ Aññaṃ bhikkhuṃ satthā paṭipucchitvā paṭipucchitvā bhikkhūnaṃ dhammaṃ deseti , na maṃ satthā paṭipucchitvā paṭipucchitvā bhikkhūnaṃ dhammaṃ desetī ’ ti – iti so kupito hoti appatīto .
Yo ceva kho , āvuso , kopo yo ca appaccayo – ubhayametaṃ aṅgaṇaṃ .
‘‘ Ṭhānaṃ
V1.35 kho panetaṃ , āvuso , vijjati yaṃ idhekaccassa bhikkhuno evaṃ icchā uppajjeyya –‘ aho vata mameva bhikkhū purakkhatvā purakkhatvā gāmaṃ bhattāya paviseyyuṃ , na aññaṃ bhikkhuṃ bhikkhū purakkhatvā purakkhatvā gāmaṃ bhattāya paviseyyun ’ ti .
Ṭhānaṃ kho panetaṃ , āvuso , vijjati yaṃ aññaṃ bhikkhuṃ bhikkhū purakkhatvā purakkhatvā gāmaṃ bhattāya paviseyyuṃ , na taṃ bhikkhuṃ bhikkhū purakkhatvā purakkhatvā gāmaṃ bhattāya paviseyyuṃ .
‘ Aññaṃ bhikkhuṃ bhikkhū purakkhatvā purakkhatvā gāmaṃ bhattāya pavisanti , na maṃ bhikkhū purakkhatvā purakkhatvā gāmaṃ bhattāya pavisantī ’ ti – iti so kupito hoti appatīto .
Yo ceva kho , āvuso , kopo yo ca appaccayo – ubhayametaṃ aṅgaṇaṃ .
‘‘ Ṭhānaṃ kho panetaṃ , āvuso , vijjati yaṃ idhekaccassa bhikkhuno evaṃ icchā uppajjeyya –
‘ aho vata ahameva labheyyaṃ bhattagge aggāsanaṃ aggodakaṃ aggapiṇḍaṃ , na añño bhikkhu labheyya bhattagge aggāsanaṃ aggodakaṃ aggapiṇḍan ’ ti .
Ṭhānaṃ kho
T1.49 panetaṃ , āvuso , vijjati yaṃ añño bhikkhu labheyya bhattagge aggāsanaṃ aggodakaṃ aggapiṇḍaṃ , na so bhikkhu labheyya bhattagge aggāsanaṃ aggodakaṃ aggapiṇḍaṃ .‘ Añño bhikkhu labhati bhattagge aggāsanaṃ aggodakaṃ aggapiṇḍaṃ , nāhaṃ labhāmi bhattagge aggāsanaṃ aggodakaṃ aggapiṇḍan ’ ti – iti so kupito hoti appatīto .
Yo ceva kho , āvuso , kopo yo ca appaccayo – ubhayametaṃ aṅgaṇaṃ .
‘‘ Ṭhānaṃ kho panetaṃ , āvuso , vijjati yaṃ idhekaccassa bhikkhuno evaṃ icchā uppajjeyya –
‘ aho vata ahameva bhattagge bhuttāvī anumodeyyaṃ , na añño bhikkhu bhattagge bhuttāvī anumodeyyā ’ ti .
Ṭhānaṃ kho panetaṃ , āvuso , vijjati yaṃ añño bhikkhu bhattagge bhuttāvī anumodeyya , na so bhikkhu bhattagge bhuttāvī anumodeyya .
‘ Añño bhikkhu bhattagge bhuttāvī
M1.34 anumodati , nāhaṃ bhattagge bhuttāvī anumodāmī ’ ti – iti so kupito hoti appatīto .Yo ceva kho , āvuso , kopo yo ca appaccayo – ubhayametaṃ aṅgaṇaṃ .
‘‘ Ṭhānaṃ kho panetaṃ , āvuso , vijjati yaṃ idhekaccassa bhikkhuno evaṃ icchā uppajjeyya –
‘ aho vata ahameva ārāmagatānaṃ bhikkhūnaṃ dhammaṃ deseyyaṃ , na añño bhikkhu ārāmagatānaṃ bhikkhūnaṃ dhammaṃ deseyyā ’ ti .
Ṭhānaṃ kho panetaṃ , āvuso , vijjati yaṃ añño bhikkhu
V1.36 ārāmagatānaṃ bhikkhūnaṃ dhammaṃ deseyya , na so bhikkhu ārāmagatānaṃP1.29 bhikkhūnaṃ dhammaṃ deseyya .‘ Añño bhikkhu ārāmagatānaṃ bhikkhūnaṃ dhammaṃ
T1.50 deseti , nāhaṃ ārāmagatānaṃ bhikkhūnaṃ dhammaṃ desemī ’ ti – iti so kupito hoti appatīto .Yo ceva kho , āvuso , kopo yo ca appaccayo – ubhayametaṃ aṅgaṇaṃ .
‘‘ Ṭhānaṃ kho panetaṃ , āvuso , vijjati yaṃ idhekaccassa bhikkhuno evaṃ icchā uppajjeyya –
‘ aho vata ahameva ārāmagatānaṃ bhikkhunīnaṃ dhammaṃ deseyyaṃ … pe … upāsakānaṃ dhammaṃ deseyyaṃ … pe … upāsikānaṃ dhammaṃ deseyyaṃ , na añño bhikkhu ārāmagatānaṃ upāsikānaṃ dhammaṃ deseyyā ’ ti .
Ṭhānaṃ kho panetaṃ , āvuso , vijjati yaṃ añño bhikkhu ārāmagatānaṃ upāsikānaṃ dhammaṃ deseyya , na so bhikkhu ārāmagatānaṃ upāsikānaṃ dhammaṃ deseyya .
‘ Añño bhikkhu ārāmagatānaṃ upāsikānaṃ dhammaṃ deseti , nāhaṃ ārāmagatānaṃ upāsikānaṃ dhammaṃ desemī ’ ti – iti so kupito hoti appatīto .
Yo ceva kho , āvuso , kopo yo ca appaccayo – ubhayametaṃ aṅgaṇaṃ .
‘‘ Ṭhānaṃ kho panetaṃ , āvuso , vijjati yaṃ idhekaccassa bhikkhuno evaṃ icchā uppajjeyya –
‘ aho vata mameva bhikkhū sakkareyyuṃ garuṃ kareyyuṃ [ garukareyyuṃ ( sī . syā . pī .)] māneyyuṃ pūjeyyuṃ , na aññaṃ bhikkhuṃ bhikkhū sakkareyyuṃ garuṃ kareyyuṃ māneyyuṃ pūjeyyun ’ ti .
Ṭhānaṃ kho panetaṃ , āvuso , vijjati yaṃ aññaṃ bhikkhuṃ bhikkhū sakkareyyuṃ garuṃ kareyyuṃ māneyyuṃ pūjeyyuṃ , na taṃ bhikkhuṃ bhikkhū sakkareyyuṃ garuṃ kareyyuṃ māneyyuṃ pūjeyyuṃ .
‘ Aññaṃ bhikkhuṃ bhikkhū sakkaronti garuṃ
M1.35 karonti mānenti pūjentiT1.51 , na maṃ bhikkhū sakkaronti garuṃ karonti mānenti pūjentī ’ ti – iti so kupito hoti appatīto .Yo ceva kho , āvuso , kopo yo ca appaccayo – ubhayametaṃ aṅgaṇaṃ .
‘‘ Ṭhānaṃ kho panetaṃ , āvuso , vijjati yaṃ idhekaccassa bhikkhuno evaṃ icchā uppajjeyya –
‘ aho vata mameva bhikkhuniyo … pe … upāsakā … pe … upāsikā sakkareyyuṃ garuṃ kareyyuṃ māneyyuṃ pūjeyyuṃ , na aññaṃ bhikkhuṃ upāsikā sakkareyyuṃ garuṃ kareyyuṃ māneyyuṃ pūjeyyun ’ ti .
Ṭhānaṃ kho panetaṃ , āvuso , vijjati yaṃ aññaṃ bhikkhuṃ upāsikā sakkareyyuṃ garuṃ kareyyuṃ māneyyuṃ pūjeyyuṃ , na taṃ bhikkhuṃ upāsikā sakkareyyuṃ garuṃ
V1.37 kareyyuṃ māneyyuṃ pūjeyyuṃ .‘ Aññaṃ bhikkhuṃ upāsikā sakkaronti garuṃ karonti mānenti pūjenti , na maṃ upāsikā sakkaronti garuṃ karonti mānenti pūjentī ’ ti – iti so kupito hoti appatīto .
Yo ceva kho , āvuso , kopo yo ca appaccayo – ubhayametaṃ aṅgaṇaṃ .
‘‘ Ṭhānaṃ kho panetaṃ , āvuso , vijjati yaṃ idhekaccassa bhikkhuno evaṃ icchā uppajjeyya –
‘ aho vata ahameva lābhī assaṃ paṇītānaṃ cīvarānaṃ , na añño bhikkhu lābhī assa paṇītānaṃ cīvarānan ’ ti .
Ṭhānaṃ kho panetaṃ , āvuso , vijjati yaṃ añño
P1.30 bhikkhu lābhī assa paṇītānaṃ cīvarānaṃ , na so bhikkhu lābhī assa paṇītānaṃ cīvarānaṃ .‘ Añño bhikkhu lābhī [ lābhī assa ( ka .)] paṇītānaṃ cīvarānaṃ , nāhaṃ lābhī
T1.52 [ lābhī assaṃ ( ka .)] paṇītānaṃ cīvarānan ’ ti – iti so kupito hoti appatīto .Yo ceva kho , āvuso , kopo yo ca appaccayo – ubhayametaṃ aṅgaṇaṃ .
‘‘ Ṭhānaṃ kho panetaṃ , āvuso , vijjati yaṃ idhekaccassa bhikkhuno evaṃ icchā uppajjeyya –
‘ aho vata ahameva lābhī assaṃ paṇītānaṃ piṇḍapātānaṃ … pe … paṇītānaṃ senāsanānaṃ … pe … paṇītānaṃ gilānappaccayabhesajjaparikkhārānaṃ , na añño bhikkhu lābhī assa paṇītānaṃ gilānappaccayabhesajjaparikkhārānan ’ ti .
Ṭhānaṃ kho panetaṃ , āvuso , vijjati yaṃ añño bhikkhu lābhī assa paṇītānaṃ gilānappaccayabhesajjaparikkhārānaṃ , na so bhikkhu lābhī assa paṇītānaṃ gilānappaccayabhesajjaparikkhārānaṃ .
‘ Añño bhikkhu
M1.36 lābhī [ lābhī assa ( ka .)] paṇītānaṃ gilānappaccayabhesajjaparikkhārānaṃ , nāhaṃ lābhī [ lābhī assaṃ ( ka .)] paṇītānaṃ gilānappaccayabhesajjaparikkhārānan ’ ti – iti so kupito hoti appatīto .Yo ceva kho , āvuso , kopo yo ca appaccayo – ubhayametaṃ aṅgaṇaṃ .
‘‘ Imesaṃ kho etaṃ , āvuso , pāpakānaṃ akusalānaṃ icchāvacarānaṃ adhivacanaṃ , yadidaṃ aṅgaṇan ’’ ti .
61.‘‘ Yassa kassaci , āvuso , bhikkhuno ime pāpakā akusalā icchāvacarā appahīnā dissanti ceva sūyanti ca , kiñcāpi so hoti āraññiko pantasenāsano piṇḍapātiko
V1.38 sapadānacārī paṃsukūliko lūkhacīvaradharo , atha kho naṃ sabrahmacārī na ceva sakkaronti na garuṃ karonti na mānenti na pūjenti .Taṃ kissa hetu ?
Te hi tassa
T1.53 āyasmato pāpakā akusalā icchāvacarā appahīnā dissanti ceva sūyanti ca .Seyyathāpi , āvuso , kaṃsapāti ābhatā āpaṇā vā kammārakulā vā parisuddhā pariyodātā .
Tamenaṃ sāmikā ahikuṇapaṃ vā kukkurakuṇapaṃ vā manussakuṇapaṃ vā racayitvā aññissā kaṃsapātiyā paṭikujjitvā antarāpaṇaṃ paṭipajjeyyuṃ .
Tamenaṃ jano disvā evaṃ vadeyya –
‘ ambho , kimevidaṃ harīyati jaññajaññaṃ viyā ’ ti ?
Tamenaṃ uṭṭhahitvā apāpuritvā [ avāpuritvā ( sī .)] olokeyya .
Tassa sahadassanena amanāpatā ca saṇṭhaheyya , pāṭikulyatā [ paṭikūlatā ( ka .), pāṭikūlyatā ( syā .)] ca saṇṭhaheyya , jegucchatā ca [ jegucchitā ca ( pī . ka .)] saṇṭhaheyya ;
jighacchitānampi na bhottukamyatā assa , pageva suhitānaṃ .
Evameva kho , āvuso , yassa kassaci bhikkhuno ime pāpakā akusalā icchāvacarā appahīnā dissanti ceva sūyanti ca , kiñcāpi so hoti āraññiko pantasenāsano piṇḍapātiko sapadānacārī paṃsukūliko lūkhacīvaradharo , atha kho naṃ sabrahmacārī na ceva sakkaronti na garuṃ karonti
P1.31 na mānenti na pūjenti .Taṃ kissa hetu ?
Te hi tassa āyasmato pāpakā akusalā icchāvacarā appahīnā dissanti ceva sūyanti ca .
62.‘‘ Yassa kassaci , āvuso , bhikkhuno ime pāpakā akusalā icchāvacarā pahīnā dissanti ceva sūyanti ca , kiñcāpi so hoti gāmantavihārī
M1.37 nemantaniko gahapaticīvaradharo , atha kho naṃ sabrahmacārī sakkaronti garuṃ karonti mānenti pūjenti .Taṃ kissa hetu
T1.54 ?Te hi tassa āyasmato pāpakā akusalā icchāvacarā pahīnā dissanti ceva sūyanti ca .
Seyyathāpi , āvuso , kaṃsapāti ābhatā āpaṇā vā kammārakulā vā parisuddhā pariyodātā .
Tamenaṃ sāmikā sālīnaṃ odanaṃ vicitakāḷakaṃ [ vicinitakāḷakaṃ ( ka .)] anekasūpaṃ anekabyañjanaṃ racayitvā aññissā kaṃsapātiyā paṭikujjitvā antarāpaṇaṃ paṭipajjeyyuṃ .
Tamenaṃ jano disvā evaṃ vadeyya –
‘ ambho , kimevidaṃ harīyati jaññajaññaṃ viyā ’ ti ?
Tamenaṃ uṭṭhahitvā apāpuritvā olokeyya .
Tassa saha dassanena manāpatā ca saṇṭhaheyya , appāṭikulyatā ca saṇṭhaheyya , ajegucchatā ca saṇṭhaheyya ;
suhitānampi bhottukamyatā assa , pageva jighacchitānaṃ .
Evameva kho , āvuso , yassa kassaci bhikkhuno ime pāpakā akusalā icchāvacarā pahīnā dissanti ceva sūyanti ca , kiñcāpi so hoti gāmantavihārī nemantaniko gahapaticīvaradharo , atha kho naṃ sabrahmacārī sakkaronti garuṃ karonti mānenti pūjenti
V1.39 .Taṃ kissa hetu ?
Te hi tassa āyasmato pāpakā akusalā icchāvacarā pahīnā dissanti ceva sūyanti cā ’’ ti .
63. Evaṃ vutte , āyasmā mahāmoggallāno āyasmantaṃ sāriputtaṃ etadavoca –
‘‘ upamā maṃ , āvuso sāriputta , paṭibhātī ’’ ti .
‘‘ Paṭibhātu taṃ , āvuso moggallānā ’’ ti .
‘‘ Ekamidāhaṃ , āvuso , samayaṃ rājagahe viharāmi giribbaje .
Atha khvāhaṃ , āvuso , pubbaṇhasamayaṃ nivāsetvā
T1.55 pattacīvaramādāya rājagahaṃ piṇḍāya pāvisiṃ .Tena kho pana samayena samīti yānakāraputto rathassa nemiṃ tacchati .
Tamenaṃ paṇḍuputto ājīvako purāṇayānakāraputto paccupaṭṭhito hoti .
Atha kho , āvuso , paṇḍuputtassa ājīvakassa purāṇayānakāraputtassa evaṃ cetaso parivitakko udapādi –
‘ aho vatāyaṃ samīti yānakāraputto imissā nemiyā imañca vaṅkaṃ imañca jimhaṃ imañca dosaṃ taccheyya , evāyaṃ nemi apagatavaṅkā apagatajimhā apagatadosā suddhā assa [ suddhāssa ( sī . pī .), suddhā ( ka .)] sāre patiṭṭhitā ’ ti
P1.32 .Yathā yathā kho , āvuso , paṇḍuputtassa ājīvakassa purāṇayānakāraputtassa cetaso parivitakko hoti , tathā tathā
M1.38 samīti yānakāraputto tassā nemiyā tañca vaṅkaṃ tañca jimhaṃ tañca dosaṃ tacchati .Atha kho , āvuso , paṇḍuputto ājīvako purāṇayānakāraputto attamano attamanavācaṃ nicchāresi –
‘ hadayā hadayaṃ maññe aññāya tacchatī ’ ti .
‘‘ Evameva kho , āvuso , ye te puggalā assaddhā , jīvikatthā na saddhā agārasmā anagāriyaṃ pabbajitā , saṭhā māyāvino ketabino [ keṭubhino ( bahūsu )] uddhatā unnaḷā capalā mukharā vikiṇṇavācā , indriyesu aguttadvārā , bhojane amattaññuno , jāgariyaṃ ananuyuttā , sāmaññe anapekkhavanto , sikkhāya na tibbagāravā , bāhulikā sāthalikā , okkamane pubbaṅgamā , paviveke nikkhittadhurā , kusītā hīnavīriyā muṭṭhassatī asampajānā asamāhitā
T1.56 vibbhantacittā duppaññā eḷamūgā , tesaṃ āyasmā sāriputto iminā dhammapariyāyena hadayā hadayaṃ maññe aññāya tacchati .‘‘ Ye pana te kulaputtā saddhā agārasmā anagāriyaṃ pabbajitā , asaṭhā amāyāvino aketabino anuddhatā anunnaḷā acapalā amukharā avikiṇṇavācā , indriyesu guttadvārā , bhojane mattaññuno , jāgariyaṃ anuyuttā , sāmaññe apekkhavanto , sikkhāya tibbagāravā , na bāhulikā
V1.40 na sāthalikā , okkamane nikkhittadhurā , paviveke pubbaṅgamā , āraddhavīriyā pahitattā upaṭṭhitassatī sampajānā samāhitā ekaggacittā paññavanto aneḷamūgā , te āyasmato sāriputtassa imaṃ dhammapariyāyaṃ sutvā pivanti maññe , ghasanti maññe vacasā ceva manasā ca –‘ sādhu vata , bho , sabrahmacārī akusalā vuṭṭhāpetvā kusale patiṭṭhāpetī ’ ti .
Seyyathāpi , āvuso , itthī vā puriso vā daharo yuvā maṇḍanakajātiko sīsaṃnhāto uppalamālaṃ vā vassikamālaṃ vā atimuttakamālaṃ [ adhimuttakamālaṃ ( syā .)] vā labhitvā ubhohi hatthehi paṭiggahetvā uttamaṅge sirasmiṃ patiṭṭhapeyya , evameva kho , āvuso , ye te kulaputtā saddhā agārasmā anagāriyaṃ pabbajitā , asaṭhā amāyāvino aketabino anuddhatā anunnaḷā acapalā amukharā avikiṇṇavācā , indriyesu guttadvārā , bhojane mattaññuno , jāgariyaṃ anuyuttā , sāmaññe apekkhavanto , sikkhāya tibbagāravā , na
T1.57 bāhulikā na sāthalikā , okkamane nikkhittadhurā , paviveke pubbaṅgamā , āraddhavīriyā pahitattā upaṭṭhitassatīM1.39 sampajānā samāhitā ekaggacittā paññavanto aneḷamūgā , te āyasmato sāriputtassa imaṃ dhammapariyāyaṃ sutvā pivanti maññe , ghasanti maññe vacasā ceva manasā ca –‘ sādhu vata , bho , sabrahmacārī akusalā vuṭṭhāpetvā kusale patiṭṭhāpetī ’ ti .
Itiha te ubho mahānāgā aññamaññassa subhāsitaṃ samanumodiṃsū ’’ ti .
Anaṅgaṇasuttaṃ niṭṭhitaṃ pañcamaṃ .