Kāyānupassanā dhātumanasikārapabbaṃ
111.‘‘ Puna caparaṃ , bhikkhave , bhikkhu imameva kāyaṃ yathāṭhitaṃ yathāpaṇihitaṃ dhātuso paccavekkhati –
‘ atthi imasmiṃ kāye pathavīdhātu āpodhātu tejodhātu vāyodhātū ’ ti .
‘‘ Seyyathāpi
P1.58 , bhikkhave , dakkho goghātako vā goghātakantevāsī vā gāviṃ vadhitvā catumahāpathe [ cātummahāpathe ( sī . syā . pī .)] bilaso vibhajitvā nisinno assa .Evameva kho , bhikkhave , bhikkhu imameva kāyaṃ yathāṭhitaṃ yathāpaṇihitaṃ dhātuso paccavekkhati –
‘ atthi imasmiṃ kāye pathavīdhātu āpodhātu tejodhātu vāyodhātū ’ ti .
Iti ajjhattaṃ vā kāye kāyānupassī viharati … pe …
V1.75 evampi kho , bhikkhaveT1.107 , bhikkhu kāye kāyānupassī viharati .Dhātumanasikārapabbaṃ niṭṭhitaṃ .