Paṭisevanā pahātabbāsavā
23.‘‘ Katame ca , bhikkhave , āsavā paṭisevanā pahātabbā ?
Idha , bhikkhave , bhikkhu paṭisaṅkhā yoniso cīvaraṃ paṭisevati –
‘ yāvadeva sītassa paṭighātāya , uṇhassa paṭighātāya , ḍaṃsamakasavātātapasarīṃsapa- [ siriṃsapa ( sī . syā . pī .)] samphassānaṃ paṭighātāya , yāvadeva hirikopīnappaṭicchādanatthaṃ ’.
‘‘ Paṭisaṅkhā yoniso piṇḍapātaṃ paṭisevati –
‘ neva davāya , na madāya , na maṇḍanāya , na
V1.14 vibhūsanāya , yāvadeva imassa kāyassa ṭhitiyā yāpanāya , vihiṃsūparatiyā , brahmacariyānuggahāya , iti purāṇañca vedanaṃ paṭihaṅkhāmi navañcaM1.13 vedanaṃ na uppādessāmi , yātrā ca me bhavissati anavajjatā ca phāsuvihāro ca ’[ cāti ( sī .)].‘‘ Paṭisaṅkhā yoniso senāsanaṃ paṭisevati –
‘ yāvadeva sītassa paṭighātāya , uṇhassa paṭighātāya , ḍaṃsamakasavātātapasarīṃsapasamphassānaṃ paṭighātāya , yāvadeva utuparissayavinodanapaṭisallānārāmatthaṃ ’.
‘‘ Paṭisaṅkhā yoniso gilānappaccayabhesajjaparikkhāraṃ paṭisevati –
‘ yāvadeva uppannānaṃ veyyābādhikānaṃ vedanānaṃ paṭighātāya , abyābajjhaparamatāya ’[ abyāpajjhaparamatāya ( sī . syā . pī .), abyāpajjaparamatāya ( ka .)].
‘‘ Yañhissa , bhikkhave , appaṭisevato uppajjeyyuṃ āsavā
T1.18 vighātapariḷāhā , paṭisevato evaṃsa te āsavā vighātapariḷāhā na honti .Ime vuccanti , bhikkhave , āsavā paṭisevanā pahātabbā .