7. Vanapatthasuttaṃ
190. Evaṃ
V1.150T1.212 me sutaṃ – ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme .Tatra kho bhagavā bhikkhū āmantesi –
‘‘ bhikkhavo ’’ ti .
‘‘ Bhadante ’’ ti te bhikkhū bhagavato paccassosuṃ .
Bhagavā etadavoca –
‘‘ vanapatthapariyāyaṃ vo , bhikkhave , desessāmi , taṃ suṇātha , sādhukaṃ manasikarotha , bhāsissāmī ’’ ti .
‘‘ Evaṃ , bhante ’’ ti kho te bhikkhū bhagavato paccassosuṃ .
Bhagavā etadavoca –
191.‘‘ Idha , bhikkhave , bhikkhu aññataraṃ vanapatthaṃ upanissāya viharati .
Tassa taṃ vanapatthaṃ upanissāya viharato anupaṭṭhitā ceva sati na upaṭṭhāti , asamāhitañca
M1.150 cittaṃ na samādhiyati , aparikkhīṇā ca āsavā na parikkhayaṃ gacchanti , ananuppattañca anuttaraṃ yogakkhemaṃ nānupāpuṇāti .Ye ca kho ime pabbajitena jīvitaparikkhārā samudānetabbā – cīvarapiṇḍapātasenāsanagilānappaccayabhesajjaparikkhārā – te kasirena samudāgacchanti .
Tena , bhikkhave , bhikkhunā iti paṭisañcikkhitabbaṃ
P1.105 –‘ ahaṃ kho imaṃ vanapatthaṃ upanissāya viharāmi , tassa me imaṃ vanapatthaṃ upanissāya viharato anupaṭṭhitā ceva sati na upaṭṭhāti , asamāhitañca cittaṃ na samādhiyati , aparikkhīṇā ca āsavā na parikkhayaṃ gacchanti , ananuppattañca anuttaraṃ yogakkhemaṃ nānupāpuṇāmi .
Ye ca kho ime pabbajitena jīvitaparikkhārā
T1.213 samudānetabbā – cīvarapiṇḍapātasenāsanagilānappaccayabhesajjaparikkhārā – te kasirena samudāgacchantī ’ ti .Tena , bhikkhave , bhikkhunā rattibhāgaṃ vā divasabhāgaṃ vā tamhā vanapatthā pakkamitabbaṃ , na vatthabbaṃ .
192.‘‘ Idha pana , bhikkhave , bhikkhu aññataraṃ vanapatthaṃ upanissāya viharati .
Tassa taṃ vanapatthaṃ upanissāya viharato anupaṭṭhitā ceva sati na upaṭṭhāti , asamāhitañca cittaṃ na samādhiyati , aparikkhīṇā ca āsavā na parikkhayaṃ gacchanti , ananuppattañca anuttaraṃ yogakkhemaṃ nānupāpuṇāti .
Ye ca kho ime pabbajitena jīvitaparikkhārā samudānetabbā – cīvarapiṇḍapātasenāsanagilānappaccayabhesajjaparikkhārā – te appakasirena samudāgacchanti .
Tena
V1.151 , bhikkhave , bhikkhunā iti paṭisañcikkhitabbaṃ –‘ ahaṃ kho imaṃ vanapatthaṃ upanissāya viharāmi .
Tassa me imaṃ vanapatthaṃ upanissāya viharato anupaṭṭhitā ceva sati na upaṭṭhāti asamāhitañca cittaṃ na samādhiyati , aparikkhīṇā ca āsavā na parikkhayaṃ gacchanti , ananuppattañca anuttaraṃ yogakkhemaṃ nānupāpuṇāmi .
Ye ca kho ime pabbajitena jīvitaparikkhārā samudānetabbā – cīvarapiṇḍapātasenāsanagilānappaccayabhesajjaparikkhārā – te appakasirena samudāgacchanti .
Na kho panāhaṃ cīvarahetu agārasmā anagāriyaṃ pabbajito na piṇḍapātahetu … pe … na senāsanahetu … pe … na gilānappaccayabhesajjaparikkhārahetu agārasmā anagāriyaṃ pabbajito .
Atha ca pana me imaṃ
T1.214 vanapatthaṃ upanissāya viharato anupaṭṭhitā ceva sati na upaṭṭhāti , asamāhitañca cittaṃ na samādhiyati , aparikkhīṇā ca āsavā na parikkhayaṃ gacchanti , ananuppattañca anuttaraṃ yogakkhemaṃ nānupāpuṇāmī ’ ti .Tena , bhikkhave , bhikkhunā saṅkhāpi tamhā vanapatthā pakkamitabbaṃ , na vatthabbaṃ .
193.‘‘ Idha
M1.151 pana , bhikkhave , bhikkhu aññataraṃ vanapatthaṃ upanissāya viharati .Tassa taṃ vanapatthaṃ upanissāya viharato anupaṭṭhitā ceva sati upaṭṭhāti , asamāhitañca cittaṃ samādhiyati , aparikkhīṇā ca āsavā parikkhayaṃ gacchanti , ananuppattañca anuttaraṃ yogakkhemaṃ anupāpuṇāti .
Ye ca kho ime pabbajitena jīvitaparikkhārā samudānetabbā – cīvarapiṇḍapātasenāsanagilānappaccayabhesajjaparikkhārā , te kasirena samudāgacchanti .
Tena , bhikkhave , bhikkhunā iti paṭisañcikkhitabbaṃ
P1.106 –‘ ahaṃ kho imaṃ vanapatthaṃ upanissāya viharāmi .
Tassa me imaṃ vanapatthaṃ upanissāya viharato anupaṭṭhitā ceva sati upaṭṭhāti asamāhitañca cittaṃ samādhiyati , aparikkhīṇā ca āsavā parikkhayaṃ gacchanti , ananuppattañca anuttaraṃ yogakkhemaṃ anupāpuṇāmi .
Ye ca kho ime pabbajitena jīvitaparikkhārā samudānetabbā – cīvarapiṇḍapātasenāsanagilānappaccayabhesajjaparikkhārā – te kasirena samudāgacchanti .
Na kho panāhaṃ cīvarahetu agārasmā anagāriyaṃ pabbajito , na piṇḍapātahetu … pe … na senāsanahetu … pe … na gilānappaccayabhesajjaparikkhārahetu agārasmā anagāriyaṃ pabbajito
T1.215 .Atha ca pana me imaṃ vanapatthaṃ upanissāya viharato anupaṭṭhitā ceva sati upaṭṭhāti , asamāhitañca cittaṃ samādhiyati , aparikkhīṇā ca āsavā parikkhayaṃ gacchanti , ananuppattañca anuttaraṃ yogakkhemaṃ anupāpuṇāmī ’ ti .
Tena , bhikkhave , bhikkhunā saṅkhāpi tasmiṃ vanapatthe vatthabbaṃ , na pakkamitabbaṃ .
194.‘‘ Idha
V1.152 pana , bhikkhave , bhikkhu aññataraṃ vanapatthaṃ upanissāya viharati .Tassa taṃ vanapatthaṃ upanissāya viharato anupaṭṭhitā ceva sati upaṭṭhāti , asamāhitañca cittaṃ samādhiyati , aparikkhīṇā ca āsavā parikkhayaṃ gacchanti , ananuppattañca anuttaraṃ yogakkhemaṃ anupāpuṇāti .
Ye ca kho ime pabbajitena jīvitaparikkhārā samudānetabbā – cīvarapiṇḍapātasenāsanagilānappaccayabhesajjaparikkhārā – te appakasirena samudāgacchanti .
Tena , bhikkhave , bhikkhunā iti paṭisañcikkhitabbaṃ –
‘ ahaṃ kho imaṃ vanapatthaṃ upanissāya viharāmi .
Tassa me imaṃ vanapatthaṃ upanissāya viharato anupaṭṭhitā ceva sati upaṭṭhāti asamāhitañca cittaṃ samādhiyati , aparikkhīṇā ca āsavā parikkhayaṃ gacchanti , ananuppattañca anuttaraṃ yogakkhemaṃ anupāpuṇāmi .
Ye ca kho ime pabbajitena jīvitaparikkhārā samudānetabbā – cīvarapiṇḍapātasenāsanagilānappaccayabhesajjaparikkhārā – te appakasirena samudāgacchantī ’ ti
M1.152 .Tena , bhikkhave , bhikkhunā yāvajīvampi tasmiṃ vanapatthe vatthabbaṃ , na pakkamitabbaṃ .
195.‘‘ Idha , bhikkhave , bhikkhu aññataraṃ gāmaṃ upanissāya viharati
T1.216 … pe … aññataraṃ nigamaṃ upanissāya viharati … pe … aññataraṃ nagaraṃ upanissāya viharati … pe … aññataraṃ janapadaṃ upanissāya viharati … pe … aññataraṃ puggalaṃ upanissāya viharati .Tassa taṃ puggalaṃ upanissāya viharato anupaṭṭhitā ceva sati na upaṭṭhāti , asamāhitañca cittaṃ na samādhiyati , aparikkhīṇā ca āsavā na parikkhayaṃ gacchanti , ananuppattañca anuttaraṃ yogakkhemaṃ nānupāpuṇāti .
Ye ca kho ime pabbajitena jīvitaparikkhārā samudānetabbā – cīvarapiṇḍapātasenāsanagilānappaccayabhesajjaparikkhārā – te kasirena samudāgacchanti .
Tena , bhikkhave , bhikkhunā iti paṭisañcikkhitabbaṃ –
‘ ahaṃ kho imaṃ puggalaṃ upanissāya viharāmi .
Tassa me imaṃ puggalaṃ upanissāya viharato anupaṭṭhitā ceva sati na upaṭṭhāti , asamāhitañca cittaṃ na samādhiyati , aparikkhīṇā ca āsavā na parikkhayaṃ gacchanti , ananuppattañca anuttaraṃ yogakkhemaṃ nānupāpuṇāmi .
Ye ca kho ime pabbajitena jīvitaparikkhārā samudānetabbā – cīvarapiṇḍapātasenāsanagilānappaccayabhesajjaparikkhārā – te kasirena samudāgacchantī ’ ti .
Tena , bhikkhave , bhikkhunā rattibhāgaṃ vā divasabhāgaṃ vā so puggalo anāpucchā pakkamitabbaṃ , nānubandhitabbo .
196.‘‘ Idha pana , bhikkhave , bhikkhu aññataraṃ puggalaṃ upanissāya viharati .
Tassa taṃ
V1.153 puggalaṃ upanissāya viharato anupaṭṭhitāP1.107 ceva sati na upaṭṭhāti , asamāhitañca cittaṃ na samādhiyati , aparikkhīṇā caT1.217 āsavā na parikkhayaṃ gacchanti , ananuppattañca anuttaraṃ yogakkhemaṃ nānupāpuṇāti .Ye ca kho ime pabbajitena jīvitaparikkhārā samudānetabbā – cīvarapiṇḍapātasenāsanagilānappaccayabhesajjaparikkhārā , te appakasirena samudāgacchanti .
Tena , bhikkhave , bhikkhunā iti paṭisañcikkhitabbaṃ –
‘ ahaṃ kho imaṃ puggalaṃ upanissāya viharāmi .
Tassa me imaṃ puggalaṃ upanissāya viharato anupaṭṭhitā ceva sati na upaṭṭhāti , asamāhitañca cittaṃ na samādhiyati , aparikkhīṇā ca āsavā na parikkhayaṃ gacchanti , ananuppattañca anuttaraṃ yogakkhemaṃ nānupāpuṇāmi .
Ye ca kho ime pabbajitena jīvitaparikkhārā samudānetabbā – cīvarapiṇḍapātasenāsanagilānappaccayabhesajjaparikkhārā
M1.153 – te appakasirena samudāgacchanti .Na kho panāhaṃ cīvarahetu agārasmā anagāriyaṃ pabbajito , na piṇḍapātahetu … pe … na senāsanahetu … pe … na gilānappaccayabhesajjaparikkhārahetu agārasmā anagāriyaṃ pabbajito .
Atha ca pana me imaṃ puggalaṃ upanissāya viharato anupaṭṭhitā ceva sati na upaṭṭhāti , asamāhitañca cittaṃ na samādhiyati , aparikkhīṇā ca āsavā na parikkhayaṃ gacchanti , ananuppattañca anuttaraṃ yogakkhemaṃ nānupāpuṇāmī ’ ti .
Tena , bhikkhave , bhikkhunā saṅkhāpi so puggalo āpucchā pakkamitabbaṃ , nānubandhitabbo .
197.‘‘ Idha pana , bhikkhave , bhikkhu aññataraṃ puggalaṃ upanissāya viharati .
Tassa taṃ puggalaṃ upanissāya viharato anupaṭṭhitā ceva sati upaṭṭhāti , asamāhitañca
T1.218 cittaṃ samādhiyati , aparikkhīṇā ca āsavā parikkhayaṃ gacchanti , ananuppattañca anuttaraṃ yogakkhemaṃ anupāpuṇāti .Ye ca kho ime pabbajitena jīvitaparikkhārā samudānetabbā – cīvarapiṇḍapātasenāsanagilānappaccayabhesajjaparikkhārā – te kasirena samudāgacchanti .
Tena , bhikkhave , bhikkhunā iti paṭisañcikkhitabbaṃ –
‘ ahaṃ kho imaṃ puggalaṃ upanissāya viharāmi .
Tassa me imaṃ puggalaṃ upanissāya viharato anupaṭṭhitā ceva sati upaṭṭhāti , asamāhitañca cittaṃ samādhiyati , aparikkhīṇā ca āsavā parikkhayaṃ gacchanti , ananuppattañca anuttaraṃ yogakkhemaṃ anupāpuṇāmi .
Ye ca kho ime pabbajitena jīvitaparikkhārā samudānetabbā – cīvarapiṇḍapātasenāsanagilānappaccayabhesajjaparikkhārā – te kasirena samudāgacchanti .
Na kho panāhaṃ cīvarahetu agārasmā anagāriyaṃ pabbajito , na piṇḍapātahetu … pe … na senāsanahetu … pe … na gilānappaccayabhesajjaparikkhārahetu agārasmā
V1.154 anagāriyaṃ pabbajito .Atha ca pana me imaṃ puggalaṃ upanissāya viharato anupaṭṭhitā ceva sati upaṭṭhāti , asamāhitañca cittaṃ samādhiyati , aparikkhīṇā ca āsavā parikkhayaṃ gacchanti , ananuppattañca anuttaraṃ yogakkhemaṃ anupāpuṇāmī ’ ti .
Tena , bhikkhave , bhikkhunā saṅkhāpi so puggalo anubandhitabbo , na pakkamitabbaṃ .
198.‘‘ Idha pana , bhikkhave , bhikkhu aññataraṃ puggalaṃ upanissāya viharati .
Tassa taṃ puggalaṃ upanissāya viharato anupaṭṭhitā ceva sati
T1.219 upaṭṭhāti , asamāhitañca cittaṃ samādhiyati , aparikkhīṇā ca āsavā parikkhayaṃ gacchantiM1.154 , ananuppattañca anuttaraṃ yogakkhemaṃ anupāpuṇāti .Ye ca kho ime pabbajitena jīvitaparikkhārā samudānetabbā – cīvarapiṇḍapātasenāsanagilānappaccayabhesajjaparikkhārā – te appakasirena samudāgacchanti .
Tena , bhikkhave , bhikkhunā iti paṭisañcikkhitabbaṃ –
‘ ahaṃ kho imaṃ puggalaṃ upanissāya viharāmi
P1.108 .Tassa me imaṃ puggalaṃ upanissāya viharato anupaṭṭhitā ceva sati upaṭṭhāti , asamāhitañca cittaṃ samādhiyati , aparikkhīṇā ca āsavā parikkhayaṃ gacchanti , ananuppattañca anuttaraṃ yogakkhemaṃ anupāpuṇāmi .
Ye ca kho ime pabbajitena jīvitaparikkhārā samudānetabbā – cīvarapiṇḍapātasenāsanagilānappaccayabhesajjaparikkhārā – te appakasirena samudāgacchantī ’ ti .
Tena , bhikkhave , bhikkhunā yāvajīvampi so puggalo anubandhitabbo , na pakkamitabbaṃ , api panujjamānenapī ’’ ti [ api paṇujjamānenāti (?)].
Idamavoca bhagavā .
Attamanā te bhikkhū bhagavato bhāsitaṃ abhinandunti .
Vanapatthasuttaṃ niṭṭhitaṃ sattamaṃ .