Bhāvanā pahātabbāsavā
27.‘‘ Katame ca , bhikkhave , āsavā bhāvanā pahātabbā ?
Idha , bhikkhave , bhikkhu paṭisaṅkhā yoniso satisambojjhaṅgaṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ ;
paṭisaṅkhā yoniso dhammavicayasambojjhaṅgaṃ bhāveti … pe … vīriyasambojjhaṅgaṃ bhāveti … pītisambojjhaṅgaṃ bhāveti …
V1.16 passaddhisambojjhaṅgaṃ bhāveti … samādhisambojjhaṅgaṃ bhāveti … upekkhāsambojjhaṅgaṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ .‘‘ Yañhissa , bhikkhave
T1.20 , abhāvayato uppajjeyyuṃ āsavā vighātapariḷāhā , bhāvayato evaṃsa te āsavā vighātapariḷāhā na honti .Ime vuccanti , bhikkhave , āsavā bhāvanā pahātabbā .
28.‘‘ Yato kho , bhikkhave , bhikkhuno ye āsavā dassanā pahātabbā te dassanā pahīnā honti , ye āsavā saṃvarā pahātabbā
M1.15 te saṃvarā pahīnā honti , ye āsavā paṭisevanā pahātabbā te paṭisevanā pahīnā honti , ye āsavā adhivāsanā pahātabbā te adhivāsanā pahīnā honti , ye āsavā parivajjanā pahātabbāP1.12 te parivajjanā pahīnā honti , ye āsavā vinodanā pahātabbā te vinodanā pahīnā honti , ye āsavā bhāvanā pahātabbā te bhāvanā pahīnā honti ;ayaṃ vuccati , bhikkhave –
‘ bhikkhu sabbāsavasaṃvarasaṃvuto viharati , acchecchi [ acchejji ( ka .)] taṇhaṃ , vivattayi [ vāvattayi ( sī . pī .)] saṃyojanaṃ , sammā mānābhisamayā antamakāsi dukkhassā ’’’ ti .
Idamavoca bhagavā .
Attamanā te bhikkhū bhagavato bhāsitaṃ abhinandunti .
Sabbāsavasuttaṃ niṭṭhitaṃ dutiyaṃ .