6. Opammasaṃsandanavaṇṇanā
28-36.
Upaladdhisāmaññena aññattapucchā cāti iminā dvayampi uddharati upaladdhisāmaññena aññattapucchā , upaladdhisāmaññena pucchā cāti .
Tattha pacchimaṃ sandhāyāha ‘‘ dvinnaṃ samānatā ’’ tiādi .
Tassattho – dvinnaṃ rūpavedanānaṃ viya rūpapuggalānaṃ saccikaṭṭhena samānatā
V0.73 tesaṃ aññattassa kāraṇaṃ yuttaṃ na hoti .Atha kho … pe … upalabbhanīyatāti idañca saṃsandanaṃ vicāretabbaṃ .
Ayaṃ hettha adhippāyo – yadi saccikaṭṭhasāmaññena rūpapuggalānaṃ upaladdhisāmaññaṃ icchitaṃ , teneva nesaṃ aññattampi icchitabbaṃ .
Atha paramatthavohārabhedato tesaṃ aññattaṃ na icchitaṃ , tato eva upaladdhisāmaññampi na icchitabbanti .
37-45.
Upaladdhīti puggalassa upaladdhi vijjamānatā .
‘‘ Paṭikammapañcakan ’’ ti viññāyatīti yojanā .
Opammasaṃsandanavaṇṇanā niṭṭhitā .