13. Terasamavaggo
1. Kappaṭṭhakathāvaṇṇanā
654-657.
‘‘ Heṭṭhā
M0.136 vuttādhippāyamevā ’’ ti idaṃ iddhibalakathāyaṃ yaṃ vuttaṃ ‘‘ atītaṃ anāgatanti idaṃ avisesena kappaṃ tiṭṭheyyāti paṭiññātattā codetī ’’ tiādi , taṃ sandhāya vuttanti āha ‘‘ heṭṭhāti iddhibalakathāyan ’’ ti .Tattha ‘‘ dve kappe ’’ tiādiāyuparicchedātikkamasamatthatācodanāvasena āgatā , idha pana saṅghabhedako āyukappameva aṭṭhatvā yadi ekaṃ mahākappaṃ tiṭṭheyya , yathā ekaṃ , evaṃ anekepi kappe tiṭṭheyyāti codanā kātabbā .
Kappaṭṭhakathāvaṇṇanā niṭṭhitā .
4. Niyatassaniyāmakathāvaṇṇanā
663-664.
Appattaniyāmānan ti
V0.140 ye anuppannamicchattasammattaniyatadhammā puggalā , tesaṃ dhamme .Ke pana te ?
Yathāvuttapuggalasantānapariyāpannā dhammā .
Te hi bhūmittayapariyāpannatāya ‘‘ tebhūmakā ’’ ti vuttā .
Ye pana pattaniyāmānaṃ santāne pavattā aniyatadhammā , na tesamettha saṅgaho kato .
Na hi tehi samannāgamena aniyatatā atthi .
Tenevāha ‘‘ tehi samannāgatopi aniyatoyevā ’’ ti .
Imaṃ vohāramattan ti iminā niyāmo nāma koci dhammo natthi , upacitasambhāratāya abhisambujjhituṃ bhabbatāva tathā vuccatīti dasseti .
Niyatoti vacanassa kāraṇabhāvena vuttoti yojanā .
Ubhayassapīti niyato niyāmaṃ okkamatīti vacanadvayassa .
Niyatassaniyāmakathāvaṇṇanā niṭṭhitā .
8. Asātarāgakathāvaṇṇanā
674. Evaṃ pavattamānoti ‘‘ aho vata me bhaveyyā ’’ ti evaṃ patthanākārena pavattamāno .
Aññathāti nandanādiākārena .
Asātarāgakathāvaṇṇanā niṭṭhitā .
9. Dhammataṇhāabyākatātikathāvaṇṇanā
676-680.
Gahetvāti
M0.137 etena gahaṇamattameva taṃ , na pana sā tādisī atthīti dasseti .Na hi lokuttarārammaṇā abyākatā vā taṇhā atthīti .
Tīhi koṭṭhāsehīti kāmabhavavibhavataṇhākoṭṭhāsehi .
Rūpataṇhādibhedā chapi taṇhā .
Dhammataṇhāabyākatātikathāvaṇṇanā niṭṭhitā .
Terasamavaggavaṇṇanā niṭṭhitā .