16. Soḷasamavaggo
3. Sukhānuppadānakathāvaṇṇanā
747-748.
Na tassāti yassa taṃ anuppadissati , na tassa .
Yo hi anuppadeti , yassa ca anuppadeti , tadubhayavinimuttā idha pareti adhippetā .
Sukhānuppadānakathāvaṇṇanā niṭṭhitā .
4. Adhigayhamanasikārakathāvaṇṇanā
749-753.
Taṃcittatāyāti
M0.142 ettha manasikaronto yadi sabbasaṅkhāre ekato manasi karoti , yena cittena manasi karoti , sabbasaṅkhārantogadhattā tasmiṃyeva khaṇe taṃ cittaṃ manasi kātabbaṃ etassāti taṃcittatā nāma doso āpajjatīti dassento āha ‘‘ tadeva ārammaṇabhūtan ’’ tiādi .Etena tasseva tena manasikaraṇāsambhavamāha , taṃ vātiādinā pana sasaṃvedanāvādāpattinti ayametesaṃ viseso .
Adhigayhamanasikārakathāvaṇṇanā niṭṭhitā .
Soḷasamavaggavaṇṇanā niṭṭhitā .