Issues
ຕົວແກ້ໄຂ
ຕັ້ງຄ່າ
Kathāvatthupakaraṇa-anuṭīkā
Kathāvatthupakaraṇa-anuṭīkā

5. Pañcamavaggo

ຜູ້ຂຽນ： _System_Pali_VRI_ @ Administrator

5. Pañcamavaggo

1. Vimuttikathāvaṇṇanā

418. PhalañāṇaṃM0.114V0.114 na hoti , sesāni vipassanāmaggapaccavekkhaṇañāṇāni vimuttānīti na vattabbānīti sambandho .
Etthāti etesu catūsu ñāṇesu .
Vipassanāggahaṇena gahitaṃ maggādikiccavidūrakiccattā vipassanāpariyosānattā ca .
Vimuttikathāvaṇṇanā niṭṭhitā .

2. Asekhañāṇakathāvaṇṇanā

421. Asekhe ārabbha pavattattā asekhañāṇanti parassa laddhi , na asekhe asekhadhamme pariyāpannanti imamatthamāha ‘‘ etena … pe … dassetī ’’ ti .
Asekhañāṇakathāvaṇṇanā niṭṭhitā .

3. Viparītakathāvaṇṇanā

424. Asive sivāti vohāraṃ viya aññāṇe … pe … vadati .
Viparītakathāvaṇṇanā niṭṭhitā .

4. Niyāmakathāvaṇṇanā

428-431.
Yan tiV0.115 yaṃ ñāṇaṃ .
Saccānuloman ti saccappaṭivedhānukūlaṃ .
Viparītānuyogato pabhuti gaṇetvā ‘‘ catutthan ’’ ti āha na aniyatassa niyāmagamanāyāti aviparītānuyogato pabhuti gaṇetvā , tathā sati pañcamabhāvato visesabhāvato ca .
Niyāmakathāvaṇṇanā niṭṭhitā .

5. Paṭisambhidākathāvaṇṇanā

432-433.
SabbaṃM0.115 ñāṇan ti idaṃ ‘‘ ariyānan ’’ ti iminā na visesitanti adhippāyenāha ‘‘ anariyānampi hi ñāṇaṃ ñāṇamevā ’’ ti .
Atha vā pāḷiyaṃ avisesena sabbaṃ ñāṇanti vuttaṃ gahetvā evamāha .
Ariyassa ce ñāṇanti , so pana paṭikkhepeyyāti āha ‘‘ anariyassa etaṃ ñāṇaṃ sandhāyā ’’ ti .
Paṭisambhidākathāvaṇṇanā niṭṭhitā .

7. Cittārammaṇakathāvaṇṇanā

436-438.
Vattabbapaṭiññāti phassārammaṇe ñāṇaṃ vattabbaṃ cetopariyañāṇanti evaṃ pavattā paṭiññā .
Cittārammaṇakathāvaṇṇanā niṭṭhitā .

8. Anāgatañāṇakathāvaṇṇanā

439-440.
AnantarānāgatepiV0.116 citte ñāṇaṃ icchanti , tattha pana khaṇapaccuppanne viya tādisena parikammena kadāci ñāṇaṃ uppajjeyya .
Tenāha ‘‘ anantare ekanteneva ñāṇaṃ natthī ’’ ti .
Anāgatañāṇakathāvaṇṇanā niṭṭhitā .

9. Paṭuppannañāṇakathāvaṇṇanā

441-442.
‘‘ Sabbasaṅkhāresu aniccato diṭṭhesū ’’ ti vutte yaṃ dassanabhūtaṃ ñāṇaṃ , tampi saṅkhārasabhāvattā tathādiṭṭhaṃ siyāti atthato āpajjati , evaṃbhūtaṃ vacanaṃ sandhāyāha ‘‘ atthato āpannaṃ vacanan ’’ ti .
Taṃ pana yasmā ‘‘ tampi ñāṇaṃ aniccato diṭṭhaṃ hotī ’’ ti paṭijānanavasena pavattaṃ , tasmā ‘‘ anujānanavacanan ’’ ti vuttaṃ .
Bhaṅgānupassanānaṃ pabandhavasena pavattamānānaṃ .
Paṭuppannañāṇakathāvaṇṇanā niṭṭhitā .

10. Phalañāṇakathāvaṇṇanā

443-444.
PhalaparopariyattaṃM0.116 phalassa uccāvacatā .
Balenāti ñāṇabalena .
Phalañāṇakathāvaṇṇanā niṭṭhitā .
Pañcamavaggavaṇṇanā niṭṭhitā .
Mahāpaṇṇāsako samatto .