8. Appasādapavedanīyasuttaṃ
88.‘‘ Aṭṭhahi , bhikkhave , dhammehi samannāgatassa bhikkhuno ākaṅkhamānā upāsakā appasādaṃ pavedeyyuṃ .
Katamehi aṭṭhahi ?
Gihīnaṃ alābhāya parisakkati , gihīnaṃ anatthāya parisakkati , gihī akkosati paribhāsati , gihī gihīhi bhedeti , buddhassa avaṇṇaṃ bhāsati , dhammassa avaṇṇaṃ bhāsati , saṅghassa avaṇṇaṃ bhāsati , agocare ca naṃ passanti .
Imehi
T4.358 kho , bhikkhave , aṭṭhahi dhammehi samannāgatassa bhikkhuno ākaṅkhamānā upāsakā appasādaṃ pavedeyyuṃ .‘‘ Aṭṭhahi
V3.165P4.346 , bhikkhave , dhammehi samannāgatassa bhikkhuno ākaṅkhamānā upāsakā pasādaṃ pavedeyyuṃ .Katamehi aṭṭhahi ?
Na gihīnaṃ alābhāya parisakkati , na gihīnaṃ anatthāya parisakkati , na gihī akkosati paribhāsati , na gihī gihīhi bhedeti , buddhassa vaṇṇaṃ bhāsati , dhammassa vaṇṇaṃ bhāsati , saṅghassa vaṇṇaṃ bhāsati , gocare ca naṃ passanti .
Imehi kho , bhikkhave
M3.159 , aṭṭhahi dhammehi samannāgatassa bhikkhuno ākaṅkhamānā upāsakā pasādaṃ pavedeyyun ’’ ti .Aṭṭhamaṃ .