8. Dutiyaāhuneyyasuttaṃ
58.‘‘ Aṭṭhahi , bhikkhave , dhammehi samannāgato bhikkhu āhuneyyo hoti … pe … anuttaraṃ puññakkhettaṃ lokassa .
Katamehi aṭṭhahi ?
Idha , bhikkhave , bhikkhu sīlavā hoti
V3.118 … pe … samādāya sikkhati sikkhāpadesu ;bahussuto hoti … pe … diṭṭhiyā suppaṭividdhā ;
āraddhavīriyo viharati thāmavā daḷhaparakkamo anikkhittadhuro kusalesu dhammesu ;
āraññiko hoti pantasenāsano ;
aratiratisaho hoti , uppannaṃ aratiṃ abhibhuyya abhibhuyya viharati ;
bhayabheravasaho hoti , uppannaṃ bhayabheravaṃ abhibhuyya abhibhuyya viharati
P4.292 ;catunnaṃ jhānānaṃ ābhicetasikānaṃ diṭṭhadhammasukhavihārānaṃ nikāmalābhī hoti akicchalābhī akasiralābhī ;
āsavānaṃ khayā … pe … sacchikatvā
T4.301 upasampajja viharati .Imehi kho , bhikkhave , aṭṭhahi dhammehi samannāgato bhikkhu āhuneyyo … pe … anuttaraṃ puññakkhettaṃ lokassā ’’ ti .
Aṭṭhamaṃ .