9. Abhisandasuttaṃ
39.‘‘ Aṭṭhime
M3.76 , bhikkhave , puññābhisandā kusalābhisandā sukhassāhārāT4.250 sovaggikā sukhavipākāV3.77 saggasaṃvattanikā , iṭṭhāya kantāya manāpāya hitāya sukhāya saṃvattanti .Katame aṭṭha ?
Idha , bhikkhave , ariyasāvako buddhaṃ saraṇaṃ gato hoti .
Ayaṃ , bhikkhave , paṭhamo puññābhisando kusalābhisando sukhassāhāro sovaggiko sukhavipāko saggasaṃvattaniko , iṭṭhāya kantāya manāpāya hitāya sukhāya saṃvattati .
‘‘ Puna caparaṃ , bhikkhave , ariyasāvako dhammaṃ saraṇaṃ gato hoti .
Ayaṃ , bhikkhave , dutiyo puññābhisando … pe … saṃvattati .
‘‘ Puna caparaṃ , bhikkhave , ariyasāvako saṅghaṃ saraṇaṃ gato hoti .
Ayaṃ , bhikkhave , tatiyo puññābhisando kusalābhisando sukhassāhāro sovaggiko sukhavipāko saggasaṃvattaniko , iṭṭhāya kantāya manāpāya hitāya sukhāya saṃvattati .
[ kathā .480]‘‘ Pañcimāni
P4.246 , bhikkhave , dānāni mahādānāni aggaññāni rattaññāni vaṃsaññāni porāṇāni asaṃkiṇṇāni asaṃkiṇṇapubbāni , na saṃkiyanti na saṃkiyissanti , appaṭikuṭṭhāni [ appatikuṭṭhāni ( sī .)] samaṇehi brāhmaṇehi viññūhi .Katamāni pañca ?
Idha , bhikkhave , ariyasāvako pāṇātipātaṃ pahāya pāṇātipātā paṭivirato hoti .
Pāṇātipātā paṭivirato , bhikkhave , ariyasāvako aparimāṇānaṃ sattānaṃ abhayaṃ deti , averaṃ deti , abyābajjhaṃ [ abyāpajjhaṃ ( ka .) evamuparipi ] deti .
Aparimāṇānaṃ sattānaṃ abhayaṃ datvā averaṃ datvā abyābajjhaṃ datvā aparimāṇassa abhayassa averassa abyābajjhassa bhāgī hoti .
Idaṃ , bhikkhave , paṭhamaṃ dānaṃ mahādānaṃ aggaññaṃ rattaññaṃ vaṃsaññaṃ porāṇaṃ asaṃkiṇṇaṃ asaṃkiṇṇapubbaṃ , na saṃkiyati na saṃkiyissati , appaṭikuṭṭhaṃ samaṇehi
T4.251 brāhmaṇehi viññūhi .Ayaṃ , bhikkhave , catuttho puññābhisando kusalābhisando sukhassāhāro sovaggiko sukhavipāko saggasaṃvattaniko , iṭṭhāya kantāya manāpāya hitāya sukhāya saṃvattati .
‘‘ Puna caparaṃ , bhikkhave , ariyasāvako adinnādānaṃ pahāya adinnādānā paṭivirato hoti … pe … kāmesumicchācāraṃ pahāya kāmesumicchācārā paṭivirato
M3.77 hoti … pe … musāvādaṃ pahāya musāvādā paṭivirato hoti … pe … surāmerayamajjapamādaṭṭhānaṃ pahāya surāmerayamajjapamādaṭṭhānā paṭivirato hoti .Surāmerayamajjapamādaṭṭhānā paṭivirato , bhikkhave , ariyasāvako
V3.78 aparimāṇānaṃ sattānaṃ abhayaṃ deti averaṃ deti abyābajjhaṃ deti .Aparimāṇānaṃ sattānaṃ abhayaṃ datvā averaṃ datvā abyābajjhaṃ datvā , aparimāṇassa abhayassa averassa abyābajjhassa bhāgī hoti .
Idaṃ , bhikkhave , pañcamaṃ dānaṃ mahādānaṃ aggaññaṃ rattaññaṃ vaṃsaññaṃ porāṇaṃ asaṃkiṇṇaṃ asaṃkiṇṇapubbaṃ , na saṃkiyati na saṃkiyissati , appaṭikuṭṭhaṃ samaṇehi brāhmaṇehi viññūhi .
Ayaṃ kho , bhikkhave , aṭṭhamo puññābhisando kusalābhisando
P4.247 sukhassāhāro sovaggiko sukhavipāko saggasaṃvattaniko , iṭṭhāya kantāya manāpāya hitāya sukhāya saṃvattati .Ime kho , bhikkhave , aṭṭha puññābhisandā kusalābhisandā sukhassāhārā sovaggikā sukhavipākā saggasaṃvattanikā , iṭṭhāya kantāya manāpāya hitāya sukhāya saṃvattantī ’’ ti .
Navamaṃ .