7. Icchāsuttaṃ

sāsanāre-သာသနာရေး

မြန်မာဘာသာ

7. Icchāsuttaṃ

作者： _System_Pali_VRI_ @ Administrator

7. Icchāsuttaṃ

77. TatraM3.143V3.148 kho āyasmā sāriputto bhikkhū āmantesi –

‘‘ āvuso bhikkhavo ’’ ti !

‘‘ Āvuso ’’ ti kho te bhikkhū āyasmato sāriputtassa paccassosuṃ .

Āyasmā sāriputto etadavoca –

[ a . ni .8.61]‘‘ Aṭṭhime , āvuso , puggalā santo saṃvijjamānā lokasmiṃ .

Katame aṭṭha ?

Idhāvuso , bhikkhuno pavivittassa viharato nirāyattavuttino icchā uppajjati lābhāya .

So uṭṭhahati , ghaṭati , vāyamati lābhāya .

Tassa uṭṭhahato , ghaṭato , vāyamato lābhāya lābho nuppajjati .

So tena alābhena socati kilamati paridevati , urattāḷiṃ kandati , sammohaṃ āpajjati .

Ayaṃ vuccatāvuso ,‘ bhikkhu iccho viharati lābhāya , uṭṭhahati , ghaṭatiP4.326 , vāyamati lābhāya , na ca lābhī , socī ca paridevī ca , cuto ca saddhammā ’’’.

‘‘ Idha panāvuso , bhikkhuno pavivittassa viharato nirāyattavuttino icchā uppajjati lābhāya .

So uṭṭhahati , ghaṭati , vāyamati lābhāya .

Tassa uṭṭhahato ghaṭato vāyamato lābhāya lābho uppajjati .

So tenaT4.338 lābhena majjati pamajjati pamādamāpajjati .

Ayaṃ vuccatāvuso ,‘ bhikkhu iccho viharati lābhāya , uṭṭhahati ghaṭati vāyamati lābhāya , lābhī ca , madī ca pamādī ca , cuto ca saddhammā ’’’.

‘‘ Idha panāvuso , bhikkhuno pavivittassa viharato nirāyattavuttino icchā uppajjati lābhāya .

So na uṭṭhahati , na ghaṭati , na vāyamati lābhāya .

Tassa anuṭṭhahato , aghaṭato , avāyamato lābhāya lābho nuppajjati .

So tena alābhena socati kilamati paridevati , urattāḷiṃ kandati , sammohaṃ āpajjati .

Ayaṃ vuccatāvuso ,‘ bhikkhu iccho viharati lābhāya , na uṭṭhahati , na ghaṭati , na vāyamati lābhāya , na ca lābhī , socī ca paridevī ca , cuto ca saddhammā ’’’.

‘‘ Idha panāvuso , bhikkhuno pavivittassa viharato nirāyattavuttino icchā uppajjati lābhāya .

So na uṭṭhahati , na ghaṭati , na vāyamati lābhāya .

Tassa anuṭṭhahato , aghaṭato , avāyamatoV3.149 lābhāya lābho uppajjati .

So tena lābhena majjati pamajjati pamādamāpajjati .

Ayaṃ vuccatāvuso ,‘ bhikkhu iccho viharati lābhāya , na uṭṭhahati naM3.144 ghaṭati na vāyamati lābhāya , lābhī ca , madī ca pamādī ca , cuto ca saddhammā ’’’.

‘‘ Idha panāvuso , bhikkhuno pavivittassa viharato nirāyattavuttino icchā uppajjati lābhāya .

So uṭṭhahati , ghaṭati , vāyamati lābhāya .

Tassa uṭṭhahato , ghaṭato , vāyamato lābhāya , lābho nuppajjati .

So tena alābhena na socati na kilamatiP4.327 na paridevati , na urattāḷiṃ kandati , na sammohaṃT4.339 āpajjati .

Ayaṃ vuccatāvuso ,‘ bhikkhu iccho viharati lābhāya , uṭṭhahati ghaṭati vāyamati lābhāya , na ca lābhī , na ca socī na ca paridevī , accuto ca saddhammā ’’’.

‘‘ Idha panāvuso , bhikkhuno pavivittassa viharato nirāyattavuttino icchā uppajjati lābhāya .

So uṭṭhahati , ghaṭati , vāyamati lābhāya .

Tassa uṭṭhahato , ghaṭato , vāyamato lābhāya , lābho uppajjati .

So tena lābhena na majjati na pamajjati na pamādamāpajjati .

Ayaṃ vuccatāvuso ,‘ bhikkhu iccho viharati lābhāya , uṭṭhahati , ghaṭati , vāyamati lābhāya , lābhī ca , na ca madī na ca pamādī , accuto ca saddhammā ’’’.

‘‘ Idha panāvuso , bhikkhuno pavivittassa viharato nirāyattavuttino icchā uppajjati lābhāya .

So na uṭṭhahati , na ghaṭati , na vāyamati lābhāya .

Tassa anuṭṭhahato , aghaṭato , avāyamato lābhāya , lābho nuppajjati .

So tena alābhena na socati na kilamati na paridevati , na urattāḷiṃ kandati , na sammohaṃ āpajjati .

Ayaṃ vuccatāvuso ,‘ bhikkhu iccho viharati lābhāya , na uṭṭhahati , na ghaṭati , na vāyamati lābhāya , na ca lābhī , na ca socī na ca paridevī , accuto ca saddhammā ’’’.

‘‘ Idha panāvuso , bhikkhuno pavivittassa viharato nirāyattavuttino icchā uppajjati lābhāya .

So na uṭṭhahati , na ghaṭati , na vāyamati lābhāya .

Tassa anuṭṭhahato , aghaṭato , avāyamato lābhāya , lābho uppajjati .

So tena lābhena na majjati na pamajjati na pamādamāpajjati .

Ayaṃ vuccatāvusoT4.340 ,‘ bhikkhu iccho viharati lābhāya , na uṭṭhahati , naP4.328 ghaṭatiV3.150 , na vāyamati lābhāya , lābhī ca , na ca madī na ca pamādī , accuto ca saddhammā ’.

Ime kho , āvuso , aṭṭha puggalā santo saṃvijjamānā lokasmin ’’ ti .

Sattamaṃ .