10. Dutiyaidhalokikasuttaṃ

Author： _System_Pali_VRI_ @ Administrator

10. Dutiyaidhalokikasuttaṃ

50.‘‘ CatūhiM3.99 , bhikkhave , dhammehi samannāgato mātugāmo idhalokavijayāya paṭipanno hoti , ayaṃsa loko āraddho hoti .

Katamehi catūhi ?

IdhaP4.272 , bhikkhave , mātugāmo susaṃvihitakammanto hoti , saṅgahitaparijano , bhattu manāpaṃ carati , sambhataṃ anurakkhati .

‘‘ Kathañca , bhikkhave , mātugāmo susaṃvihitakammanto hoti ?

Idha , bhikkhave , mātugāmo yeV3.101 te bhattu abbhantarā kammantā … pe … evaṃ kho , bhikkhave , mātugāmo susaṃvihitakammanto hoti .

‘‘ Kathañca , bhikkhave , mātugāmo saṅgahitaparijano hoti ?

Idha , bhikkhave , mātugāmo yo so bhattu abbhantaro antojano … pe … evaṃ kho , bhikkhave , mātugāmo saṅgahitaparijano hoti .

‘‘ KathañcaT4.279 , bhikkhave , mātugāmo bhattu manāpaṃ carati ?

Idha , bhikkhave , mātugāmo yaṃ bhattu amanāpasaṅkhātaṃ taṃ jīvitahetupi na ajjhācarati .

Evaṃ kho , bhikkhave , mātugāmo bhattu manāpaṃ carati .

‘‘ Kathañca , bhikkhave , mātugāmo sambhataṃ anurakkhati ?

Idha , bhikkhave , mātugāmo yaṃ bhattā āharati … pe … evaṃ kho , bhikkhave , mātugāmo sambhataṃ anurakkhati .

Imehi kho , bhikkhave , catūhi dhammehi samannāgato mātugāmo idhalokavijayāya paṭipanno hoti , ayaṃsa loko āraddho hoti .

‘‘ Catūhi , bhikkhave , dhammehi samannāgato mātugāmo paralokavijayāya paṭipanno hoti , paraloko āraddho hoti .

Katamehi catūhi ?

Idha , bhikkhave , mātugāmo saddhāsampanno hoti , sīlasampanno hoti , cāgasampanno hoti , paññāsampanno hoti .

‘‘ Kathañca , bhikkhave , mātugāmo saddhāsampanno hoti ?

Idha , bhikkhave , mātugāmo saddho hoti … pe … evaṃP4.273 kho , bhikkhave , mātugāmo saddhāsampanno hoti .

‘‘ KathañcaM3.100 , bhikkhave , mātugāmo sīlasampanno hoti ?

Idha , bhikkhave , mātugāmo pāṇātipātā paṭivirato hoti … pe … surāmerayamajjapamādaṭṭhānā paṭivirato hoti .

Evaṃ kho , bhikkhave , mātugāmo sīlasampanno hoti .

‘‘ Kathañca , bhikkhave , mātugāmo cāgasampanno hoti ?

Idha , bhikkhave , mātugāmo vigatamalamaccherenaV3.102 cetasā agāraṃ ajjhāvasati … pe … evaṃ khoT4.280 , bhikkhave , mātugāmo cāgasampanno hoti .

‘‘ Kathañca , bhikkhave , mātugāmo paññāsampanno hoti ?

Idha , bhikkhave , mātugāmo paññavā hoti … pe … evaṃ kho , bhikkhave , mātugāmo paññāsampanno hoti .

Imehi kho , bhikkhave , catūhi dhammehi samannāgato mātugāmo paralokavijayāya paṭipanno hoti , paraloko āraddho hotī ’’ ti .

‘‘ Susaṃvihitakammantā , saṅgahitaparijjanā ;

Bhattu manāpaṃ carati , sambhataṃ anurakkhati .

‘‘ Saddhā sīlena sampannā , vadaññū vītamaccharā ;

Niccaṃ maggaṃ visodheti , sotthānaṃ samparāyikaṃ .

‘‘ Iccete aṭṭha dhammā ca , yassā vijjanti nāriyā ;

Tampi sīlavatiṃ āhu , dhammaṭṭhaṃ saccavādiniṃ .

‘‘ Soḷasākārasampannā , aṭṭhaṅgasusamāgatā ;

Tādisī sīlavatī upāsikā , upapajjati devalokaṃ manāpan ’’ ti .

dasamaṃ ;

Uposathavaggo pañcamo .

Tassuddānaṃ –

Saṃkhitte vitthate visākhe , vāseṭṭho bojjhāya pañcamaṃ ;

Anuruddhaṃ puna visākhe , nakulā idhalokikā dveti .

Paṭhamapaṇṇāsakaṃ samattaṃ .

Issues

Select Version

Aṭṭhakanipātapāḷi

Aṭṭhakanipātapāḷi