4. Gayāsīsasuttaṃ

Author： _System_Pali_VRI_ @ Administrator

4. Gayāsīsasuttaṃ

64. Ekaṃ samayaṃ bhagavā gayāyaṃ viharati gayāsīse .

Tatra kho bhagavā bhikkhū āmantesi … pe …‘‘ pubbāhaṃ , bhikkhave , sambodhā anabhisambuddho bodhisattova samāno obhāsaññeva kho sañjānāmi , no ca rūpāni passāmi ’’.

‘‘ TassaV3.127 mayhaṃ , bhikkhave , etadahosi –

‘ sace kho ahaṃ obhāsañceva sañjāneyyaṃ rūpāni ca passeyyaṃ ;

evaṃ me idaṃ ñāṇadassanaṃ parisuddhataraṃ assā ’’’ ti .

‘‘ So kho ahaṃ , bhikkhave , aparena samayena appamatto ātāpī pahitatto viharanto obhāsañceva sañjānāmi , rūpāni ca passāmi ;

no ca kho tāhi devatāhi saddhiṃ santiṭṭhāmi sallapāmi sākacchaṃ samāpajjāmi .

‘‘ Tassa mayhaṃ , bhikkhave , etadahosi –

‘ sace kho ahaṃ obhāsañceva sañjāneyyaṃ , rūpāni ca passeyyaṃ , tāhi ca devatāhi saddhiṃ santiṭṭheyyaṃ sallapeyyaṃT4.312 sākacchaṃ samāpajjeyyaṃ ;

evaṃ me idaṃ ñāṇadassanaṃ parisuddhataraṃ assā ’’’ ti .

‘‘ So kho ahaṃ , bhikkhave , aparena samayena appamatto ātāpī pahitatto viharanto obhāsañceva sañjānāmi , rūpāni ca passāmi , tāhi ca devatāhi saddhiṃ santiṭṭhāmi sallapāmi sākacchaṃ samāpajjāmi ;

no ca kho tā devatā jānāmi – imā devatā amukamhā vā amukamhā vā devanikāyāti .

‘‘ TassaM3.124P4.303 mayhaṃ , bhikkhave , etadahosi –

‘ sace kho ahaṃ obhāsañceva sañjāneyyaṃ , rūpāni ca passeyyaṃ , tāhi ca devatāhi saddhiṃ santiṭṭheyyaṃ sallapeyyaṃ sākacchaṃ samāpajjeyyaṃ , tā ca devatā jāneyyaṃ – imā devatā amukamhā vā amukamhā vā devanikāyā ’ ti ;

evaṃ me idaṃ ñāṇadassanaṃ parisuddhataraṃ assā ’’’ ti .

‘ imā devatā amukamhā vā amukamhā vā devanikāyā ’ ti ;

no ca kho tā devatā jānāmi –

‘ imā devatā imassa kammassa vipākena ito cutā tattha upapannā ’ ti … pe … tā ca devatā jānāmi –

‘ imā devatā imassa kammassa vipākena ito cutā tattha upapannā ’ ti ;

no ca kho tā devatā jānāmi –

‘ imā devatā imassa kammassa vipākena evamāhārā evaṃsukhadukkhappaṭisaṃvediniyo ’ tiV3.128 … pe … tā ca devatā jānāmi –

‘ imā devatā imassa kammassa vipākena evamāhārā evaṃsukhadukkhappaṭisaṃvediniyo ’ ti ;

no ca kho tā devatā jānāmi –

‘ imā devatā evaṃdīghāyukāT4.313 evaṃciraṭṭhitikā ’ ti … pe … tā ca devatā jānāmi –

‘ imā devatā evaṃdīghāyukā evaṃciraṭṭhitikā ’ ti ;

no ca kho tā devatā jānāmi yadi vā me imāhi devatāhi saddhiṃ sannivutthapubbaṃ yadi vā na sannivutthapubbanti .

‘‘ Tassa mayhaṃ , bhikkhave , etadahosi –

‘ sace kho ahaṃ obhāsañceva sañjāneyyaṃ , rūpāni ca passeyyaṃ , tāhi ca devatāhi saddhiṃ santiṭṭheyyaṃ sallapeyyaṃ sākacchaṃ samāpajjeyyaṃP4.304 , tā ca devatā jāneyyaṃ –

‘ imā devatā amukamhā vā amukamhā vā devanikāyā ’ ti , tā ca devatā jāneyyaṃ –

‘ imā devatā imassa kammassa vipākena ito cutā tattha upapannā ’ ti , tā ca devatā jāneyyaṃ –

‘ imā devatā evamāhārā evaṃsukhadukkhappaṭisaṃvediniyo ’ ti , tā ca devatā jāneyyaṃ –

‘ imā devatā evaṃdīghāyukā evaṃciraṭṭhitikā ’ ti , tā ca devatā jāneyyaṃ yadi vā me imāhi devatāhi saddhiṃ sannivutthapubbaṃ yadi vā na sannivutthapubbanti ;

evaṃ me idaṃ ñāṇadassanaṃ parisuddhataraṃ assā ’’’ ti .

‘‘ SoM3.125 kho ahaṃ , bhikkhave , aparena samayena appamatto ātāpī pahitatto viharanto obhāsañceva sañjānāmi , rūpāni ca passāmi , tāhi ca devatāhi saddhiṃ santiṭṭhāmi sallapāmi sākacchaṃ samāpajjāmi , tā ca devatā jānāmi –

‘ imā devatā amukamhā vā amukamhā vā devanikāyā ’ ti , tā ca devatā jānāmi –

‘ imā devatā imassa kammassa vipākena ito cutā tattha upapannā ’ ti , tā ca devatā jānāmi –

‘ imā devatā evamāhārā evaṃsukhadukkhappaṭisaṃvediniyo ’ tiT4.314 , tā ca devatā jānāmi –

‘ imā devatā evaṃdīghāyukā evaṃciraṭṭhitikā ’ ti , tā ca devatā jānāmi yadi vā me devatāhi saddhiṃ sannivutthapubbaṃ yadi vā na sannivutthapubbanti .

‘‘ Yāvakīvañca me , bhikkhave , evaṃ aṭṭhaparivaṭṭaṃ adhidevañāṇadassanaṃ na suvisuddhaṃ ahosi , neva tāvāhaṃ , bhikkhave ,‘ sadevake loke samārake sabrahmake sassamaṇabrāhmaṇiyā pajāya sadevamanussāya anuttaraṃ sammāsambodhiṃ abhisambuddho ’ ti [ abhisambuddho ( sī . syā . pī .)] paccaññāsiṃ .

Yato ca kho meV3.129 , bhikkhave , evaṃ aṭṭhaparivaṭṭaṃ adhidevañāṇadassanaṃ suvisuddhaṃ ahosi , athāhaṃ , bhikkhave ,‘ sadevakeP4.305 loke samārake sabrahmake sassamaṇabrāhmaṇiyā pajāya sadevamanussāya anuttaraṃ sammāsambodhiṃ abhisambuddho ’ ti paccaññāsiṃ ;

ñāṇañca pana me dassanaṃ udapādi ;

akuppā me cetovimutti [ vimutti ( ka . sī . ka .)];

ayamantimā jāti natthi dāni punabbhavo ’’ ti .

Catutthaṃ .

Issues

Select Version

Aṭṭhakanipātapāḷi

Aṭṭhakanipātapāḷi