3. Saṃkhittasuttaṃ

Author： _System_Pali_VRI_ @ Administrator

3. Saṃkhittasuttaṃ

53.[ cūḷava .406] EkaṃV3.109 samayaṃ bhagavā vesāliyaṃ viharati mahāvane kūṭāgārasālāyaṃ .

Atha kho mahāpajāpatī gotamī yena bhagavā tenupasaṅkami ;

upasaṅkamitvā bhagavantaṃ abhivādetvā ekamantaṃ aṭṭhāsi .

Ekamantaṃ ṭhitā kho sā mahāpajāpatī gotamī bhagavantaṃ etadavoca –

‘‘ SādhuM3.107 me , bhante , bhagavā saṃkhittena dhammaṃ desetu , yamahaṃ bhagavato dhammaṃ sutvā ekā vūpakaṭṭhā appamattā ātāpinī pahitattā vihareyyan ’’ ti .

‘‘ Ye kho tvaṃ , gotami , dhamme jāneyyāsi –

‘ ime dhammā sarāgāya saṃvattanti , no virāgāya ;

saṃyogāya saṃvattanti , no visaṃyogāya ;

ācayāya saṃvattanti , no apacayāya ;

mahicchatāya saṃvattanti , no appicchatāya ;

asantuṭṭhiyā saṃvattanti , no santuṭṭhiyā ;

saṅgaṇikāya saṃvattanti , no pavivekāya ;

kosajjāya saṃvattanti , no vīriyārambhāya ;

dubbharatāya saṃvattanti , no subharatāyā ’ ti , ekaṃsena , gotami , dhāreyyāsi –

‘ neso dhammo , neso vinayo , netaṃ satthusāsanan ’’’ tiT4.289 .

‘‘ Ye ca kho tvaṃ , gotami , dhamme jāneyyāsi –

‘ ime dhammā virāgāya saṃvattanti , no sarāgāya ;

visaṃyogāya saṃvattanti , no saṃyogāya ;

apacayāya saṃvattanti , no ācayāya ;

appicchatāya saṃvattanti , no mahicchatāya ;

santuṭṭhiyā saṃvattanti , no asantuṭṭhiyā ;

pavivekāya saṃvattanti , no saṅgaṇikāyaP4.281 ;

vīriyārambhāya saṃvattanti , no kosajjāya ;

subharatāya saṃvattanti , no dubbharatāyā ’ ti , ekaṃsena , gotami , dhāreyyāsi –

‘ eso dhammo , eso vinayo , etaṃ satthusāsanan ’’’ ti .

Tatiyaṃ .

Issues

Select Version

Aṭṭhakanipātapāḷi

Aṭṭhakanipātapāḷi