3. Dānavatthusuttaṃ
33.‘‘ Aṭṭhimāni
M3.69 , bhikkhave , dānavatthūni .Katamāni aṭṭha ?
Chandā dānaṃ deti , dosā dānaṃ deti , mohā dānaṃ deti , bhayā dānaṃ deti ,‘ dinnapubbaṃ katapubbaṃ pitupitāmahehi , nārahāmi porāṇaṃ kulavaṃsaṃ hāpetun ’ ti dānaṃ deti ,‘ imāhaṃ dānaṃ datvā kāyassa bhedā paraṃ maraṇā sugatiṃ
T4.241 saggaṃ lokaṃ upapajjissāmī ’ ti dānaṃ deti ,‘ imaṃ me dānaṃ dadato cittaṃ pasīdati , attamanatāP4.237 somanassaṃ upajāyatī ’ ti dānaṃ deti , cittālaṅkāracittaparikkhāratthaṃ dānaṃ deti .Imāni kho , bhikkhave , aṭṭha dānavatthūnī ’’ ti .
Tatiyaṃ .