1. Paṭhamadānasuttaṃ
31.[ dī . ni .3.336]‘‘ Aṭṭhimāni
V3.69P4.236 , bhikkhave , dānāni .Katamāni aṭṭha ?
Āsajja dānaṃ deti , bhayā dānaṃ deti ,‘ adāsi me ’ ti dānaṃ deti ,‘ dassati me ’ ti dānaṃ deti ,‘ sāhu dānan ’ ti dānaṃ deti ,‘ ahaṃ pacāmi , ime na pacanti ;
nārahāmi pacanto apacantānaṃ dānaṃ adātun ’ ti dānaṃ deti ,‘ imaṃ me dānaṃ dadato kalyāṇo kittisaddo abbhuggacchatī ’ ti dānaṃ deti , cittālaṅkāracittaparikkhāratthaṃ dānaṃ deti .
Imāni kho , bhikkhave , aṭṭha dānānī ’’ ti .
Paṭhamaṃ .