Issues
Editor
Settings
Versions
Select Version
Bhikkhu Bodhi
English
sāsanāre-သာသနာရေး
မြန်မာဘာသာ
Aṭṭhakanipātapāḷi
Aṭṭhakanipātapāḷi

(11).

Author： _System_Pali_VRI_ @ Administrator

(11).
Rāgapeyyālaṃ

117.‘‘ RāgassaT4.360M3.161V3.168 , bhikkhave , abhiññāya aṭṭha dhammā bhāvetabbā .
Katame aṭṭha ?
Sammādiṭṭhi , sammāsaṅkappo , sammāvācā , sammākammanto , sammāājīvo , sammāvāyāmo , sammāsati , sammāsamādhi – rāgassa , bhikkhave , abhiññāya ime aṭṭha dhammā bhāvetabbā ’’ ti .
118.‘‘ Rāgassa , bhikkhave , abhiññāya aṭṭha dhammā bhāvetabbā .
Katame aṭṭha ?
Ajjhattaṃ rūpasaññī bahiddhā rūpāni passati parittāni suvaṇṇadubbaṇṇāni , tāni abhibhuyya ‘ jānāmi passāmī ’ ti evaṃsaññī hoti .
Ajjhattaṃ rūpasaññī bahiddhā rūpāni passati appamāṇāni suvaṇṇadubbaṇṇāni , tāni abhibhuyya ‘ jānāmi passāmī ’ ti evaṃsaññī hoti .
Ajjhattaṃ arūpasaññī bahiddhā rūpāni passati parittāni suvaṇṇadubbaṇṇāni , tāni abhibhuyya ‘ jānāmi passāmī ’ ti evaṃsaññī hoti .
Ajjhattaṃ arūpasaññī bahiddhā rūpāni passati appamāṇāni suvaṇṇadubbaṇṇāni , tāni abhibhuyya ‘ jānāmi passāmī ’ ti evaṃsaññī hoti .
AjjhattaṃP4.349 arūpasaññī bahiddhā rūpāni passati nīlāni nīlavaṇṇāni nīlanidassanāni nīlanibhāsāni pītāni pītavaṇṇāni … pe … lohitakāni lohitakavaṇṇāni … pe … odātāni odātavaṇṇāni … pe … odātanibhāsāni , tāni abhibhuyya ‘ jānāmi passāmī ’ ti evaṃsaññī hoti – rāgassa , bhikkhave , abhiññāya ime aṭṭha dhammā bhāvetabbā ’’.
119.‘‘ Rāgassa , bhikkhave , abhiññāya aṭṭha dhammā bhāvetabbā .
KatameT4.361 aṭṭha ?
Rūpī rūpāni passati , ajjhattaṃ arūpasaññī bahiddhā rūpāni passati , subhanteva adhimutto hoti , sabbaso rūpasaññānaṃ samatikkamā paṭighasaññānaṃ atthaṅgamā nānattasaññānaṃ amanasikārā ‘ ananto ākāso ’ ti ākāsānañcāyatanaṃ upasampajja viharati , sabbaso ākāsānañcāyatanaṃ samatikkamma ‘ anantaṃ viññāṇan ’ ti viññāṇañcāyatanaṃ upasampajja viharati , sabbaso viññāṇañcāyatanaṃ samatikkamma ‘ natthi kiñcī ’ ti ākiñcaññāyatanaṃ upasampajja viharati , sabbaso ākiñcaññāyatanaṃ samatikkamma nevasaññānāsaññāyatanaṃ upasampajjaV3.169 viharati , sabbaso nevasaññānāsaññāyatanaṃ samatikkamma saññāvedayitanirodhaṃ upasampajja viharati – rāgassa , bhikkhave , abhiññāya ime aṭṭha dhammā bhāvetabbā ’’.
120-146.
‘‘ RāgassaM3.162 , bhikkhave , pariññāya … pe … parikkhayāya … pahānāya … khayāya … vayāya … virāgāya … nirodhāya … cāgāya … paṭinissaggāya … pe … ime aṭṭha dhammā bhāvetabbā ’’.
147-626.
‘‘ Dosassa … pe … mohassa … kodhassa … upanāhassa … makkhassa … paḷāsassa … issāya … macchariyassaP4.350 … māyāya … sāṭheyyassa … thambhassa … sārambhassa … mānassa … atimānassa … madassa … pamādassa abhiññāya … pe … pariññāya … parikkhayāya … pahānāya … khayāya … vayāya … virāgāya … nirodhāya … cāgāya … paṭinissaggāya … pe … ime aṭṭha dhammā bhāvetabbā ’’ ti .
Rāgapeyyālaṃ niṭṭhitaṃ .
Aṭṭhakanipātapāḷi niṭṭhitā .