(8)3. Yamakavaggo
1. Paṭhamasaddhāsuttaṃ
71.‘‘ Saddho
V3.138 ca [ saddho ( syā .) ettheva . a . ni .9.4], bhikkhave , bhikkhu hoti , no ca [ no ( syā .) evamuparipi ‘‘ no ’’ tveva dissati ] sīlavā .Evaṃ so tenaṅgena aparipūro hoti .
Tena taṃ aṅgaṃ paripūretabbaṃ –
‘ kintāhaṃ saddho ca assaṃ sīlavā cā ’ ti .
Yato ca kho , bhikkhave , bhikkhu saddho ca hoti sīlavā ca , evaṃ so tenaṅgena paripūro hoti .
‘‘ Saddho ca , bhikkhave , bhikkhu hoti sīlavā ca , no ca bahussuto .
Evaṃ so tenaṅgena aparipūro hoti .
Tena taṃ aṅgaṃ paripūretabbaṃ –
‘ kintāhaṃ saddho ca assaṃ , sīlavā ca , bahussuto cā ’ ti .
Yato ca kho , bhikkhave , bhikkhu saddho ca hoti sīlavā ca bahussuto ca , evaṃ so tenaṅgena paripūro hoti .
‘‘ Saddho
M3.134 ca , bhikkhave , bhikkhu hoti sīlavā ca bahussuto ca , no ca dhammakathiko … pe … dhammakathiko ca , no ca parisāvacaro … pe … parisāvacaro ca , no ca visārado parisāya dhammaṃ deseti … pe … visārado ca parisāya dhammaṃ deseti , no ca catunnaṃT4.325 jhānānaṃ ābhicetasikānaṃ diṭṭhadhammasukhavihārānaṃ nikāmalābhī hoti akicchalābhī akasiralābhī … pe … catunnaṃ jhānānaṃ ābhicetasikānaṃ diṭṭhadhammasukhavihārānaṃ nikāmalābhī hoti akicchalābhī akasiralābhī , no ca āsavānaṃ khayā anāsavaṃ cetovimuttiṃ paññāvimuttiṃ diṭṭheva dhamme sayaṃ abhiññā sacchikatvā upasampajja viharati ;evaṃ so tenaṅgena aparipūro hoti .
Tena taṃ aṅgaṃ paripūretabbaṃ
P4.315 –‘ kintāhaṃ saddho ca assaṃ , sīlavā ca , bahussuto ca , dhammakathiko ca , parisāvacaro ca , visārado ca parisāya dhammaṃ deseyyaṃ , catunnañca jhānānaṃ ābhicetasikānaṃ diṭṭhadhammasukhavihārānaṃ nikāmalābhī assaṃ akicchalābhī akasiralābhī , āsavānañca khayā anāsavaṃ cetovimuttiṃ paññāvimuttiṃ diṭṭheva dhamme sayaṃ abhiññā sacchikatvā upasampajja vihareyyan ’’’ ti .
‘‘ Yato
V3.139 ca kho , bhikkhave , bhikkhu saddho ca hoti , sīlavā ca , bahussuto ca , dhammakathiko ca , parisāvacaro ca , visārado ca parisāya dhammaṃ deseti , catunnañca jhānānaṃ ābhicetasikānaṃ diṭṭhadhammasukhavihārānaṃ nikāmalābhī hoti akicchalābhī akasiralābhī , āsavānañca khayā anāsavaṃ cetovimuttiṃ paññāvimuttiṃ diṭṭheva dhamme sayaṃ abhiññā sacchikatvā upasampajja viharati ;evaṃ so tenaṅgena paripūro hoti .
Imehi , kho , bhikkhave , aṭṭhahi dhammehi samannāgato bhikkhu samantapāsādiko ca hoti sabbākāraparipūro cā ’’ ti .
Paṭhamaṃ .