6. Vimokkhasuttaṃ
66.‘‘ Aṭṭhime , bhikkhave , vimokkhā .
Katame aṭṭha ?
Rūpī rūpāni passati .
Ayaṃ paṭhamo vimokkho .
‘‘ Ajjhattaṃ arūpasaññī , bahiddhā [ arūpasaññī eko bahiddhā ( syā . pī . ka .) dī . ni .2.129; dī . ni .3.338,358; a . ni .8.119; ma . ni .2.248 passitabbaṃ ] rūpāni passati .
Ayaṃ dutiyo vimokkho .
‘‘ Subhanteva adhimutto hoti .
Ayaṃ tatiyo vimokkho .
‘‘ Sabbaso
M3.127 rūpasaññānaṃ samatikkamā paṭighasaññānaṃ atthaṅgamā nānattasaññānaṃ amanasikārā ‘ anantoT4.316 ākāso ’ ti ākāsānañcāyatanaṃ upasampajja viharati .Ayaṃ catuttho vimokkho .
‘‘ Sabbaso ākāsānañcāyatanaṃ samatikkamma ‘ anantaṃ viññāṇan ’ ti viññāṇañcāyatanaṃ upasampajja viharati .
Ayaṃ pañcamo vimokkho .
‘‘ Sabbaso viññāṇañcāyatanaṃ samatikkamma ‘ natthi kiñcī ’ ti ākiñcaññāyatanaṃ upasampajja viharati .
Ayaṃ chaṭṭho vimokkho .
‘‘ Sabbaso
V3.131 ākiñcaññāyatanaṃ samatikkamma nevasaññānāsaññāyatanaṃ upasampajja viharati .Ayaṃ sattamo vimokkho .
‘‘ Sabbaso nevasaññānāsaññāyatanaṃ samatikkamma saññāvedayitanirodhaṃ upasampajja viharati .
Ayaṃ aṭṭhamo vimokkho .
Ime kho , bhikkhave , aṭṭha vimokkhā ’’ ti .
Chaṭṭhaṃ .